武漢往返韓國航班復航

今日新聞報導指出，時隔8個月，仁川往返武漢嘅航班由今日起將會復航，一星期會有一班。

今朝8:48 （韓國時間），大約有60人乘搭復航後第一班航班TW615， 由仁川機場出發前往武漢。

而喺今日晏晝13:55（韓國時間），亦都有40多位乘客會搭航班TW616由武漢飛往仁川機場。

t'way航空相關人士表示：「目前主要接受喺中國當地旅行社提前預約嘅乘客，由下星期開始，亦開始可以透過我哋網站預約，估計韓中企業需求將會增加。」

t'way航空最近得到中國地方政府嘅防疫認證同中國民航局飛行許可，同時喺14號得到韓國國土部飛行許可。

因此，佢哋計劃由今日（16號）起，每星期將會有一班來往仁川同武漢嘅航班。