大眾藝人抑鬱症
藝人自殺、抑鬱症屢見不鮮... 5年之間韓國20代青年抑鬱症比例增93%，淚水中嘅大韓民國
哈囉，大家好，我哋係由韓國人話你知每日最新韓國資訊嘅Creatrip。
＃韓國文化＃韓國酸民
＃韓國網路霸凌＃留言
＃獵巫思想＃男性霸權
短短三個月裡面，韓國演藝圈爆出三名藝人自殺身亡消息，今日（12月19日）亦係SHINee鐘鉉逝世兩年。
加上近期南韓演藝圈爆出多種因壓力感到不安、惶恐病例，令人不禁懷疑，南韓社會到底發生咩事……
✨馬上Follow我哋IG
instagram.com/creatrip.hk
藝人自殺新聞
全美善、雪莉、具荷拉、車仁河……2019年，至少四名藝人選擇以呢種方式結束內心巨大痛苦。
對離開嘅人嚟講，呢種方式或者對佢哋嚟講係可以放低一切痛苦，但對一直以嚟愛佢哋嘅大眾、家人嚟講就係增添更多後悔同悲傷。
患有心理疾病藝人走上絕路已經唔係第一次。背後原因顯而易見，南韓網民惡評、媒體焦點同評論、社會期待眼光。
因為佢哋係演藝人員，必須展現最好一面比大眾睇而產生龐大壓力，呢啲壓力唔係一般人可以想像得到。
心理疾病
IMBC
姜丹尼爾因《Produce》造假疑雲、回歸一位遭受質疑，而家亦透過經紀公司發出聲明，因受韓網相關惡評影響，患有抑鬱症，暫時處於停工狀態。
노컷뉴스
唔單止姜丹尼爾，泫雅、少女時代太妍都勇敢承認自己患有抑鬱症，甚至是係宇宙少女嘅多願、TWICE嘅Mina，都因有恐慌症（舞台焦慮）等症狀，暫時停止活動。
南韓係一個高標準國家，各種光鮮亮麗表面，背後卻有好多辛酸真相係鮮少有人知。
| 各年齡層憂鬱症人數 | ||
| 年齡層 | 2013年 | 2018年 |
| 10歲以下 | 1,074 | 1,204 |
| 10-19歲 | 27,009 | 42,535 （↑57.5%） |
| 20-29歲 | 50,948 | 98,434 （↑93.2%） |
| 30-39歲 | 73,354 | 93,389 |
| 40-49歲 | 92,538 | 105,884 |
| 50-59歲 | 125,846 | 129,255 |
| 60-69歲 | 107,616 | 133,712 |
| 70-79歲 | 103,281 | 121,193 |
| 80歲以上 | 31,533 | 56,431 （↑79%） |
喺咁多數據裡面，青年（19歲至34歲）患有抑鬱症原因：21.1%生活費、33%學費、居住費用佔38%。
先唔扯到貧富差距、財產正義、階級流動，大家只要知道，大量數據背後，後面一定有更多黑數。
各種職業、年齡層都會因為壓力而有心理疾病。但藝人係承擔數千、數萬隻眼望住你嘅壓力，一言一行、一舉一動全都會永遠被記錄同放大，永遠無咗真正嘅自己。
韓國酸民的話
www.allkpop.com
因為高標準要求高，成就而家美好Kpop娛樂王國時，背後其實有唔少藏身於網絡中嘅言語暴力。
韓國霸凌行為從學校時期就有，一路可能延伸到職場、軍隊。
隨住科技進步，霸凌唔再只係單純面對面言語、肢體暴力，而係進化成隨時隨地都會攻擊你嘅網絡記錄。
解放自我，惹來南韓網民嘅冷嘲熱諷；
《82年生的金智英》上映前後，講述社會真相內容卻被男性評論做「女權恐怖思想」；
親友自殺後，唔理有無公開發文表態都會被討論；
真相未出，亦被直接論定係違法、係造假藝人；
社會更充斥住各種猜測同妒忌……
層出不窮嘅網路惡評、黑粉、虛假留言、毫不留情面批評與同轉發，大家都只做鍵盤戰士，認為大眾就係力量嘅網民，促成一個又一個悲劇發生。
韓國社會高標準
韓國係一個標準高社會，要有錢，無錢嘅話就要生得靚；生得唔好睇至少要聰明；唔聰明嘅話至少要有良好家庭背景。
當一般人都必須活喺世俗高標準中，佢哋只會越嚟越有壓力，同時佢哋都會用相同標準對待其他人，成為恐性循環。
作為一種「必須要完美」形象向大家示好嘅藝人、政治家、公眾人物都活生生變成箭靶。
有咩係改變緊？
雪莉同具荷拉死訊，令越嚟越多人意識到「惡意評論」係令到佢哋選擇死路嘅一個重點。
唔單止咁，媒體嘩眾取寵、南韓社會普遍厭女心結、男性霸權主義等等，唔多唔少都參與其中。
呢嗰就係點解《82年生的金智英》出版嘅時候，深受抨擊，被視為女權主義思想經典作，但孔劉仍然唔理大家嘅砲火抨擊，願意擔任電影男主角，因為「佢先有能力代替女主角鄭有美承擔社會壓力」。
呢句說話本身就已經顯示到男女不等嘅問題，亦係南韓社會問題真正所在。
媒體自律，社會思想，言論自由。三方面都係建築起南韓輿論、風向首要關鍵。
當其中一個開始失去控制，人開始會唔記得自己講嘅嘢係好定唔好，無心嘅一句，可以將一個人推上寶座，亦同時害死一個人。
韓國網路實名認證成效可能未係做得太好。雖然好多網站都需要身分驗證，但仍然普遍簡單。
除咗姜丹尼爾所屬公司正要求關閉論壇相關討論區、《雪莉法》等相關評論同應援，都逐漸出現同成形。
近期各大經紀公司對於旗下藝人遭受惡評作法，越嚟越企得硬，希望可以阻止歪風，唔好再令悲劇重演。
希望大家可以多愛自己、同時愛身邊嘅人。
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他延伸閱讀 | |
 82年生金智英 |  韓年薪94萬 |
 韓國高自殺率 |  住韓國真係好？ |