Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃三項鐵人
＃女選手＃自殺＃聯署
韓國三項鐵人選手崔淑賢（최숙현 音譯）上個月26號，因不堪被隊內教練、前輩長期虐待，選擇走上絕路，了結生命。
消息曝光之後，青瓦台連署截至目前為止，已經有超過十萬人聯署。
總統文在寅表示關注事件，全案進入調查階段。
✨馬上Follow我哋IG
instagram.com/creatrip.hk
南韓選手自殺身亡
崔淑賢係南韓國家代表隊成員，同時被視為鐵人三項賽事入面嘅明日之星。
但係，榮譽背後，佢承擔住長期以嚟，教練虐打、施暴嘅痛苦。
來源：연합뉴스
目前已曝光嘅資料顯示，崔淑賢控制體重唔順利，被教練禁食虐待，更遭受長期毆打同語言暴力。
即使佢本人先前已向體育協會舉報，但中心只係反覆要求崔淑賢提供證明，冇採取積極保護措施。
崔淑賢當時仲生前調查官反問，「呢啲（提出受害證明）係我應該要做㗎咩？」令人心碎。
被調查嘅教練（來源：SBS）
崔淑賢嘅親友喺青瓦台發起聯署，內文寫：
應該正確指導選手嘅教練、一齊成長同指引後輩嘅前輩、負責選手健康同安全嘅隊醫，冇做到堂堂正正決定勝負，更冇體現嚮往拼搏嘅體育精神，反而除鞋打崔淑賢，甚至打到肋骨斷裂、食刑拷問（禁食，或者強迫禁食）等殘酷暴行⋯⋯
崔淑賢自殺前，向母親send最後訊息，請求母親揭露「呢班人」嘅罪。
事件曝光後，大邱地方檢查廳已介入調查。
崔淑賢父親日前受訪表示，體育公正委員會嘅職權，可以喺檢方調查結果出爐前，先行懲戒加害者。
根據協會規定第24條指出，惡意毆打、語言暴力嘅教練同前輩，最高可處以三年以上禁賽，或者永久開除嘅懲罰。
體育協會只係表示會儘快採取處分。
不過，體育協會唔積極處理崔淑賢嘅投訴，導致崔淑賢含冤離世，難辭其咎。
今日（7月6號）體育協會要求被指控為加害者嘅教練同前輩，出席記者會解釋事件，預計會喺到時確認處分，還已離世嘅崔淑賢一個公道。
✨馬上Follow我哋IG
instagram.com/creatrip.hk
| 其他延伸閱讀 | |
 韓國保安員之死 |  連環殺人案破案 |
