Hello，大家好，我哋係由韓國人話你知每日最新韓國資訊嘅Creatrip。
＃韓國人長相＃蒙古人
＃亞洲臉孔＃血緣關係
韓國人同蒙古人生得好似嘅呢件事，小編一直都聽過唔少次。
到底事實係咪真？點解會有人咁諗？我哋一齊睇下啦！
✨馬上Follow我哋IG
instagram.com/creatrip.hk
傳說韓國人嘅祖先係蒙古人
呢個講法其實相當具有可信度，因為韓國人同蒙古人面型其實真係幾似。
喺韓國網Naver搜尋蒙古人嘅話，會睇到好多寫關於韓國人同蒙古人點解可以咁似嘅文章或問答。
甚至會有人問「睇電視嗰陣見到蒙古人，雖然我冇去過蒙古，對蒙古亦都唔太了解，但蒙古人唔係我哋祖先咩？遺傳學係咪真？我哋真係太似啦」。
呢啲留言真係有超多.....
加上依家越嚟越多外國人住喺韓國，蒙古人可以話去邊都見得到。有韓國人仲話見到蒙古人，都會有一種「我哋到底係咪真係蒙古後裔」嘅諗法。
蒙古人同韓國人會似，可能因為真係五官嘅關係。
大部分韓國人特徵之一就係冇雙眼皮，仲有眉間比較寬，同時嘴都比較細。而呢啲特徵同蒙古人身體特徵又真係好似。
住喺韓國嘅蒙古人
韓國、蒙古語言好似？
韓文源於漢字係眾所周知嘅事，韓國人喺學中文嘅時候都有發現，就算發音唔太準，但都仲可以大概估得中文意思。
但係大家都知中文同韓文法唔一樣，所以兩個截然會覺得好唔同。
舉個例子，韓文同日文文法、發音都好似，所以對韓國人嚟講，學日文相對會比較簡單。
不過韓文同中文文法就完全唔一樣（中文仲有聲調，真係難學…廣東話更加唔洗講....）。
最令人驚訝嘅係，韓文同蒙古文文法真係好似，所以移居到韓國嘅蒙古人之所以能夠比其他國家嘅人，更快學到韓文唔係冇原因。
另外，發音亦都好似，兔喺蒙古文係講「Tollai」，韓文係「Tokki」 。
眼睛喺蒙古文係「Noot」，韓文係「Neun」。
韓國人真係蒙古人嘅後代？
為咗探討韓國人究竟係唔係蒙古人後代，小編用咗少少時間去查了一啲同人種相關嘅科學資料。
結論是，雖然韓國人同蒙古人喺遺傳關係好似，但並非有直接祖先關係。
咁韓國人真正祖先又係邊個？
根據眾多研究調查顯示，韓國人由新石器時代開始，遺傳性特徵就開始同蒙古人有分別。
經過時間流逝之後，融合咗亞洲北方人同亞洲南方人特徵。
韓國人經過數千年而形成嘅混血特徵中，遺傳因子中主要係保有亞洲北方特徵較多（北方60%、南方40%）。
亦即係話，韓國人係由東南亞移居北方民族，同往下游遷徙嘅東方民族相互結合而成嘅結果。
仔細觀察韓國人嘅話，可以發現有一啲韓國人係由出世時就有深邃雙眼皮。
反面而言，眼睛細、冇雙眼皮、顴骨發達嘅人係受到北方影響更多，亦係好多人對於韓國長相嘅刻板印象。
展現目前韓、中、日三國平均臉型紀錄片。一眼就可以睇出唔同人種嘅特徵。
尤其韓國、中國、日本原來係同一個祖先，但經過環境變遷，依家先會演變成唔同臉型。
結果人類嘅根源都係一樣！
其實人類嘅源頭都係一樣，如果唔係因為有勇氣移民者，亦唔會有咁多有特色嘅人種誕生。
雖然文化同語言唔同，但我哋仍炙係保有最原始遺傳因子嘅人類，呢件真係值得感激嘅事。
✨馬上Follow我哋IG
instagram.com/creatrip.hk
| 其他延伸閱讀 | |
 韓國考試院 |  韓國人迷信文化 |
