首爾地道景點推薦
唔去弘大去呢度！呢度嘅夜景更好睇！厭倦周圍都係旅客？介紹地道嘅首爾商圈、景點、購物好去處
Hello，大家好，我哋係由韓國人話你知每日最新韓國資訊嘅Creatrip。
＃首爾在地景點
＃首爾旅遊＃韓國旅遊
＃韓國自由行＃推薦景點
好多人都話，嚟韓國如果都係去觀光客嘅地方，似乎無去咗外出國嘅感覺。
但撇除觀光客經常去嘅區域，究竟首爾仲有邊到好去呢??
可以取代只得觀光客去嘅景點同商場有邊到？就等小編為大家介紹啦。
✨馬上Follow我哋IG
instagram.com/creatrip.hk
首爾在地推薦
1. 惠化大學路
- 交通：首爾地鐵4號線惠化站（혜화역）
雖然弘大係好行，但因為實在太多人，附近商圈都係大同小異，
如果想行得舒服啲，小編就推薦大家嚟惠化大學路。
購物、美食、文青都可以一次過滿足。
惠化大學路呢度所有諗到嘅品牌都有，最正嘅係，呢度唔會好似行弘大咁迫，喺呢度可以好輕鬆咁shopping。
肚餓嘅，又可以隨意搵間餐廳食飯。
更吸引人嘅係，惠化大學路呢度有好多展覽同表演。
附近嘅駱山公園、美術館等等，都令呢一個地區充滿咗質感。
想拋開觀光客嘅視角，去當地人會去嘅地方Shopping？
嚟惠化就啱啦！
🙌 惠化大學路探訪記
首爾在地推薦
2. 梨泰院解放村/經理團路
大家想睇首爾夜景，同時又想睇到首爾地標「N首爾塔」，
第一個諗起嘅應該係直接去明洞附近嘅南山，或者喺南山北面欣賞夜景。
但其實韓國人去睇城市夜景，唔會特登走去南山，或者去其他觀光客超多嘅景點。
佢哋鍾意直接去南山南側嘅經理團路、解放村一帶，就可以睇到首爾夜景。
不過當然，你要先行上呢度一個又一個嘅山坡先。
密密麻麻嘅屋，同寬闊嘅天空連成一線。
同喧鬧嘅市中心唔同，呢度好少高樓建築，可以好好咁欣賞天空嘅景致，相信唔少人都睇到韓妹嘅打卡相~
好多都係喺度先可以影到個種特別嘅美感。
🙌 梨泰院美食總整理
首爾在地推薦
3. 清涼里樂天百貨
- 交通：首爾地鐵1號線清涼里站（청량리역）
자치행정신문
如果大家要去行樂天百貨，可能都會諗起明洞；要行樂天超市，大部分人都會去首爾站。
但其實有個好方便嘅地點，可以避開觀光客，又一樣可以有退稅等優惠嘅就係清涼里啦。
距離首爾站大約20分鐘車程，亦係自由行去南怡島坐京春線、ITX個陣嘅上車站，樂天百貨、超市都喺呢度。
呢度好大又好好行，仲唔會有咁多觀光客同你迫添。
首爾在地推薦
4. 文化儲備基地
- 交通：首爾地鐵6號線世界盃體育場站（월드컵경기장역）
大家想感受韓國秋冬嘅蕭瑟感，通常都會去天空公園。
不過天空公園嘅人總係好多，唔可以好好咁欣賞到天空公園？
小編幫大家搵咗另一個地方，就係附近嘅「文化儲備基地」，近期呢度越嚟越多人會嚟。
就喺天空公園附近，文化儲備基地係將油庫改建而成嘅生態、複合性公園，小編前排先去過。
呢度清閒優美嘅景觀真係令人好難忘，有種可以放鬆心情嘅感覺。
文化儲備基地位於首爾市中心，可以在喺咁靚嘅風景散步、享受療癒時間，而且仲係好多新崛起嘅攝影師嘅出師地。
大家都嚟影番輯靚相啦！
🙌 文化儲備基地探訪
首爾在地推薦
5. 德壽宮
- 交通：首爾地鐵1號、2號線市廳站（시청역）
大家講到首爾嘅古宮殿，大部分都只會諗起景福宮，比較Local嘅可能會再去昌德宮等等。
但比起呢啲地方，小編更推薦大家去德壽宮，順道去貞洞展望台欣賞埋成個宮殿嘅全景。
呢度仲有一條好出名嘅石牆路，有好多首爾人都好迷信，覺得只要係一對情侶一齊行過呢度就會分手。
會有咁嘅諗法，應該係因為調解婚姻紛爭嘅法院就係附近，先會有咁嘅講法。
🙌 韓國人的迷信
但德壽宮仲唔止咁少，呢度仲可以同時睇到韓式同西式建築，是呢個景點嘅最大特點。
快啲嚟呢度啦！同時欣賞到舊時嘅韓式建築，同壯麗嘅歐式風格建築，而且冇景福宮咁嘈雜，更有旅行嘅愜意感。
🙌 德壽宮夜間導覽
以上係小編整理出嚟，專為一啲想去地道啲嘅景點嘅朋友仔而推薦，
從購物、美食、景點與風景都有，而且交通都好方便，唔係話叫你去在地景點就一定要坐成2個鐘嘅火車。
嚟感受下唔一樣嘅首爾啦！咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 高CP美食推薦 |  京畿道景點推薦 |
 永登浦動物園 |  首爾免費WIFI |