疫情下誕生嘅新造詞

因疫情而誕生嘅新造詞(신조어)！每個詞同日常生活中好貼切，大家又點睇？

황요산

4 years ago

Hello，大家好，我哋係由韓國人話你知每日最新韓國旅行資訊嘅Creatrip。

目前因為疫情影響，大家都唔可以走圍去，因為咁韓國產生咗以下幾個字，每個字同我哋日常生活中，又形容得幾貼切，唔知大家又認唔認同呢？

Creatrip為咗關心韓國嘅朋友，會持續更新相關新聞（撳我），大家唔需要太過擔心同緊張，記住出門口一定要戴口罩同勤洗手！

1. 코로나 블루 (Corona Blue)

코메디닷컴

코로나 블루(Corona Blue) ，其實即係武漢肺炎+憂鬱咁解。

由疫情開始，大家已經過住擔驚受怕嘅日子，一開始擔心口罩唔夠，慢慢開始擔心會唔會冇工返，直到而家都唔知疫情幾時先會好轉，種種嘅無形壓力，令人唔經唔覺都慢慢有憂鬱症狀。

2. 확찐자 確增（肥）者

한국일보

확찐자 其實原本單詞係확진자（確診者）咁解，但如果將진(診) 加多個ㅈ字就會變咗 찐(增)，發音亦都差唔多。由於疫情影響，大家留喺屋企嘅日子變多咗，去做運動嘅時間可以話係大減。同時叫外賣次數亦都逐漸變多，大家都不知不覺增肥中....唔知大家又有冇同感呢？

3. 집콕족 宅喺屋企嘅人

데일리타임즈

집콕 = 宅喺屋企、족 = 族，其實簡單嚟講即係宅喺屋企嘅人。因為疫情影響，留喺屋企嘅人越嚟越多，自然地韓國好多人成日都話自己係집콕족。

4. 재택경제 在家經濟

신흥신문

재택근무 = 在家公作；但如果係재택경제 = 在家經濟，唔知大家有冇發現，因為留喺屋企時間多咗，上網時間就會變多。自然地上網買嘢機會亦都變大，消費次數分分鐘比平時正常返工用得仲多。

5. 금스크 金口罩
중앙일보

雖然韓國而家口罩量可以話係充足，但最初係一罩難求嘅時候，一個口罩可以係原價幾好幾倍，因為咁嘅情況，韓國人曾經稱口罩為「金口罩」。

唔知希望疫情要去到幾時，而家只希望疫情可以快啲穩定落嚟，大家都要做好防疫措施，希望各地區可以早日開關。

如果有更多想知嘅內容，都可以隨時留言或者dm話俾我哋知：）

Instagram：creatrip.hk