《時代》精選10大Netflix韓劇
《時代雜誌》精選Netfilx十大必睇韓劇！請回答系列、愛的迫降都上榜！
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃時代雜誌
＃韓劇＃Netflix＃必睇
美國《時代雜誌》日前選出Netflix必睇十大韓劇，唔少作品都係經典，一齊睇下自己睇過邊一套啦！
備註：以下韓劇排名不分先後
✨馬上Follow我哋IG
instagram.com/creatrip.hk
《時代》Netflix十大韓劇
1. 愛的迫降
南韓女子因為一場滑翔翼事故，唔小心去咗北韓，同北韓高官之子相遇、相愛。
《愛的迫降》笑中帶淚嘅劇情，仲有演員之間嘅火花，不論幾時睇都相當經典。
《時代》Netflix十大韓劇
2. 梨泰院Class
少年喺梨泰院開酒吧，向殺父仇人報復嘅故事，故事情節相當精彩。
雖然係由網路漫畫改編，但引起超高人氣。
小編都有追呢套，但個人唔太滿意結局，大家鍾唔鍾意呢套韓劇呢？
朴敘俊嘅栗子頭，更喺韓國流行咗一段時間。
《時代》Netflix十大韓劇
3. 陽光先生
開播前就話題滿滿，李秉憲同金泰梨嘅組合真係好難唔令人期待。
呢套《陽光先生》，講述開化期嘅故事，令韓國颳起復古風潮，至今仍未退減。
《時代》Netflix十大韓劇
4. 屍戰朝鮮
韓國史上成本最高嘅戲劇，亦係Netflix第一套韓國原創影集。
《屍戰朝鮮》目前第二季已經完結，令人更期待第三季，唔知會點發展呢？
《時代》Netflix十大韓劇
5. 山茶花開時
姜河那同孔曉振嘅《山茶花開時》，喺今年嘅百想藝術大賞入面，入圍好幾知獎。
劇情同故事背景都帶有種令人想繼續睇落去嘅魔力。
鄉間風景、純樸小鎮⋯⋯因為《山茶花開時》而去呢啲地方旅行嘅人都多咗。
《時代》Netflix十大韓劇
6. 再見媽媽又再見
睇到忍唔住喊嘅《再見媽媽又再見》，講述轉世前，重新變成人嘅母親，喺丈夫、再婚妻子、親生女之間嘅感情糾葛。
小編睇到最後，真係忍唔住爆喊，唔知大家又有冇呢？
《時代》Netflix十大韓劇
7. Signal 信號
曾獲得韓國調查「10至50歲最受歡迎節目」嘅第一，Signal 一出已成為好多人心目中嘅神劇，對於法律制度、人性、真理嘅描寫超好。
到依家都冇咩韓劇題材可以超越。小編好想快啲睇到下一季啊！
《時代》Netflix十大韓劇
8. 機智牢房生活 (香港Netflix暫未上映）
眾所矚目嘅棒球選手不幸成為階下囚，喺險惡嘅監獄入面要點樣生存？
主角喺獄中遇到好多唔同背景嘅囚犯，亦遇到好多大大小小嘅事，直到佢出獄重新生活，得到好多人幫助
除咗主角之外，其他角色嘅情節線都好吸引。
小編有幾集都睇到好感動，好推薦大家去睇。
《時代》Netflix十大韓劇
9. 秘密森林 (香港Netflix暫未上映）
同樣都係用比較沈重嘅題材，檢查廳入面披著人皮嘅罪犯，各個抱住唔同理想同執念嘅檢察官們，喺冰冷嘅體系入面點樣搵到所謂嘅真相同正義？
《秘密森林》係拍完之後先開播嘅韓劇，和其他戲劇會按照觀眾反應做修改、拍攝唔同，可見導演同編劇對呢套戲有幾大信心，事實證明係一部相當優質嘅韓劇。
之後香港Netflix上咗，大家都一定要搵嚟睇啊！
《時代》Netflix十大韓劇
10. 《請回答》系列
《回答吧1988》、《請回答1994》、《回答吧1997》係相當經典嘅韓劇系列，比起復古、遙不可及嘅歷史劇，呢類真實反映韓國人嘅共同回憶。
尤其係1988呢一季，更係小編心中難以超越嘅經典韓劇。
《時代雜誌》揀出嘅呢10套韓劇，大家應該都睇過唔少？
不管係愛情、懸疑、溫馨、穿越等題材，喺Netfilx都可以睇到，喺屋企冇嘢做？照《時代》嘅推薦清單煲劇啦！
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓劇收視率排名 |  梨泰院踩點整理 |