「蘋果肉桂」牛奶新上市-韓國（Creatrip）

Hello，大家好，我哋係由韓國人話你知每日最新韓國資訊嘅Creatrip。

＃韓國香蕉牛奶
＃新口味＃蘋果肉桂

相信大家對韓國香蕉奶嘅品牌「Binggrae」唔陌生，自從之前出完限定口味嘅波子汽水味同埋金桔牛奶味之後，近期呢個牌子又推出咗秋冬商品啦！

而今次新出嘅口味係相對冷門嘅「蘋果肉桂口味」，究竟飲起上嚟係咩味呢？

「蘋果肉桂」牛奶新上市

韓國蘋果肉桂牛奶新品推出，角色角色服裝與奶樽非常搭配

韓國蘋果肉桂牛奶新品發布會，角色持瓶宣傳 INSTAGRAM：binggraekorea

早前喺10月底嘅時候，Binggrae官方Instagram就推出咗新版商品嘅角色，呢個人著曬粉紅色衫拎住呢樽牛奶，同新上市嘅蘋果肉桂牛奶非常之夾！

正正喺因為咁，喺預告上市前幾日，網上就出現咗好多相關嘅討論。

蘋果肉桂牛奶產品特寫，瓶上印有蘋果圖案

超市陳列的蘋果肉桂牛奶，前景突出顯示瓶身圖案

新口味嘅樽上面都有做咗好多小細節，就係印咗好多小蘋果。

講到好唔好飲呢，小編就覺得除咗有蘋果嘅甜味之外，仲有好香嘅肉桂味，不過個味冇想像中咁重。

不過小編個人就覺得比上一波出嘅波子汽水味好飲！

呢個商品係秋冬限定㗎，而家暫時都唔知會賣到幾時！

蘋果肉桂牛奶單瓶特寫，在桌面上呈現

而網上都出現咗好多唔同嘅蘋果肉桂牛奶食譜，例如加入咖啡變成蘋果肉桂拿鐵，或者加入麥皮增加口感嘅新奇食法！

唔知大家覺得點呢？大家又有冇興趣試呢款呢？

其他延伸閱讀
香蕉奶受歡迎原因	糖味牛奶上市