Hello，大家好，我哋係由韓國人話你知每日最新韓國資訊嘅Creatrip。
＃韓國便利店＃CU
＃軟糖＃雪糕＃零食
韓國各大便利店嘅新商品上市速度好快。
除咗飲品之外，最近都多咗好多好得意嘅軟糖同零食等等。
小編今次會推薦一啲新出嘅商品畀大家，之後嚟韓國記得試下啦！
✨馬上Follow我哋IG
instagram.com/creatrip.hk
SeoJu牛奶雪條軟糖
- 一包₩1,200
食品公司SeoJu（서주）今次將好受歡迎嘅一款雪條整成軟糖！
味道完美複製，連造型都係雪條一樣，超級可愛。
濃濃嘅牛奶香再加上QQ嘅口感，大人細路都會鍾意！
小編本人極力推薦呢款軟糖，好啱放喺手袋，口痕嗰陣食。
吞拿魚生壽司軟糖
- 一包₩3,800
之前出嘅五花肉軟糖，大家有冇印象呢？
韓國今次出嘅吞拿魚生軟糖，小編覺得唔係話好似樣。
米白色嗰塊仲好似馬蹄糕～哈哈！
不過創意搭夠！小編覺得都幾有趣。
食落係士多啤梨味，唔會太硬又唔會好甜，幾好食。
希望次後大家嚟韓國個陣，仲會見到啦！
죠리퐁棉花糖口味
- 一包₩900
有留意開韓國零食嘅話，應該有見個呢款零食呢？
除咗加牛奶好食，韓國人仲會將佢整成冰沙（小編飲過，好甜，係螞蟻嘅朋友可以試下）。
今次嘅新口味加咗棉花糖，小編覺得味道再升級！大家真係要試下。
棉花糖直接食會脆脆哋（「棉花糖乾（？）」嘅口感），加入牛奶就會變成平時食嘅棉花糖。
艾糕艾糕雪條
- 一支₩1,500
韓國人會喺端午節、新年食艾草年糕，味道比想像中好，整成雪糕真係清涼又消暑。
味道唔會重到令人難以接受，有相當清爽嘅艾草清香。
小編一開始都驚會唔好食，但最後食到停唔到口。
而且成支雪條都會咬到年糕粒，口感非常好。
小編覺得最神奇嘅係，年糕唔會因為冷藏就到好硬，只要食過一次就保證會愛上。
嫩豆腐/黃豆粉年糕甜筒
- 一支₩2,500
呢兩款都係用嫩豆腐整成嘅雪糕，聽落係咪好奇怪呢？
小編一開始都想像唔到到底會喺咩味⋯⋯
黃豆粉年糕甜筒
嫩豆腐雪糕
嫩豆腐雪糕係雲呢拿味加上豆製品嘅味道，唔會好甜，有豆香，好好食。
嫩豆腐雪糕
黃豆粉年糕甜筒
黃豆粉年糕甜筒嘅口感好好，加埋雪糕啱啱好，食落有黃豆粉香。
最近喺韓國嘅朋友，一定要買嚟試下。
以上就係小編精挑細選嘅便利店新品推薦。
雖然大部份朋友依家都食唔到，但小編今次介紹嘅商品味道唔錯，希望可以成為固定商品，等大家都食到！
✨馬上Follow我哋IG
instagram.com/creatrip.hk
| 其他延伸閱讀 | |
 弘大延南沙龍 |  料理辣度排名 |
