Hello，大家好，我哋係由韓國人每日提供最新韓國旅行資訊嘅Creatrip。
小編最鍾意韓國嘅一點就係四季分明，韓國最近天氣慢慢開始變涼，可以feel到秋天就快到。唔少韓國人都慢慢開始著長袖衫出街，到底只要一到秋天，韓國人又會鍾意做啲咩呢？
韓國秋天必做嘅事
1. 企喺街邊食魚糕同烤栗子
韓國秋天日夜溫差大，朝早可能仲係會好暖，但只要一到夜晚就會有啲涼。雖然平時都好多人會食魚糕，但只要係涼少少，買魚糕嘅人就會特別多。秋天邊食魚糕，再買多包熱辣烤栗子拎喺手，真係超溫暖，食完成個人都會暖笠笠。
2. 買一件米色褸
wemakeprice
只要一到秋天，米色或者咖啡色完成就係皇道！喺韓國街上，可能10個人，有6-7個人都會揀呢兩隻色，因為同秋天天氣好夾。
3. 著有帽嘅衛衣
Rolarola
比起冇帽衛衣，小編覺得韓國人更加鍾意著有帽衛衣，小編本身都好鍾意著，因為覺得超有安全感。
4. 去露營
秋天真係一個超適合去露營或野餐嘅季節，唔會太熱亦唔會太凍，朝早可能爬完山之後，夜晚再BBQ，而家好多露營地方都會提供齊全設施，只要帶食物去就得。
同時而家韓國都有好多露營車，坐喺前面打卡都唔錯。
5. 去南怡島影銀杏樹
韓國人除咗會冬天去影雪之外，秋天都會去影銀杏樹或者紅葉，一排掛嘅銀杏樹，真係可以影到唔少呃like相。
6. 去影芒草
真係只要一到秋天，去影芒草絕對係必做行程之一，唔知點解無論去幾多次，都會想再去影多次。
7. 上山睇紅葉
小編第一次喺韓國睇紅葉嘅時候，真係覺得好靚。完全好似去咗一個仙景咁，為咗睇靚紅葉，唔少韓國人會上山影，因為聽講緯度越高係會越快見到紅葉。
韓國只要一踏入秋天，韓國人就會做以上7件事，大家又會唔會想試下呢？相信只要做到其中一件事，都可以成為難忘回憶。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
