李敏鎬韓劇踩點
李太太一定要知！李敏鎬韓劇拍攝地景點！繼承者們、藍色海洋傳說、永遠的君主都有
Hello，大家好，我哋係由韓國人話你知每日最新韓國資訊嘅Creatrip。
＃韓國藝人＃男藝人
＃李敏鎬＃韓劇＃踩點
作為韓國最具代表嘅男演員之一，李敏鎬嘅演技同型仔嘅外表，一再令佢嘅演藝事業再創高峰。
小編今天整理咗李敏鎬主演嘅韓劇景點，各位李太太快啲bookmark，跟住敏鎬OPPA打卡啦！
✨馬上Follow我哋IG
instagram.com/creatrip.hk
花樣男子
韓版流星花園《花樣男子》係李敏鎬嘅代表作之一，飾演高傲但迷人嘅高中生，戲入面俊俏嘅外表迷倒唔少少女，一齊睇下《花樣男子》嘅重點拍攝地「神話學院」喺邊啦！
啟明大學
- 地址：대구 달서구 달구벌대로 1095
啟明大學係好多韓劇嘅取景地，校園喺春天同秋天兩季，會呈現唔一樣嘅感覺，好多人嚟大邱都一定會去打卡。
來源：KMU Gazette
Farmer's Table
- 地址：경기도 파주시 탄현면 법흥리 1652-143
Farmer's Table顧名思義，有大自然嘅氣氛，所以被揀做《花樣男子》嘅學校餐廳。
Farmer's Table位於坡州，附近嘅藝術氣氛同自然環境，值得一去！
另外，周邊有好多好似Farmer's Table嘅Cafe或者餐廳㗎！
楊平英語村
雖然係比較早期嘅景點，但仲有好多觀光客會嚟楊平英語村。
呢度係專畀小朋友用嘅英語教育設施，歐式建築別有一番風味。
呢度仲拍過好多韓劇，朴敘俊嘅《金秘書為何那樣》都有喺度拍過㗎！
來源：楊平英語村個人的取向/扮基追女仔
《個人的取向》係一套相當有趣嘅韓劇，係李敏鎬同孫藝珍早期嘅作品。
北村韓屋村
- 地址：서울 종로구 가회동 계동길 37
北村韓屋村係《個人取向》重要嘅取景地之一，好少有背景係大都市，但就有拍韓屋村景觀嘅韓劇。
嚟過首爾幾次嘅朋友，應該都嚟過北村韓屋村，呢度真係好靚。
城市獵人
《城市獵人》係李敏鎬嘅經典作品之一，小編覺得呢個時候嘅李敏鎬，正值顏值巔峰。
而且主要場景都係喺大城市，即係首爾，一齊睇下《城市獵人》嘅踩點推薦啦！
首爾色彩公園（汝矣島）
- 地址：서울 영등포구 여의동
首爾色彩公園可能對大家嚟講比較陌生，其實佢就係喺麻浦大橋下面，即係汝矣島一帶。
條形碼狀嘅藝術品有幾十種唔同顏色，稱為「靈魂的顏色」。
如果夜晚嚟呢度，配合橋上嘅燈光同水花會更靚。
景福宮
相信唔洗小編講，大家都睇得出呢度就係首爾景福宮，女主角工作嘅診所就喺呢度附近。
天氣好嘅時候，沿住牆走，就可以好似李敏鎬一樣，慢慢散步。
Riverview 8th Street（廣津大橋）
- 地址：서울 강동구 천호2동 527-2
小編覺得呢度係一個秘密景點！
《城市獵人》有一個有玻璃地板、牆嘅景點，其實就係位於廣津大橋中段。
呢度同時仲係個表演空間，不時會有獨立音樂家嚟呢度表演、搞展覽。
信義（神醫）
古代嘅武士（李敏鎬），遇到由現代穿越返去嘅女醫生。
究竟《信義（神醫）》入面呢啲古色古香嘅場景，都喺邊度影㗎呢？一齊睇外啦！
大鳥寺（대조사）
- 地址：충청남도 부여군 임천면 구교리 760
喺戲入面，呢度係時間門開啟嘅地方，大鳥寺喺百濟王朝時期建立，呢度有尊中型嘅佛像，係韓國嘅國寶之一。
百濟文化園區
韓國喺保護歷史建築不遺餘力，好多古裝劇都會嚟取景。
同時，透過劇組對歷史嘅研究，確認拍攝地點佈置同戲入面歷史朝代相符，會盡力重建成原本嘅大細。
百濟文化園區係個兼顧歷史同演藝嘅地方，之後有機會，一定要嚟睇下。
繼承者們
講咗好幾部李敏鎬嘅經典韓劇，點可以錯過更經典嘅《繼承者們》呢？
相信呢部韓劇喺好多人心目中，係一套經典韓劇，小編當初都係因為呢部韓劇，跌落李敏鎬嘅坑。
楊平Hillhouse
- 地址：기도 양평군 강하면 전수리 17-3
乍看之下以為係《鬼怪》入面嘅豪宅，但其實唔係。
呢度係位於楊平嘅Hillhouse酒店，係相當豪華、靚嘅地方，喺呢度入住，可以感受到親近大自然嘅舒適，更可以喺李敏鎬坐過嘅位置，影返張打卡相。
東灘國際高等學校
- 地址：경기도 화성시 동탄나루로 27
《繼承者們》入面嘅學校，係位於京畿道嘅東灘國際學校，空間廣大，現代式設計。
唔講嘅話小編仲以為係大學⋯⋯不過因為呢度係學校私人範圍，所以未必可以自由出入。
墨湖村莊（묵호마을）
- 地址：강원도 동해시 논골3길 묵호진동
呢條係一條好靚嘅小村莊，位於韓國東部嘅墨湖村，鄰近大海、風景宜人，五顏六色嘅壁畫同建築令呢度顯得更加浪漫。
如果想去啲不一樣嘅地道景點，嚟呢度絕對唔會後悔！
望祥海水浴場（망상해수용장）
- 地址：강원 동해시 동해대로 6270-31
同啱啱介紹嘅墨湖村超近，望祥海水浴場亦係非常熱門嘅地道旅遊景點。
夏天嘅時候會好多人，但喺其他季節，呢度會好靜冇咩人，可以浪漫咁散下步。
江南黑夜
李敏鎬呢套《江南黑夜》有冇睇過呢？
李敏鎬喺呢齣電影入面簡直魅力全開，係佢第一次主演咁「粗暴」嘅角色，展現咗不一樣嘅面貌。
順天連續劇拍攝場地（순천 드라마 촬영장）
- 地址：전라남도 순천시 왕조2동 비례골길 24
《江南黑夜》係關於黑社會嘅電影，所以冇咩風景名勝同景點。
電影大部分場景都係喺順天嘅影業街拍攝。呢度再現咗首爾舊時代樣貌，可以租復古制服嚟呢度影相，返去以前嘅首爾。
陕川影視主題公園（합천영상테마파크）
- 地址：경상남도 합천군 용주면 합천호수로 757
陕川影視主題公園係保存得相當好嘅影業街，充滿舊式韓國嘅氣氛，之後去釜山或者大邱嘅時候，可以安排個行程嚟呢度睇下。
藍色海洋的傳說
應該冇人唔識呢度韓劇啦？《藍色海洋的傳說》係幾年前非常紅嘅韓劇，全智賢同李敏鎬主演。
天鑄湖（천주호）
- 地址：경기도 포천시 신북면 아트밸리로 234
位於抱川嘅天鑄湖，有住令人屏息嘅美麗風景。
《藍色海洋的傳說》令抱川成為新興嘅旅遊景點，首爾地鐵都正在施工，之後可以坐地鐵直達抱川。
仙才島（선재도）、木島（목섬）
呢度真係韓國最靚嘅地方，仙才島同木島可以話係韓國人先知道嘅景點。
CNN曾評選木島為韓國最靚嘅島嶼，喺咁開闊嘅湖面眺望島嶼。
遇上退潮，仲有機會好似「摩西分紅海」一樣行去木島睇下㗎！
寶城綠茶茶園
- 地點：전라남도 보성군 보성읍 봉산리 1291
韓國最出名嘅綠茶茶園位於全羅道嘅寶城，呢度更被指定係嚟韓國一定要去嘅地標。
《藍色海洋的傳說》入面，呢度係兩人前世相遇嘅地點。
The King：永遠的君主
《The King：永遠的君主》係李敏鎬最新作品。
戲入面佢飾演大韓帝國君主，嚟到平行世界嘅韓國。不過呢套戲上映之後評價有啲兩極，大家又鍾唔鍾意呢套韓劇呢？
九頭山竹林（아홉산숲）
- 地址：부산 기장군 철마면 미동길 37-1
九頭山竹林已經有400幾年歷史，係李敏鎬打開平行宇宙門嘅地方。
呢度嘅竹林高可參天，係相當難得嘅景觀。
桂山聖堂（계산성당）
- 地址：대구 중구 성내2동 서성로 10
桂山聖堂建於1885年，係大邱嘅地標之一，位於市中心，交通非常方便。
另外，呢度附近嘅Cafe（咖啡明家）非常出名，大家可以順便去下。
以上係李敏鎬嘅經典韓劇踩點整理。
如果鍾意呢個題材，歡迎收藏、留言話畀我哋知，小編之後會再整理其他韓國男藝人嘅作品踩點畀大家睇。
✨馬上Follow我哋IG
instagram.com/creatrip.hk
| 其他延伸閱讀 | |
 梨泰院踩點整理 |  Netflix韓劇推薦 |