韓國四大公共財產OPPA
《愛的迫降》後，炫彬重回「韓國四大公共財產」榜首！其他三位又係邊個呢？
Hello，大家好，我哋係由韓國人每日提供最新韓國旅行資訊嘅Creatrip。
《愛的迫降》炫彬迷倒唔少萬千少女，而炫彬更係四大公共財其中之一位，但大家又知唔知「韓國四大公共財」係咩意思呢？
根據韓國公共財定義指出，係所有人可共同使用財物、服務，即使冇付出代價，亦無法排除優惠之外性質，就係公共財。而藝人被稱為公共財，即代表國民度同好感度到咗一定程度先可以有呢個名，同時係每個人都想悉心守護同關愛。
韓國四大公共財
1. 炫彬
《愛的迫降》
無論係《愛的迫降》中嘅北韓軍官，定係《阿爾罕布拉宮的回憶》嘅公司代表，甚至係更耐之前嘅《祕密花園》，每一個角色佢都做得超好，而且每一個角色都展出佢唔同魅力！
《阿爾罕布拉宮的回憶》
被稱為韓國四大公共財產之一，炫彬可以話係當之無愧，幾乎冇任何負評。雖然每拍一部韓劇就會傳一次緋聞……但仍然不減大家對炫彬嘅喜愛。雖然《阿爾》一劇比人話係爛尾，但《愛的迫降》可以話係令唔少少女重回炫彬迫降區域添。
《祕密花園》
事隔好幾年，炫彬已經擺脫當初稚氣五官，變得更加成熟、更有男人味。雖然因為武漢肺炎疫情影響，3月開拍嘅電影可能有啲變數，但希望炫彬一樣可以繼續走花路。
來源：VOGUE Korea
2. 孔劉
《孤單又燦爛的神：鬼怪》
要講韓國國民度最高嘅公共財，就一定非孔劉莫屬啦！(小編身邊都有唔少媽媽級稱自己為孔太...)佢喺南韓紅嘅程度可以話係超乎大家想像，只要係韓國人，都一定會識佢。佢拍過嘅戲劇同電影更係紅透半片天，代言商品更係最熱門。
《屍速列車》
相信大家應該都記得孔劉喺《屍速列車》裡面好爸爸形象，雖然結局不盡人意，但都係感動咗無數觀眾，但要講到佢最初喺韓國走紅關鍵，一定係《咖啡王子一號店》中，太子爺最後變溫柔形象。
《咖啡王子一號店》
雖然近期孔劉拍戲唔多，但喺電影或者電視廣告都可以見到佢嘅身影，平時唔多用SNS嘅孔劉都算係相當神秘，作為韓國公共財之一，可以話要多啲出現先可以令大家好好愛護㗎嘛 。(孔太話係唔係先！)
《82年生的金智英》
3. 蘇志燮
《我的維納斯》
相信有睇上年新聞，唔少自稱「蘇太」嘅人都心碎...蘇志燮首度公開認愛，韓國四大公共財之一終於要拱手讓人啦。
《對不起，我愛你》
蘇志燮拍過唔少經典中嘅經典，深邃五官配上迷人雙眼，令人唔入坑都難。
《主君的太陽》
但相信大家應該都會繼續等！蘇志燮確認接演嘅懸疑電影《自白》亦喺去年底開拍，相信唔使幾耐，公共財之一嘅蘇先生又可以重回大螢幕啦！
來源：THE NORTH FACE Korea
4. 姜棟元
《黑祭司》
標準日系長相同娃娃臉，配上微微上鉤狐狸眼，姜棟元嘅魅力同其他三位公共財唔太似，佢係更加惹人憐愛類型。
2004年主演嘅《狼的誘惑》，令佢橫掃各大電影獎項同新人獎，從此之後只要係姜棟元出演嘅作品，票房都會有唔錯表現。
來源：YG娛樂
雖然近期唔太多活動，但目前確定嘅係姜棟元即將出演《屍速列車》續集《半島》，各位姜太，千祈唔好錯過啦！
《偷天對決》
以上四大韓國公共財，相信大家都希望見到佢哋帶住更精湛演技重新投入大家懷抱。雖然而家大家冇辦法嚟韓國，但煲劇同補進度係可以同時進行，大家一齊加油啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
