韓國拉麵Mix&Match食譜
韓國人對拉麵嘅創新食法真係新奇又得意！呢8個組合你又試過未？
Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國美食
#韓國拉麵 #Mix&Match食譜
韓國嘅拉麵款式有幾多同埋有幾好食，相信唔使小編講大家都知。
好多人嚟韓國旅行嘅時候，都必定會買韓國嘅拉麵返屋企做手信。
最近，小編就發現喺網上面流傳有8個拉麵嘅組合食譜，而呢八個組合食譜都被韓國人認證做「最佳組合」。
一齊嚟睇吓呢8個組合你又食過未啦！
✨馬上Follow我哋IG
instagram.com/creatrip.hk
韓國拉麵Mix&Match食譜
1. 鯷魚刀削麵+辣雞麵
做法：
1. 將兩個麵餅煮開
2. 將鯷魚刀削麵湯醬料倒一包，辣雞麵醬料半包加落去
3. 煮滾之後就完成㗎啦
2.芝士撈麵+辣雞麵 (杯麵裝)
做法：
1. 將麵同埋蔬菜包煮開
2. 啲麵煮開咗之後倒晒啲水
3. 之後將啲麵同埋醬料全部撈埋一齊
4. 最後如果加埋啲芝士碎嘅話就更加正！
Tips: 如果喺屋企煮嘅話加隻煎太陽蛋會更加好食㗎！
3. 共和春炸醬麵+辣雞麵
做法：
1. 將麵同埋蔬菜包煮開
2. 啲麵煮開咗之後，倒咗啲水，但要留返少少水
3. 將兩個麵同埋醬料全部撈埋一齊
Tips: 加少少吞拿魚落去撈埋一齊食仲好食啊！
4. 辛辣麵+長崎白湯辣海鮮麵
做法：
1. 將麵同埋蔬菜包煮開
2. 啲麵煮開咗之後落埋調味粉
3. 如果想再辣啲嘅話，辛辣麵嘅粉可以全部落晒！
5. 炸醬麵+辣炒海鮮麵
做法：
1. 將麵同埋蔬菜包煮開
2. 啲麵煮開咗之後倒咗啲水（要留返少少水）
3.將啲麵同埋醬料全部撈埋一齊，完成！
6.意粉+芝士撈麵 (杯麵裝)
做法：
1. 將麵同埋蔬菜包煮開
2. 啲麵煮開咗之後倒咗啲水，要留返少少
3. 將啲麵同埋醬料全部撈埋一齊
4. 加埋啲芝士碎就完成㗎啦！
7. 咖喱拉麵+浣熊辣麵
做法：
1. 將兩個麵、海帶同埋蔬菜包一齊放落水到煮
2. 啲面煮到70%嘅時候將兩個面嘅醬料都加埋落去，咁就完成啦！
8. 燉牛骨湯麵+浣熊辣麵
做法：
1. 將麵、海帶、蔬菜包煮開
2. 啲麵煮開咗之後就可以將調味料全部放落去
3. 最後為咗啲湯更加香記得落啲蔥花啊
以上呢8個組合真係新奇又得意！
大家如果試完都可以留言話俾小編知好唔好食啊！
✨馬上Follow我哋IG
instagram.com/creatrip.hk
| 其他延伸閱讀 | |
 麻油懶人料理 |  人氣氣炸鍋小食 |