韓國人氣氣炸鍋小食
2020年最熱門嘅韓國氣炸鍋小食有邊幾款？究竟有啲咩特別？大家喺香港都做得到！
Hello，大家好，我哋係由韓國人話你知每日最新韓國資訊嘅Creatrip。
＃韓國零食 ＃韓國氣炸鍋小食
＃韓國美食 ＃韓國人氣零食
近年全世界都好流行用氣炸鍋煮嘢食，當然韓國都唔例外啦！
用氣炸鍋比焗爐焗出嚟嘅嘢食更加有口感，所以都受到唔少人歡迎。
小編就搜羅咗七種韓國好熱門嘅氣炸鍋小食同大家分享一下，即刻睇下有邊幾款啦！
✨馬上Follow我哋IG
instagram.com/creatrip.hk
韓國氣炸鍋小食有邊啲？
1. 甜薯
蕃薯或者甜薯就係其中一樣好受歡迎嘅氣炸鍋小食。
蕃薯唔單止係減肥必備嘅食物，仲好有營養同好健康，冬天嘅時候食返條熱辣辣嘅蕃薯簡直就係最好不過！
如果嫌蒸蕃薯好悶嘅話，都可以將蕃薯放入氣炸鍋，用200度氣炸15分鐘就會更加脆口，有完全唔一樣嘅感覺。
2. 小泡芙
呢隻泡芙係唔少韓國人都鍾意嘅零食，不過好多人都係就咁喺便利店或者超級市場買完就會即刻開嚟食。
如果大家想食到比較脆口嘅泡芙，都不妨可以將佢拎去氣炸鍋調180-190度，然後氣炸三分鐘，之後反去另外一邊再炸3分鐘就搞掂㗎啦！
3. 芝士條、炸雞、薯條
大家經常都會覺得用油炸薯條、炸雞或者芝士條等等會好唔健康，但原來放入氣炸鍋裡面氣炸係比起油炸健康啲！
 |  |
如果大家想氣炸芝士條嘅話，同上面嘅泡芙零食一樣，都係只要將氣炸鍋調去180-190度，然後氣炸三分鐘，之後反去另外一邊再氣炸3分鐘就搞掂㗎啦！
如果想氣炸薯條嘅話，就可以將氣炸鍋調去200度氣炸10分鐘就大功告成！
4. 年糕腸仔
呢款小食喺韓國街頭嘅攤檔都會成日見到，其實而家好多超級市場都有好多pack好曬嘅年糕腸仔賣，就係方便比大家可以返屋企自己氣炸！
做法都係好簡單，將年糕腸仔放落200度嘅氣炸鍋裡面炸10分鐘，炸完之後加你鍾意嘅醬汁就OK啦！
5. 芝士粟米
唔少韓國人都會喺屋企自製芝士粟米，因為真係做法超簡單，而且只係睇相都已經流曬口水！
做法好簡單，預備一罐粟米，三匙嘅蛋黃醬，按照自己嘅喜好加入沙糖。
如果你平時鍾意洋蔥或者cream cheese嘅話都可以加埋落去。
只要將所有材料放入一個兜到，然後用氣炸鍋開180度焗5分鐘就搞掂！
6.炸餃子
韓式炸餃子喺唔少韓國嘅韓食餐廳裡面都會見到，雖然有時有啲舖頭嘅都係會煎，但有啲都係會炸。
如果你都想喺屋企做到呢啲韓式餃子嘅話，就將急凍咗嘅餃子放入氣炸鍋，用180度氣炸10分鐘就可以食啦！
7. 蛋黃曲奇
唔少韓國嘅麵包店都會有賣埋曲奇，而其中一款曲奇就係呢個蛋黃曲奇餅，都好受韓國人歡迎㗎！
自己整嘅都唔太難，只要將已經打發好嘅牛油同蛋黃加入蛋黃醬裡面，放入一個擠花袋入面，擠出你想要嘅圖案，然後放入氣炸鍋用160炸大概5-10分鐘就可以㗎啦！
以上就係近年韓國人好鍾意嘅7款氣炸鍋零食，唔知大家鍾意邊款呢？
✨馬上Follow我哋IG
instagram.com/creatrip.hk
 香蕉奶受歡迎原因 |  5大代表性漢堡 |