《屍殺半島》香港上映

Hello，大家好，我哋係由韓國人話你知每日最新韓國資訊嘅Creatrip。

＃韓國電影＃屍殺列車
＃屍殺半島＃同步上映

4年前，《屍殺列車》喺香港上映嘅時候，票房大賣，成為香港史上最賣得嘅亞洲電影。

4年後，續集《屍殺半島》喺7月15號，同韓國同步上映，估計會延續上一集嘅好成績。

早前，電影預告片更有香港背景嘅鏡頭出現，令人期待！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

屍殺半島

《屍殺列車》海報

上集講到，火車去到釜山後，喪屍病毒瞬間喺全韓國爆發。

只有少數人成功坐上難民船逃生，離開韓國。

主角正錫(姜棟元 飾)同屋企人好好彩，成功上船，最後更得到香港收容，以「半島難民」身分喺香港生活。

電影預告片第一個鏡頭就影到香港人好熟悉嘅燈牌，右上角仲寫到明「香港（Hong Kong）」，相信戲入面真係會有提到難民喺香港嘅生活。

唔知電影仲會出現啲咩香港嘅場景呢？

故事主線係講主角抵受唔住金錢誘惑， 同其他人一齊返去韓國偷美金。

點知佢返到韓國先發現，竟然有人仲生存緊，冇被感染。

主角決定要帶埋佢哋走，但結果係點，就要入場先知啦！

淨係預告片已經好多打鬥鏡頭，相信會好刺激。

不過都有觀眾話，上一集除咗講主角點樣掙扎求存，仲有講人性決擇，希望今集都有，唔會淪為動作片。

小編個人好期待呢套戲，除咗因為上一集真係好好睇，仲有就係今集男神姜棟元加持！

帶望唔會期待過大變失望啦！

韓國媒體都指呢套戲喺今個夏天值得期待嘅電影之一，相信會再引起「喪屍熱潮」。

唔知大家又覺得呢套戲會唔會好似期待咁好呢？

最近疫情未穩定，入戲院睇戲都記得要載口罩啊！

咁多位，我哋下次見！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
10大Netflix韓劇	經典韓國電影