Hello，大家好，我哋係由韓國人話你知每日最新資訊嘅Creatrip。
#韓國文化＃2020DK SHOP
#韓國展覽 #韓國藝術文化
小編今日參加咗一個好特別嘅活動「2020 DK SHOP」 ，透過呢一個展覽可以對韓國最新嘅設計文化有充分嘅了解。
同時仲可以了解韓國設計發展嘅歷史同埋設計大獎嘅得獎作品，係一個相當有趣嘅慶典。
因為疫情嘅關係，有好多觀光客都冇辦法嚟到呢度，所以小編就親自去探索一下，帶大家睇吓啦！
✨馬上Follow我哋IG
instagram.com/creatrip.hk
DK EXHIBITION
- 展覽時間：2020年11月19號至2020年12月18號，星期一至星期日09:30至17:30（實體展覽）
- 線上展覽：（每日都可以參觀）
- 實體展覽：Korea Design Center B1（성남시 분당구 양현로 322）
位於地下一樓嘅主題展館入口今年嘅展覽主要以 「設計，繪製數據」進行。
除咗咁樣之外，大家都可以全面了解韓國設計嘅特別氣畫展。
今次將以小編最印象深刻嘅作品作為起點，一齊睇下啦！
喺「設計，繪製數據」之中，可以睇到大數據嘅視覺化過程，同時都有運用大數據做出嚟嘅特色作品。
Kim seungbum
上面呢個作品就係小編最鍾意嘅作品「因新冠病毒而減少嘅航班」。
作品明顯標示出2020年1月、3月份，全世界因為新冠肺炎病毒嘅肆虐而減少嘅航班數量視覺化作品，完全展現到新冠肺炎肆虐全球將近一年嘅情況。
小編覺得最特別嘅就係睇到韓國嘅生活同埋風格都按照時代進行整理，透過呢一啲畫面，可以好容易咁樣睇到過去三四十年之間韓國嘅發展趨勢。
韓國大約係80年代至90年代開始，新世代逐漸注重個人嘅特性，時尚嘅多樣性都逐漸擴大。
以前嘅年代都係用卡帶、錄影機等等，對當時嚟講係嶄新文化嘅舊時代歷史而家再度浮現喺我哋面前！
而喺90年代後，因為韓國經濟發展快速，出現咗好多「韓國型家電」。
90年代出世嘅小編其實都唔知泡菜冰箱係喺呢個時代出現。
另外，喺呢度甚至睇到90年代至00年代喺韓國超高人氣嘅PS2、任天堂遊戲機添！
如果話啱啱睇到嘅展區係韓國設計嘅「過去」，咁接住落嚟就要帶大家一齊睇韓國嘅「未來」。
最一開始出現嘅就係韓國崛起嘅設計師作品「K設計師展示館」。小編認為最特別嘅就係呢三個作品。
用尼龍廢棄物製成｜Choi Seongil
可以畀小朋友坐或者做收納空間嘅檯｜Choi Kunsik
感官視覺化｜Jeon Jinhyun
繼頭先睇到到嘅過去同埋未來，呢度可以睇到比較「現代」嘅韓國。
三星GALARY Z-Flip 國務總理賞 金賞
三星 產業通商資源部長官賞 銀賞
上面呢個獲得銀賞嘅作品，就係同現代最注重嘅環保議題有關。
Kim Seunghee、Yang Dayoung
《大韓民國國寶圖案設計項目》國務總理賞 金賞
而為咗令大家可以更有趣、更輕鬆嘅方法去了解韓國文化遺產，大會都製作咗唔同嘅商品，務求將生活用到嘅嘢同韓國文化融為一體。
REGIC〈AIRKID〉中小風險企業部長賞 銀賞
而呢一個可以充氣使用嘅兒童保護頭罩，就好似個銀包一樣咁細，隨時鍾意幾時拎出嚟用都OK，相當之方便！
除此之外，可以睇到好多富有豐富趣味嘅作品，如果想親眼睇到呢一個展覽，大家都可以㩒下面嘅掣，透過VR導覽。
DK SHOP
睇完豐富嘅展覽之後小編最後都去咗DK Shop，其實呢一個亦都係小編最期待嘅部份，因為呢度賣嘅都係可以應用係生活之中嘅優秀作品，唔單止靚仲好實用添！
小編就介紹幾款最吸引嘅手信畀大家睇啦！
推薦商品
- PLEATS MAMA
小編第一個想推薦嘅係PLEATS MAMA，原來一個咁樣嘅袋係用咗16個廢棄嘅膠樽造成，絕對係一個廢物利用嘅概念。
- LUYCHO
小編第二個想推薦嘅單品就係LUYCHO嘅咖啡杯。
利用杯盤上畫嘅圖案，反射喺杯身，形成咗呢啲咁靚嘅圖案。
- ARNO
第三個推薦嘅單品係「ARNO」智慧手機綁帶。
聽講呢個係經過10個步驟以上製成嘅高端手工藝產品，唔單止精細仲好耐用添！
今日同小編一齊參觀咗DK FESTIVAL，唔知大家鍾唔鍾意呢啲文青嘢呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國千元幸福 |  首爾平價美食 |
