《82年生的金智英》
我哋都係金智英...上映後大韓民國有冇改變？韓網一致超低評分，但觀影者就畀超高分
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃韓國文化
＃韓國電影＃女權意識
＃82年生的金智英＃輿論
韓國最近熱議嘅話題，除咗政治之外，就係《82年生的金智英》上映。
不過，套戲未上映之前，喺NAVER電影已經累積咗好多惡評，原因係咩呢？一齊睇下韓國嘅文化啦！
✨馬上Follow我哋IG
instagram.com/creatrip.hk
文章開頭，小編提到上映至今（12月）嘅Naver電影評價。記者、影評畀分只有6.79；要140字以上留言，或者寫篇blog先可以評分嘅大眾評分係6.68。
但係，要真係入戲院睇完戲先可以評分嘅實際觀眾，就畀咗9.18嘅高分。
82年生的金智英
10月將上映嘅電影，係2016年出版小說《82年生的金智英（82년생김지영）》改編。
電影未上映，已經累積咗相當多嘅討論。即使由韓國實力派演員孔劉、鄭有美主演，喺上映前，期待值就少有咁低。
根據NAVER電影嘅映前簡介，畀差評（低期待）嘅網友竟占咗6成，而主要演員孔劉、鄭有美，仲受到好多網友批評，究竟點解呢？
Google書目更出現近4成嘅不推薦
《82年生的金智英》係韓國作家趙南珠（조남주）喺2016年嘅作品，講述一位非常平凡嘅女人「金智英」，由小朋友到長大成人嘅過程入面。
因為「身為女性」而遇到嘅荒謬事。
副標題：妳和我的故事
雖然係架空嘅虛擬故事，但《82年生的金智英》非常暢銷，好多女性紛紛上網推薦呢本書，認為呢本書真實刻劃咗韓國女性一生一定會遇到嘅事：性別歧視。
即使年紀比較大，但因為係女仔，就必須無條件忍讓細佬；被騷擾，竟然要反省自己係咪衣著唔檢點？女人識過男朋友就會令身價降低？
工作面試飽受歧視、惡意目光，甚至結婚之後，仲要繼續忍受婆家嘅壓力……
呢個1982年出世嘅金智英、擁有一個好平凡嘅名嘅智英，對韓國人嚟講，喺好熟悉、常見，會喺生活到遇到嘅人，而呢個人安靜、悲傷咁忍受住世界上每個唔平等嘅事。
雪莉、Red Velvet隊長irene公開表示自己睇過呢本書，就惹來廣大男性粉絲抨擊，話佢哋係「女權主義」嘅擁戴者；
更唔好提因為接演呢套戲，而飽受好多惡評嘅鄭有美同孔劉。
相反，BTS RM、劉在錫公開推薦呢本書，就冇受到恐怖嘅惡評。
NAVER電影《82年生的金智英》評論入面，好多差評都係上映前已經有。
當中有網友戲謔咁寫咗一篇《82年生的金哲秀》（철수係韓國最普遍嘅男仔名），控訴身為男性而遇到唔公平嘅事：
- 唔可以喊、唔可以鍾意粉紅色、被打個陣，總係比打女生更大力、點解要當兵？當兵後番到校園，又被新生以望住性犯罪者嘅目光對待、點解要喺人生最好嘅時候去當兵？點解身邊嘅人都變晒？點解結唔到婚？點解女性都只要好男人？點解唔可以喊？點解……
（以上內容為節錄）
- 點解男性都係既得利益者？喺20代最有趣、最重要嘅時期去當兵難道唔係性別歧視咩？點解每日都話男人就要搬重嘢？點解成日話Lady First？點解女仔做家庭主婦，唔會畀人投以奇怪目光，而男仔話要做家庭主夫，就畀人認為係冇能力？點解男人要好似狗一樣賺錢，犧牲自己養活其他人？連一次感謝嘅說話都冇聽過⋯⋯真係無辦法再忍受妳哋扮晒嘢嘅樣，嘖嘖，呢種只係睇到利益嘅集團？因為一啲雞毛蒜皮嘅事，就話自己被性別歧視，嘖嘖，妳哋唔港當兵就已經係利益者，嘖嘖。
回覆呢篇嘅網友都非常一針見血：
- 哈哈哈哈，除咗軍隊就無咩可以講呢，嗚嗚
- 唔想聽沉重嘅說話、唔想好似狗一樣賺錢、唔想犧牲自己養活其他人，有任何小事都好，你都可以大聲疾呼，表達你嘅意見啦。唔好淨係喺度講……（節錄）
- 點解要喺呢度講呢啲說話？電影都未上映，就評分，拜託去你哋嘅Bloh寫文章啦（汗）仲有，男女都當兵我贊成㗎，但知唔知好似你呢啲人嘅思想係咩？就係只有女性去參軍，男女歧視就會解決嘅簡單（一次元）思想，哈哈哈。
除咗呢啲精彩嘅筆戰之外，排名第三名嘅評論，可以畀大家見到少少改變韓國嘅力量。
- 喺女性人權最下位嘅大韓民國現實，呢種電影出現，係對唔知道自己正歧視其他人嘅無知歧視者、歧視蔓延嘅社會、唔知道咩係歧視、唔知道自己受歧視嘅弱者嚟講，最有益嘅電影。我都係無知嘅人之一，呢個係韓國嘅現實，只可以咁樣。作為支持女權主義嘅人，透過教育、電影，我相信一切會有改善。期待！終有一日，大韓民國會實現性別平等。性別平等國家指數……不論係第一名，定第十名，性暴力、性騷擾、性別歧視係咪已經根除呢？……（節錄）
相信睇到呢度，大家應該都知道《82年生的金智英》喺韓國發酵嘅後續係點。
只要睇咗本書，就被視為「女權主義」擁戴者而受攻擊嘅藝人；男女藝人分別推薦，就有好唔一樣嘅輿論⋯⋯
呢啲都可以顯示到，韓國目前對呢件事有幾敏感。
Star.mk.co.kr
唔止女權主義，真正落實勇敢杜絕性犯罪、騷擾嘅Me Too運動；
至今仲未有結果嘅張紫妍事件、南韓同志人權低落，男性同性性行為仍受軍法審判等荒謬事件，都一再顯示表面光鮮亮麗嘅韓國背後，仍然有好多需要進步嘅地方。
《82年生的金智英》導演金道英（김도영）表示會想拍呢部電影嘅關鍵，係睇完原作之後，
佢身為某個人嘅母親、妻子、女兒，覺得《82》原著嘅主人公同自己嘅情況有好多相似嘅地方，有好大共鳴。
스포츠조선
孔劉接受訪問都話：自己好少睇劇本會喊，但睇咗《82年生的金智英》劇本後，真係流咗好多眼淚。
一般只係睇文字就有呢種反應並喊多見，覺得自己就好似演繹緊嗰個情況入面嘅人一樣……
佢因而諗起屋企人，仲打電話畀媽媽，媽媽都被佢嚇親。
톱스타뉴스
對韓國人嚟講，好多嘢都需要改變，好似當初拍《無聲吶喊》個陣，都被人攻擊無抹黑、醜化大韓民國。
不過，隨住事件真相釐清，電影同藝術就達成佢最重要嘅功用「喚醒、改變」。
喺呢個充滿惡意、唔平等嘅世界，《82年生的金智英》或者都會成為一部改變韓國女權意識嘅電影。
✨馬上Follow我哋IG
instagram.com/creatrip.hk
| 其他延伸閱讀 | |
 韓國同性戀文化 |  韓國酒代言文化 |
Powered by Froala Editor
