Hello，大家好，我哋係由韓國人話你知每日最新資訊嘅Creatrip。
＃韓國新聞＃CP文化
＃同人小說＃青瓦台請願
日前（1月11號），韓國青瓦台網站出現咗一篇叫《請嚴厲處罰將未成年男偶像當作性玩物嘅「RPS」用戶（미성년 남자 아이돌을 성적 노리개로 삼는 '알페스' 이용자들을 강력히 처벌해주세요.）》嘅請願。
呢個請願只係上線一日，就超過咗10萬人同意，而到截稿為止，已經有超過17萬人聯署。
✨馬上Follow我哋IG
instagram.com/creatrip.hk
咩係RPS？
RPS（알페스）係Real Person Slash嘅縮寫，以實際存在嘅人物為題而寫成嘅小說或者係故事幻想，姐係大家成日聽到嘅同人文。
而唔止係喺虛擬世界，偶像藝人嘅fans都係透過呢一類嘅RPS，令自己鍾意嘅偶像作為主人公登場，近日最大迴響嘅就係幻想男偶像之間嘅同性戀。
請願表示，RPS透過露骨嘅描述去講男藝人之間變態嘅性關係，甚至係強姦等等嘅性犯罪，仲要有好多包括年紀大或未成年嘅男藝人都成為咗今次嘅主角。
其中仲提到，呢啲藝人受到嘅性暴力對待真係超乎想像，同時都大力抨擊RPS嘅使用者（作者同埋讀者）。
呢班人明知呢啲係犯罪行為，都「消費偶像」繼續犯案，完全唔可以接受！
《在你視線停留的地方》（資料照片，與本文無關）
最後，請願將瞄頭指向經紀公司，話佢哋厚顏無恥，無形助長呢種惡劣嘅同人文化，令人諗起N號房事件，唔少人都希望政府可以快啲制定相關嘅社會媒體方案。
同人文化hit咗咁耐之後之所以再俾人拎出嚟討論嘅原因，係因為韓國歌手Simba Zawadi日前喺SNS發表，表示RPS文化係續Soranet、N號房事件之後韓國社會應該要警惕同除根嘅事！
Simba Zawadi
而喺琴日（13號），韓國媒體EDaily都聯絡咗Simba Zawadi，表示自己嘅fans推咗一篇「討厭寫RPS嘅人」，就俾人以違反網路使用規定而刪除。
唔只係男偶像、女偶像，甚至係獨立運動員、宗教界嘅人都成為咗RPS嘅對象。
Simba Zawadi表示自己都係同人文嘅受害者之一，佢喺同部分用戶爭論嘅時候收到舉報，內容係以自己同其他rapper對象嘅色情小說，令佢大受打擊。
不過同時都有人主張支持呢個文化，都表示呢啲係粉絲嘅「娛樂文化」之一。
實際上，呢類人同埋RPS其實已經流傳咗好耐，甚至係經紀公司都有意無意咁喺男團之間營造出同性戀伴侶嘅氛圍。
喺2006年SM公司舉辦嘅「第一屆東方神起粉絲Pick公募展」，一再顯示呢類CP文就係經紀公司同fans之間冇講清楚而引發爭議嘅事。
無論點都好，希望政府都可以有相關嘅措施令每一位藝人得到保護。
✨馬上Follow我哋IG
instagram.com/creatrip.hk
| 其他延伸閱讀 | |
 韓國同性戀文化 |  BL影劇推薦 |
