大韓收購韓亞航空

收購案終於落實！大韓航空注資1.8兆韓幣收購韓亞航空！競爭力大大提升？變成世界第7大航空公司！

Jeongyeong Yeo

4 years ago

Hello，大家好，我哋係由韓國人話你知每日最新韓國資訊嘅Creatrip。

＃大韓航空＃韓亞航空
＃收購案＃確定＃開始

早前，大韓航空落實咗將會收購韓亞航空，兩間大嘅韓國航空公司正式合併！

究竟點解會有呢個定論呢？一齊睇睇發生咩事！

大韓韓亞正式合併

根據最新嘅消息顯示，大韓航空所屬集團「韓進集團」將會收購韓亞航空，展開合併企劃。

韓亞航空嘅內部今日同大韓航空完成咗理事會，將會用1.8兆韓幣(約港幣113億)收購韓亞航空。

KDB產業銀行主導行進集團嘅控股公司就話：「為咗提升航空運輸嘅產業競爭力，所以好支持將兩間大嘅航空公司合併。」

KDB產業銀行同埋韓進集團都簽咗一份8000億韓幣(約港幣50億)嘅投資合約，而大韓航空都會透過股東分配所有有償增資，籌集韓亞航空嘅收購基金。

透過呢啲有償增資，大韓航空將會成為韓亞航空嘅最大股東。

到今年年底為止，大韓航空將會向韓亞航空投資6000億韓幣，而去到出年下半年為止，都會投資約1兆韓幣 (約港幣63億）處理資金缺口！

韓國兩大航公司合併之後，令合併後嘅大韓航空（暫名）具備咗相當於全球航空產業前10名嘅地位同埋競爭力！

國際航空運輸協會（IATA）亦指出，以2019年嘅旅客、運輸量標準嚟講，大韓航空係排喺世界第19名，而韓亞係排29位，如果合併嘅話將會成為第7大嘅航空公司。

據了解，原來呢次合併政府都有參與。

因為肺炎嘅關係，導致成個航空業都陷入危機，即使日後可以恢復旅遊業都好難可以保存國家嘅基礎產業，所以就達成咗今次嘅合併計劃。

亦因為成個收購流程都要差不多幾個月，依家韓亞韓亞航空內部預計合併會喺2021年下半年完成，到時大韓航空、韓亞航空將會以子母公司咁樣營運。

另外，大家有買到呢兩件航空公司嘅機票都唔需要過分擔心，合併並唔會令民眾造成損失。

除此兩家大型航空公司合併之外，真航空（Jin Air）、釜山航空（Air Busan）、首爾航空（Air Seoul）等等都會分階段合併，而韓國國內LCC市場都會重新調整，打造更高競爭力嘅未來。

其他延伸閱讀
海雲台海岸列車	海陸兩用巴士