韓國經紀公司鬼故事
韓國偶像同你介紹每間經紀公司出名嘅鬼故！你又覺得邊個最恐怖呢？
Hello，大家好，我哋係由韓國人每日提供最新韓國旅行資訊嘅Creatrip。
同朋友眾埋一齊講故事真係一個刺激、有趣又經典嘅活動。好多地方都有唔同嘅鬼故，包括韓國嘅經紀公司都唔例外。喺韓國有撞鬼會大發嘅講法，所以有時KPOP idol反而會想撞吓鬼😂 以下就一齊嚟睇吓一啲idol分享嘅撞鬼故事啦。
韓國經紀公司鬼故事
JYP（小朋友鬼）
JYP嘅粉絲或者會聽過趙權講呢個故事。佢提到以前嘅JYP舊址有一隻鬼會成日喺樓梯間遊走。而呢隻鬼仲要係由第一代JYP藝人Rain嗰時已經存在！佢多數會喺地下室遊蕩，仲會成日整跌啲落樓梯去緊地下室嘅人添。連趙權都有一次跌得好傷，傷到要宣美幫佢call白車添😨 當時仲有一個有陰陽眼嘅練習生望住樓梯係咁笑，趙權問佢笑乜，個練習生就話佢見到一個細路伸隻腳出嚟整跌啲人。（小編覺得個練習生恐怖啲...）趙權仲話JYP舊址前身係個墓地嚟添！
SM（着住工作服嘅鬼）
![SM Ghost encounters K-pop]()
KBS
SM嘅鬼故係由Sunny喺2012年上節目嗰陣提到，先令大眾知道SM原來有隻着住工作服嘅鬼，不過當時就冇講得太詳細。後嚟Johnny同在玹話，有次泰容同Johnny喺地下室練習嘅時候，聽到見到有水樽漏水嘅聲，點解轉身一睇，個水樽就已經合埋咗蓋。佢哋亦提到，SM地下室有鬼呢件事已經傳咗好多年，聽講有時啲練習生學新舞步嗰陣會撞到鬼，特別係當佢哋練習到好夜，明明冇人都會聽到腳步聲。不過睇嚟喺SM撞鬼都有好處，因為在玹都話，如果彩排嗰時見到鬼，首歌都會非常成功。
YG（練習室鬼）
![YG BLACKPINK jisoo and Lisa]()
Naver
YG睇嚟係一間唔太將自己入內部事講出嚟嘅公司，因為佢哋連關於公司鬼故嘅資料都好少。只不過喺2016年，BLACKPINK推出「PLAYING WITH FIRE」同「STAY」嗰陣，Jisoo就有提到佢曾經多次撞鬼，佢話佢曾經喺YG練習室同宿舍都有見過鬼，而Lisa都話佢遇到同一隻鬼。
RBW（鬼敏智）
![Ghost encounters RBW]()
RBW嘅鬼似乎唔太識匿埋，因為Mamamoo同ONEUS都會有撞過鬼，ONEUS成員仲提到嗰隻鬼好鐘意玩廁所啲燈。RBW嘅人會稱佢為「敏智」，佢有時仲會喺錄音室整啲砰砰聲，令所有人都嚇親。當製造作人走出房想check吓係咩聲嗰陣，佢哋就會好震驚咁發現所有燈都冇開，所有門都上哂鎖。
敏智亦出現喺玟星同Solar嘅直播添。當佢哋兩個講緊嘢嘅時候，突然被一啲奇怪嘅聲打斷咗。佢哋兩個都好驚，玟星仲大嗌係邊個，但冇人應佢😨
WM（被鏡頭捕捉到嘅鬼）
![WM Ghost encounter OH MY GIRL]()
當Oh My Girl嘅Arin同祉呼喺直播講緊佢哋公司WM嘅鬼故嘅時候，個鏡頭突然轉咗角度，仲要跌咗落嚟。隨住鏡頭跌落嚟，仲聽到從出面傳嚟敲門聲，但明明嗰間房就冇露台😨 B1A4嘅燦多都喺錄音嗰陣聽過有怪聲，ONF嘅Hyojin都表示曾經遇過同一隻鬼添。
以上就係一啲韓國經紀公司嘅鬼故啦，大家又覺得邊一個最恐怖呢？歡迎留言話我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
