韓國巫教文化
韓國神秘巫教：薩滿教！巫教令朴槿惠下台？帶你睇韓國巫教！
Hello，大家好，我哋係由韓國人每日提供最新旅遊資訊嘅Creatrip。
＃韓國宗教＃韓國巫術
＃韓國邪教＃韓國巫教
＃薩滿教＃薩滿信仰
韓國宗教唔只有基督教，充滿濃濃神秘色彩嘅薩滿教，都是韓國較多人信嘅教系。
而且韓國好多驚悚電影，都同薩滿教同其他邪教有關。
究竟薩滿教是咩呢？而薩滿教又同邊啲爭議扯上關係？快啲睇下我哋今次嘅韓國文化啦！
✨馬上Follow我哋IG
instagram.com/creatrip.hk
韓國薩滿教
哭聲
相信有睇過韓國電影《哭聲》嘅朋友，應該會對劇入面出現韓國算命文化嘅巫術，同埋巫教（薩滿教）有啲印象。
巫師喺劇入面所跳嘅巫舞，就係韓國式嘅驅魔舞。
娑婆訶 2019年韓國上映嘅《娑婆訶》開頭都有出現一啲薩滿教嘅影子。
大家應該發現，韓國薩滿教出現嘅時機，多數都係關於驅邪、巫術、鬼神⋯⋯
黑祭司
薩滿通過一系列嘅原始舞蹈
包括肢體語言，歌訣
同埋專用嘅神靈溝通器具
同薩滿信仰嘅靈溝通
——via 維基百科
當然唔止得薩滿教有呢類巫術影子，只係目前嚟講，關於呢類鬼神、神靈、占卜等嘅韓國宗教，就以薩滿教最大。
韓國薩滿教巫師
![]()
滿神
其實喺韓國嘅巫術唔算係邪教嘅一種（雖然邪唔邪，都係由人類操縱）。
薩滿教一直畀人有種神秘、懸疑嘅感覺。
薩滿神祇可以附身喺巫師身上，透過神靈去連接人間、靈界，同國外嘅驅魔師有啲似。
比起「想成為巫師所以成為巫師」，大多數現存嘅巫師，都係患咗「神病」，或者係家族本身就具有薩滿巫師嘅傳統，並唔係想做就可以做，或是唔想做就可以拒絕。
帶有巫師體質嘅人通常會患有一種被稱之為「神病」嘅疾病，只有韓國先有，係一種帶有薩滿教色彩嘅「精神病」，而且無法靠現代醫學去治療。
如果患上神病可能會睇到鬼神、被不知名嘅痛症纏上，屋企人或者周圍嘅人，會突然毫無理由咁受傷或者死亡等等……
如果透過薩滿教成為巫師，神病就會消失。
唔想嘅話，有啲人會借助其他更強嘅宗教力量去擺脫呢種病痛，例如其他巫教或者天主教。
電影《黑祭司》入面，朴素丹被惡靈附身，透過退魔師姜棟元同金允錫嘅儀式，先令佢可以擺脫惡靈。
附加喺即將成為巫師嘅人身上嘅神病，喺韓國薩滿教入面，通常被當成係詛咒或者烙印，認為係厲鬼為咗佔據即將成為巫師嘅人嘅身體所致。
如果父母親或者祖父母一代，有人係巫師，咁後代通常都會有神病，而且前人唔接受成為巫師嘅話，降臨喺後代嘅神病會更加劇烈，逼迫佢哋成為巫師。
韓國薩滿教嘅巫術
黑祭司
韓國巫師會做邊啲薩滿教巫術呢？而家就嚟介紹下薩滿教巫術畀大家啦！
巫術：1. 符咒
薩滿教巫術最常見嘅就係符咒，符咒唔止會用嚟祈求幸福或者家族興旺，亦用嚟驅散惡靈、防止惡靈入侵。
符咒係黃色嘅紙、上面用紅字寫住願望，通常都會被貼喺門上、放喺枕頭入面或者隨身攜帶，當然有人會用嚟做成符咒水飲。
係咪同華人社會嘅符咒好似呢？
巫術：2. 占卜
pann.nate.com/talk/320921813
占卜係喺韓國好出名嘅薩滿教巫術，所謂占卜就係用巫師所擁有嘅巫術嚟幫對方睇佢嘅命運。
當遇到難題、重要抉擇，自己無法搵到解答個陣，韓國人都會占卜，所以路邊好常見到塔羅占卜嘅攤檔。
巫師會透過神力詢問自己體內嘅神之後，解答你嘅問題。
當然佢可以幫你睇前世，除此之外介會預測到對方嘅情況同未來會發生嘅事。
有趣嘅係，每位巫師為咗占卜而招喚神靈嘅方法都唔一樣，有啲巫師會一直抖動身體，而有啲巫師喺被上身後聲音會突然改變。
小編曾經搵過非常出名嘅巫師算過命，咩都未講，巫師就已經將過去同而家仔細咁講晒出嚟！
巫術：3. 生辰八字
imjakga.tistory.com
分析生辰八字亦係薩滿教非常有名嘅巫術之一，每個人出生嘅年、月、日、時就係所謂嘅四柱，將呢個人出生嘅年、月、日、時用天干地支表現嘅話就會出現八個字，就係所謂嘅八字。
生辰八字可以分析呢個人嘅吉凶禍福，或者係人生、命運，都可以用陰陽論同五行（木火土金水）作為依據，飽含東洋薩滿教嘅特色。
不過因為分析嘅方法好多，所以唔同分析人可能會有唔同嘅結果㗎！
巫術：4. 跳神
哭聲 講到韓國巫術，可能好多人都會聯想到巫女嘅「跳神」。
巫師會透過跳神同神靈相見，係薩滿教常見嘅儀式。
巫師向神靈請求消除唔好嘅事，或者降臨好事。
大家可以將跳神想成係獻上一啲財物或者食物後，向神靈許願嘅儀式。
巫師跳神嘅時候，會喺刀刃上或者火上跳舞，因為呢啲行為係一般人做唔到，巫師就靠呢啲行為，話畀大家知自己真係被神靈上身。
韓國人信唔信薩滿教或巫術？
manwali.blog.me
以前相信薩滿教或者巫術嘅韓國人真係很多。
歷史入面：扶餘、高麗、新羅、高句麗等，都係政祭（政教）一體嘅國家（國王作為巫敎嘅統治者去管治國家）。
乾旱時向上天祈求賜雨，或者農耕季節祈求上天能夠讓農作物豐收等，以前嘅韓國真係幾信薩滿教㗎！
不過自從朝鮮時期，將中國儒教指定為國教之後，相信薩滿教嘅人慢慢變少。
現代社會，科學技術發達，唔相信薩滿教嘅人越嚟越多。佢哋視薩滿教為一種巫術，又或者係傳統、唔入流嘅韓國傳統文化。
不過，實際上相信薩滿教同巫術嘅人，比想像更多，比起一般人，政治家、有錢人或者企業家反而更信奉巫師。
當要開始一個新嘅事業或是者事業唔順利個陣，企業家都會走去問巫師一啲解決辦法，而政治家就會跑去問可唔可以當選。
前總統朴槿惠都曾經公開支持呢啲巫敎、巫術，好朋友崔順實亦做咗好多薩滿教行為。
2013年2月，時任總統朴槿惠就任儀式上面出現一棵希望之樹，樹上面掛咗象徵韓國巫教嘅「五方囊」。
「五方囊」有白色、藍色、紅色、黃色、黑色五種顏色，係韓國薩滿教象徵宇宙氣息嘅符咒。
聽講，呢場就任典禮係崔順實規劃。
當時前總統亦講咗「只要懇切地追求嘅話，成個宇宙都會幫你」嘅名言（？），呢句話充滿咗韓國薩滿教色彩。
photovil.hani.co.kr
一般民眾喺新年個陣都會去計新年運勢，塔羅、八字，甚至係巫師占卜。
比起好多人信基督教，但似乎更多人喺無助個陣，都會借助巫術同塔羅嘅力量。
巫教還是邪教？
黑祭司
韓國其實對於宗教非常開放，雖然政商同宗教結合係公開嘅秘密，但「儀式說」成為朴槿惠下台嘅其中一個原因。
喺父權主義興盛嘅韓國，薩滿教嘅女性形象豐富。
對於呢個階級、性別意識森嚴嘅韓國社會嚟講，薩滿教可以話係一種跨越階級、性別、意識形態嘅解放運動。
信唔信，在於自己，只要唔傷害其他人，問心無愧就可以。
✨馬上Follow我哋IG
instagram.com/creatrip.hk
| 其他延伸閱讀 | |
 韓國同性戀文化 |  新天地捐款助韓 |