韓國歷史上日蝕
朝鮮時代有日蝕，係國王同太陽嘅戰爭？1948年韓國日環蝕，選舉仲因為咁延後？
＃韓國＃日蝕
＃朝鮮時代＃古代
上星期日（21號）最大嘅新聞，莫過於日蝕現象，小編都見到唔少朋友去咗睇。
天文台話如果錯過呢次日蝕，就要等到2070年，先再見到同呢次食分同級（89%）嘅日蝕
喺韓國都可以見到今次嘅「日偏蝕」，唔少韓國媒體都有報導。
不過喺古代，知識仲未咁普及嘅時候，韓國人會點睇日蝕呢？
一起睇下今日嘅韓國文化啦！
✨馬上Follow我哋IG
instagram.com/creatrip.hk
朝鮮時代嘅日蝕
《朝鮮王朝實錄》入面，有好多關於日蝕現象嘅記載。
對當時嘅韓國人嚟講，日蝕並唔讓人驚訝、恐懼。
相反，當時朝鮮國王會安排專人預測日蝕，知道係自然現象，認真應對。
喺古代，具有絕對權力嘅君王身分象徵係太陽，而象徵君王嘅太陽失去光芒，對於社稷同王朝嚟講係個災難，一般認為係王朝敗亡嘅象徵。
朝鮮時代將日蝕稱為「天變（천변）」，甚至以戰爭應對。
因為太陽等於王，太陽消失等於王權動搖。
所以當時嘅君王必須糾正呢一切，撫平人心。
日蝕即將嚟到之前，朝鮮王朝嘅軍隊會進入戰爭狀態，全副武裝待命，君王同部隊指揮官亦都會蓄勢待發，等待日蝕現象出現。
日蝕現象開始後，軍隊同其他人會大力敲鼓，執起武器向天空開戰。
國王會著住素服出現，開始朝鮮王朝同太陽嘅戰爭。
敲鼓係為要同日蝕對戰嘅君王加油打氣，人民更會對住太陽叫囂。
日蝕漸漸結束，就會視為係「太陽失敗」，王權依然保有最高榮耀。
一直到日蝕完全結束都唔會鬆懈，深怕稍有疏忽，太陽就會重新發動攻勢。
雖然依家睇落係一啲相當荒謬嘅事，但確實有咁嘅記載。
韓國近代嘅日蝕
韓國近代歷史上，都發生過好多次日蝕，最著名嘅係1948年05月09日嘅日環蝕，當時喺韓國天安、原州、襄陽等地都可以觀測。
適逢當時大韓國民制憲議會選舉，政府當局更因為日蝕現象，怕會令人民不安，所以將選舉推遲一日先舉辦。
2009年07月22日，韓國都有發生過日偏蝕，當時係61年嚟最大嘅日偏蝕，大部份韓國媒體都有報導。
朝鮮半島喺20年內，2035年09月02日會有日全蝕，但只有喺北韓平壤地區先可以觀測日全蝕全貌。
好多人認為，喺朝鮮半島發生日全蝕、日環蝕等現象個陣，朝鮮半島會有大事發生。
因為1948年日環蝕兩年後，韓戰就爆發。
未來2035年發生難得一見嘅日全蝕個陣，朝鮮半島會再有咩變化，引人注目。
✨馬上Follow我哋IG
instagram.com/creatrip.hk
| 其他延伸閱讀 | |
 韓國巫教文化 |  南韓史上重大災難 |