首爾素食餐廳大推介

Hello，大家好，我哋係由韓國人話你知每日最新韓國資訊嘅Creatrip。

＃韓國素食＃首爾素食
＃2020＃素食推薦

烤五花肉、豬腳、韓牛、炸雞......大家係咪每次講起韓國美食，都淨係諗起呢啲大魚大肉嘅食物？

食素嘅人士去到韓國係咪好苦惱到底有咩可以食？

其實最近喺韓國，越來越多人因為追求健康、養身或者宗教原因而食素。

所以小編就整理咗幾間位於首爾嘅素食餐廳，就算係素食主義者來到韓國都可以大快朵頤！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

首爾素食餐廳大推介

1. Again Refresh（어게인 리프레쉬）

• 分店：弘大、江南、鐘閣、東大門、新沙林蔭道
• 營業時間：逢星期日休息

Again Refresh喺首爾有好多間分店，雖然!!唔係純素食餐廳!!，但Again Refresh都係以供應新鮮蔬食、水果而聞名㗎。

Instagram: Againrefresh

Instagram: Againrefresh

韓國Again Refresh嘅好處係，素食者同葷食者可以同時一齊吃飯，但注意落單嘅時候，都係要問下確認菜式無肉類。

除咗喺弘大有分店，新沙洞林蔭大道、江南、鐘閣、東大門附近都有呢間韓國素食餐廳，大家可以選擇自己就近嘅分店啊。

• 韓國素食：Again Refresh｜弘大店
• 地址：서울 마포구 독막로19길 42

• 韓國素食：Again Refresh｜鐘閣店
• 地址：서울 종로구 삼일대로 383

• 韓國素食：Again Refresh｜江南店
• 地址：서울 강남구 봉은사로4길 36

• 韓國素食：Again Refresh｜新沙林蔭大道店
• 地址：서울 강남구 논현로153길 57

2. SOIGNÉ（스와니에）

• 地址：서울 서초구 반포대로39길 46
• 營業時間：12:00至15:00；18:00至22:30

呢間韓國素食餐廳已經連續兩年（2017至2018年）得到米芝蓮一星！

淨係睇內部擺設，就知呢間餐廳唔簡單啦。

韓國SOIGNÉ走嘅係精緻，同埋充滿故事性嘅料理，透過廚師精心挑選嘅食材，烹飪期間每一個步驟都認真對待、唔會馬虎嘅心態，令佢哋成為首爾數一數二嘅高級餐廳。

除咗葷食之外，素食都係深受韓國素食者嘅歡迎。

素食有時畀人嘅感覺過於清淡，但素食餐廳SOIGNÉ喺處理上，會希望品嚐嘅顧客可以好似其他人一樣，擁有正常、飽足嘅實感，所以喺食物挑選到出餐，每一步都包含咗SOIGNÉ一班廚師嘅用心。

• 韓國素食：SOIGNÉ｜高速巴士轉運站
• 地址：서울 서초구 반포대로39길 46

3. PLANT（플랜트）

• 地址：서울 용산구 보광로 117 2F
• 營業時間：平日11:00至21:00；星期五、六11:00至22:00；逢星期日休息

喺充滿住濃濃異國風情嘅首爾梨泰院，緊係可以食到好味嘅韓國素食啦。

PLANT有兩間分店，而家介紹嘅呢間，先係有供應素食料理嘅「PLANT CAFE & KITCHEN」。

플랜트@페이스북

플랜트@페이스북

要講到梨泰院PLANT嘅招牌，就唔可以唔提到佢哋出嘅素漢堡！

望落同一般肉嘅漢堡一樣咁令人食指大動，竟然係用健康嘅大豆製成嘅素肉，食落清爽、無負擔，素食者好難可以食到嘅漢堡而家可以喺韓國品嘗啦！

플랜트@페이스북

플랜트@페이스북

플랜트@페이스북

플랜트@페이스북

淨係睇相，呢啲素食就已經非常吸引人。

梨泰院PLANT上過唔少節目、仲有好多部落客介紹過，係梨泰院好出名嘅餐廳。

下次嚟首爾嘅時候，記得去梨泰院試下佢哋嘅全素料理。

4. 五世界香（오세계향）

• 地址：서울 종로구 인사동12길 14-5
• 營業時間：11:00至21:00（平日15:30至17:00；週末16:00至17:00 Break Time）

嚟到韓國緊係要食韓式料理，可惜大部分韓式料理都有肉類，素食者好似乜都唔食得咁，要搵到間全素嘅純韓式料理真係有啲難。

呢間韓國素食餐廳五世界香位於熱鬧嘅仁寺洞人人廣場隔離，可以話係超級出名嘅首爾素食專門店，而且好吃嘅程度，就連葷食者都會唔記得呢啲食物係素食。

見到呢啲令人流曬口水嘅料理，一定好難想像佢哋全部都係由素食製作出嚟。

想放心品嘗美味嘅韓式料理，又唔想違背心中嗰把尺嘅素食朋友，一齊嚟仁寺洞嘅五世界香，品嘗呢啲韓式美食啦。

5. SUKARA（수카라）

• 地址：서울 마포구 와우산로 157
• 營業時間：星期二至星期六11:00至23:00；星期日11:00至22:00（15:30至16:00 Break Time）；逢星期一休息

呢間素食餐廳位於多年輕人聚集嘅弘大，其實佢比較算係一間咖啡簡餐店，望落好似好平凡，但入面其實係個充滿溫暖同人情味嘅獨立咖啡廳。

수카라@페이스북

수카라@페이스북

弘大SUKARA供應嘅素食簡餐材料，全部都係店主由鄉下親自買入，而且不定時，仲會喺餐廳入面舉辦小型蔬菜特賣會，吸引有相同理念、健康蔬食理想嘅朋友一齊同樂。

수카라@페이스북

수카라@페이스북

수카라@페이스북

수카라@페이스북

唔會因為係素食，就失去咗食物嘅美味，弘大SUKARA將每一份餐點都製作得咁精美，而且擺入咗好多蔬果，等每位素食主義者，都可以品嘗到食物最天然、原始嘅美味。

수카라@페이스북

수카라@페이스북

6. 少女磨坊（소녀방앗간 마로니에점）

• 地址：서울 종록두 동숭4나길1
• 營業時間：11:00至21:00（平日15:00至17:00 Break Time）

少女磨坊｜領取優惠

成均館大學（惠化站）附近都有間主打健康、養生嘅韓國餐廳：少女磨坊，雖然唔係所有餐點都係素食，但店鋪入面嘅招牌「山野菜飯（산나물밥）」就係素食者友好嘅。

如果去到呢間餐廳，都可以同店員要無肉嘅菜單。

喺少女磨坊可以品嘗到韓國一般家庭式料理，全部都係低鹽、無添加人工調味料烹調嘅，唔止素食者食得開心，一般葷食者嗌有肉嘅餐點，都可以食得同樣好食又健康。

山野菜飯係素食者可以食用，少女磨坊嘅特色，就係佢哋嘅山野菜飯越嚼越香，平時鍾意食蔬菜嘅人都好少食過嘅味道。

嚟到韓國如果要品嘗蔬食料理，一定要嚟惠化附近呢間少女磨坊。

少女磨坊｜領取優惠

7. The Bread Blue（더브레드블루）

• 地址：서울 마포구 신촌로12다길 3
• 時間：平日09:30至22:00；週末09:00至21:00

呢間位於新村嘅咖啡廳，販賣非常多種類嘅麵包，更特別嘅係，佢哋標榜全素，全部都選用植物原料製作麵包，無使用任何奶油、雞蛋、牛油，所以非常適合想喺韓國食麵包嘅素食主義者。

不過都係建議素食者，嚟韓國嘅時候都係盡量避免食麵包，如果想食麵包嘅話，可以試下準備相關嘅韓文，用嚟詢問店員會唔會含有葷食成分，咁就穩陣啲。

• 韓國素食麵包店：The Bread Blue｜新村
• 地址：서울 마포구 신촌로12다길 3

韓國素食餐廳：8. Cook and Book（쿠앤북）

• 地址：서울 마포구 성지3길 61
• 營業時間：12:00至20:00；週二、三公休

呢間素食咖啡廳，係由《甜蜜的自然烘焙（달콤한 자연식 베이킹）》嘅作者開設嘅，每個禮拜都會更新菜單，每日都只會販賣限定嘅份量，雖然係素食，但一樣咁豐富同好味。

同啱啱嘅The Bread Blue一樣，Cook and Book嘅甜品，全部都係用天然植物性原料製作而成，蛋糕種類隨住季節，都會有唔同變化，嚟韓國一定要過嚟呢到試下味道可以同平時嘅甜品相提並論嘅素食甜品。

希望上面嘅介紹可以幫到想嚟韓國旅遊，但仲苦惱緊點樣食飯嘅素食主義者。參考完上面嘅餐廳編排入自己嘅行程，咁就唔洗餐餐捱紫菜包飯啦！

下次再搵其它韓國特色餐廳向大家介紹～

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

香蕉奶受歡迎原因	5大代表性漢堡