韓國考試院
3.5平方米蝸居，韓國考試院細得嚟最平？潛在火災、獨居捽死問題？
Hello，大家好，我哋由韓國人話你知每日最新韓國資訊嘅Creatrip。
＃韓國生活 ＃租屋
＃考試院
相信有諗過嚟韓國留學、working holiday嘅朋友都有搵過喺韓國租屋方面嘅資訊。
其中一個好多人揀嘅屋，就係考試院啦！
不過，考試院其實有好多問題⋯⋯
今日就等小編同大家分析下啦！
✨馬上Follow我哋IG
instagram.com/creatrip.hk
考試院係咩嚟？
考試院係韓國最平、靈活度最高嘅住屋形式。
考試院由兩個單詞組成：고시（考試）同원（院）。
考試院平均只有3.5m2一間，會有床、枱，好少少嘅會有埋一個雪櫃仔。
廁所、廚房就要同其他人共用。依家有啲考試院會有獨立廁所同對外窗，但就會租金貴啲。
考試院最大嘅優點就係租平、保證金低（甚至唔洗），廚房仲有泡菜、拉麵同白飯提供。
最平嘅考試院可以到30萬won（HKD2100）一個月。
不過，考試院嘅隔音好差，可以聽到隔離房做緊咩。
韓國有好多考生都會租考試院嚟住，所以喺公務員考試學院附近有好多。
近年，有唔少學生、Fresh Grad都會揀考試院嚟住，所以喺大學、商業區都出現唔少考試院。
韓國考試院協會會長指，近年多咗好多唔係考生同學生嘅人會住考試院。
考試院衍生問題？
考試院租平，所以好多收入低、獨居老人都會揀考試院嚟住。
不幸地，開始出現獨居者喺考試院房入面捽死一星期，先被發現嘅個案。
2016年，有1,245個人喺獨居情況下離世，比2011年多一倍。
警方指，有好多獨居人士都係喺考試院入面離世。
另一方面，考試院嘅消防設備不足，所以一旦發生火災，就會好危險。
所以，社會上有聲音要求政府幫助低收入戶同埋加強對考試院嘅規管。
韓國有近一半嘅考試院都喺首爾。
首爾市政府開始著手為考試院訂立標準，要求現有嘅考試院改善。
標準訂明每一間房都要有7m2，有獨立廁所嘅房要有10m2。
住喺考試院嘅人，可以拎到每月5萬won租金資助，一共幫到1萬戶。
首爾市政府仲會為考試院加裝消防花灑，並要求考試院改善公共空間。
好多嚟韓國留學、exchange嘅朋友，都會考慮住考試院，平得嚟又有彈性。
不過，考試院嘅潛在問題有好多，大家揀嘅時候都要小心。
資料來源：首爾市政府、The Korea Herald
✨馬上Follow我哋IG
instagram.com/creatrip.hk
其他延伸閱讀 | |
 韓國養成十個習慣 |  韓國生活優點 |