Hello，大家好，我哋係由韓國人每日提供最新韓國旅行資訊嘅Creatrip。
講到韓國人最常用聽音樂apps，一定離唔開melon！每日都會更新新歌，甚至可以同韓國聊天Apps KakaoTalk連接，相當之方便！今日就等我哋一齊睇吓、拎得最多每週龍虎榜第一嘅韓星係邊個啦！
melon每週龍虎榜拎最多1位嘅韓星係？
共同TOP 10. BTS（13個星期）
더쿠
小編冇打錯，大家亦都冇睇錯！小編一開始見到呢個結果都以為係睇錯，天團BTS明明好多歌都破億，不過喺melon每週龍虎榜入面，只有13個星期拎第一，身為A.R.M.Y嘅大家，會唔會由呢一刻再聽多啲，將個成績再拉高啲呢？
共同TOP10. Zico（13個星期）
한국일보
Zico每一首歌都好有中毒性，而且佢創作唔少Challenge song，大家都會跟住挑戰，嚟緊今年4月佢就會退伍，令人好期待之後仲會有啲咩新歌俾大家一齊唱同跳呢？
TOP 9. 臉紅的思春期（14個星期）
코인판
被稱為音源大霧嘅臉紅的思春期，當年以《Galaxy》一曲成功逆行音源榜首。雖然喺禹智潤退團之後，而家一人活動，聲勢唔同以前，但希望日後嘅作品都可以再次大發啊！
TOP 8. 少女時代（15個星期）
Kpop Wiki
對唔少人嚟講，少女時代絕對係心中永遠嘅經典，無法超越嘅存在。可能喺少時之後，新出嘅女團成績、銷量比佢哋好，但對一齊經歷過Kpop起起跌跌嘅fans嚟講，一講到韓國女團，一定會提到少女時代！
TOP 7. Davichi （16個星期）
뉴스1
Davichi係由李海利同姜珉炅組成二人女子組合，佢哋唱過唔少OST主題曲，每一首都係令人聽到耳熟能詳！喺韓國唱K，排行榜永遠都有佢哋存在！
TOP 6. TWICE（17個星期）
매일경제
TWICE喺2015年出道，當時出道只係一年，根據韓國Gaon Chart實體專輯銷量排行榜年中統計，已經榮登女子新人專輯銷量冠軍！而且每一首歌都有中毒性，每一張專輯都有唔錯嘅成績！
TOP 5. SISTAR（18個星期）
나무위키
雖然SISTAR已經解散，每個人都有唔同嘅個人活動，不過唔少Kpop迷最希望都係佢哋可以一齊繼續活動，為大家帶嚟更多好歌，期待佢哋再有同台合作嘅機會！
TOP 4. 2NE1（23個星期）
지니
2009年出道嘅2NE1所發行嘅所有音樂，喺世界各地都有超好嘅迴響，創新嘅音樂風格，之前四人四色鮮明形象受到國際關注，佢哋仲會同唔海外音樂家合作！自從17年之後，就冇再聽到佢哋新曲，真係令人好掛住佢哋以前瘋魔全球嘅時候。
TOP 3. Wonder Girls（29個星期）
SBS뉴스
Wonder Girls係2007年JYP所推出嘅五人女子團體，因為《Irony》多人認識，喺童年九月改編《Tell Me》，知名度大增！2008年再推出《Nobody》一曲風魔全球！當時佢哋同少女時代完全係站穩女團市場！
TOP 2. BIGBANG（44個星期）
나무위키
BIGBANG一直都有唔少突破，韓國好多流行榜都刷上新紀錄！由G-Dragon所創作嘅歌曲冇人唔識，曾經唔少世界雜誌形容佢哋為「全球最具影響力男子組合」，深受國際肯定，早前佢哋仲宣布會回歸，唔知今次佢哋又會帶嚟點嘅音樂呢！
TOP 1. IU（58個星期）
MBN
有「國民妹妹」之稱嘅IU， 無論喺做戲定音樂方面，IU憑住個人實力都獲得相當好嘅成績，喺melon每週龍虎榜入面，拎咗58個星期第一，真係唔係咁易做到！希望佢繼續可以行花路，疫情完結，可以去到佢一次演唱會，諗吓都覺得好幸福！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
