Ashley Buffet 食記

哈囉，大家好，我哋係由韓國人話你知每日最新韓國資訊嘅Creatrip。

＃韓國美食＃韓國自助餐
＃Ashley＃最新探訪
＃韓國吃到飽＃buffet

嚟韓國應該會想一次食哂所有料理？不過肚子得一個，美食又咁多，可以點算呢？

唯一經濟實惠嘅首選，大概就係食韓國自助餐啦！

今日小編要為大家介紹同其他自助餐與眾不同嘅「Ashley」自助餐，

大家可以互相比較一下，再作出選擇。

🤞🏻 Creatrip Youtube上線囉  

✨馬上Follow我哋IG
instagram.com/creatrip.hk

🎈首爾各式buffet線上預約享優惠 

韓國Ashley自助餐

韓國有好多間自助餐店，Ashley主打歐美用餐風格，令人有種係食緊海外buffet嘅感覺。

同草葉集、季節餐桌相比，Ashley價格會貴少少，但相對款式選擇度會更高，

而且唔會只侷限得韓國料理，其他各國精華都可以喺到食到添㗎。

熱門用餐時段，韓國Ashley總係需要等一輪先可以入場，

小編即使已經13:30過去，卻都要等10分鐘先入得去。

座位同一般韓國buffet一樣，都會採用開放式，大家食完嘅碗同碟只要放喺檯上面就會有服務員幫你清走。

就算一個人去食都無問題！

主食部分大家係唔係都睇到花多眼亂呢？小編去嘅係鐘閣站鐘路Tower地下一樓嘅Ashley，

呢到嘅菜色真係算係小編食過韓式自助餐中，最豐富嘅一間。

肉類選擇都有好多款，豬肉、雞肉、煙肉、炒肉等等，而且菜盤前面都會有英文標示，大家唔洗擔心會夾錯。

其他小食都相當豐富，Ashley最正嘅一嗰點係除咗肉多，菜類選擇都非常多。

係唔係好吸引呢？喺Ashley完全唔洗擔心食唔飽，或者搵唔到自己鍾意嘅菜色，

因為呢到大概有一百多道菜可以揀，總有一款會啱大家。

更令小編驚奇嘅係Ashley竟然仲有醬油蟹！

如果想無限食醬油蟹嘅朋友，嚟Ashley就千祈唔好錯過啦。

👉 弘大「弘益醬蟹」食記 

其他好似Pizza、美式風格點心、韓式料理，都應有盡有，非常豐富。

重點嚟啦，韓國Ashley自助餐裡面有生魚片壽司食到飽，係唔係好驚喜？

呢嗰係最近先有嘅新菜單，小編夾咗好幾輪都仲係食唔飽。

新鮮壽司同醬油蟹，完全就係一個完美組合XD

如果係出面單點，可以話要比好多錢先食到飽。

嚟韓國食唔夠青菜，喺Ashley可以食得好滿足，而且肉食主義者都唔洗委屈跟住只食菜，

呢到肉唔單止夠多款，而且補嘅速度都超快。

小編雖然啱啱食飽，但而家睇到呢啲相，真係唔講笑又肚餓啦...

之前食過有啲都有提供壽司buffet，但都無好似Ashley咁新鮮。

如果想食蔬食、清淡一啲嘅朋友，喺Ashley就可以搵到呢啲素食。

最後，食完美食之後，大家記得一定要喺Ashley食埋甜品，咁樣先算係將胃好好利用。

呢到有水果、甜品，甚至可以自己做嘅窩夫都有，非常豐富。

小編都試用窩夫機整，唔知大家覺得賣相好唔好呢？

以上係小編最新探訪韓國自助餐「Ashley」食記，如果要評分，小編好誠實咁同大家講：

• 美味：8.5/10
• 價錢：9/10
• 想再去次數：8/10

個人覺得Ashley真係值得有咁高嘅分數，因為同其他店相比，呢到嘅嘢食種類好豐富。

各位朋友，我哋下次再見啦。

韓國Ashley自助餐分店

• 鐘閣店：서울 종로구 종로 51 B1
• 弘大店：서울 마포구 양화로 129
• 新村店：서울 서대문구 신촌로 73 
• 江南二店：서울 서초구 서초대로77길 3
• 西面NC百貨店：부산 부산진구 동천로 92 5F
• 海雲台NC百貨店：부산 해운대구 해운대로 813 7F

🤞🏻 Creatrip Youtube上線囉  

✨馬上Follow我哋IG
instagram.com/creatrip.hk

🎈Beans Bins(新村/明洞/首爾站/市廳)優惠

其他延伸閱讀
東大門季節餐桌	弘大任食整理
釜山紅蟹任食	韓國千元幸福