仁川老師陷抑鬱症

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃仁川＃補習班導師

梨泰院夜店集體感染案入面，有一個仁川補習班老師，驚身分曝光，所以確診後報稱無業，耽誤接觸者調查，造成多人感染，受南韓社會輿論指責。

Creatrip為咗關心韓國嘅朋友，會持續更新相關新聞（點我）。

大家唔需要太過擔心同緊張，記住出門口一定要戴口罩同勤洗手！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

仁川補習班老師陷抑鬱

來源：연합뉴스

 

根據防疫當局表示，呢名仁川補習班老師，喺確診初期嘅接觸史調查個陣，驚自己去過同志club一事曝光，選擇講大話，表示自己無業，錯過黃金調查時期。

最終擴散到七代感染，仁川地區有42個同佢相關嘅病例發生，全韓國超過80宗。

仁川廣域市政府認為呢名老師嘅不實陳述，妨礙流行病學調查，令仁川地區疫情擴散，以涉嫌違反《傳染病預防及管理相關法律》為理由，對佢提出控告。

來源：연합뉴스

日前，呢名補習班講師住院一個月後被判定痊癒，已離開負壓病房，但未出院。

據知情人士透露，佢喺住院隔離期間睇電視同手機，見到排山倒海嘅輿論指責，受到相當程度嘅心理負擔，要留院治療抑鬱症。

佢係仁川某大學學生，成績優異，所以兼任補習班老師。

朋友表示，佢喺成長過程中都曾經因為自我認同問題，有過幾次自殺記錄，非常擔心佢今次承唔承受到心理壓力。

來源：한국경제

警方認為，雖然佢已痊癒，但考慮到復陽嘅可能，會慎重決定幾時開始調查。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
韓國同性戀文化	韓國大眾憂鬱症