2020弘大文具店懶人包
行下弘大文創小店啦！除咗大創，5間弘大文具店必行推薦！
Hello，大家好，我哋係由韓國人話你知每日最新韓國資訊嘅Creatrip。
＃弘大購物＃弘大文具店
＃韓國文具店＃2019
＃療癒小物＃文青必敗
弘大商圈可以話係現今首爾旅遊必去嘅行程，喺呢度除咗可以食好嘢，仲有數唔完嘅Cafe（同靚仔歐巴）。
加上弘大購物商圈興盛，任何大小品牌都可以搵到。
今天小編盤點咗弘大商圈一帶嘅文具店，嚟弘大要買療癒小物、文青紀念品睇呢篇就啱啦！
如果想喺弘大買手機殼，或者去延南洞行文具店嘅朋友，可參考以下文章：
✨馬上Follow我哋IG
instagram.com/creatrip.hk
弘大文具店：1. BÜTTER
- 地址：서울 마포구 양화로 153 B2
- 時間：11:00至23:00
位於弘大站1號出口方向嘅BÜTTER，睇到店名係咪就有種療癒感呢？
BÜTTER位於弘大地鐵站隔離，樓上就係Shoppen，但好似好多人都會錯過呢個交通方便嘅文具店，令小編覺得好可惜。
該有嘅都有，弘大文具「BÜTTER」入面放滿咗可愛小物，
由各種裝飾品、日常生活用品、文具，甚至公仔都有，
每季都會推出唔一樣嘅新品，一嚟就荷包大失血！！
尤其係喺BÜTTER店內一面牆都放滿娃娃，仲有呢啲逼真嘅蔬菜模型，可以話係弘大BÜTTER嘅標誌，
好多人經過都會喺呢度停留好耐，因為真係超得意！
另外好特別嘅係，弘大BÜTTER唔止文具商品，簡單嘅女性居家用品、美妝用品都一應俱全，
而且顏色同排列方式，都好吸引人，忍唔住就會買番屋企。
另外，文具控喺呢度都一定可以行得好開心，滿滿嘅生活小物、精緻文具，令人著迷！
弘大文具店：2. Object
- 地址：서울 마포구 와우산로35길 13
- 時間：12:00至22:00
唔同啱啱介紹嘅BUTTER，弘大文具店「Object」行嘅風格更加隨性，有個人特色，藏身喺京義線公園書街嘅巷仔入面，整體嚟講更文青。
果然同店面外觀一樣！走入弘大Object裡面，就會被亂中有序（？）嘅商品吸引，各種貼紙、少女心設計嘅tote bag都有，話呢度係文創商店都不為過。
小編好多朋友嚟到弘大Object，就會睇中呢啲出面買唔到嘅可愛設計，唔係話非常可愛，有啲甚至仲好醜樣，
但就係呢種魅力，先令弘大Object成為韓妹鍾意行嘅弘大文具店。
文具、手機殼、香氛用品、筆記簿、貼紙……任何諗到嘅文具同相關嘅文創小物，喺弘大Object都可以搵到。
雖然價格唔係非常平，但都係值得購入嘅得意商品。
一共有三層樓嘅弘大Object，每層樓都係唔一樣嘅風格同販售物品，下次喺行弘大個陣，不妨行下京義線書街呢度，去下Object啦！
弘大文具店：3. ARTBOX
- 地址：서울 마포구 서교동 홍익로 19
講到弘大文具店，最多人諗到嘅應該係ARTBOX！
位於熱鬧嘅弘大購物主街隔離，喺ARTBOX買無數可愛小物嘅朋友都有唔少㗎！
ARTBOX係韓國出名嘅文具店連鎖品牌，而ARTBOX有別於集結咗唔同個人品牌嘅文具店，
佢哋仲出咗官方嘅吉祥物，出咗好多唔同嘅商品。
就算唔鍾意ARTBOX嘅官方吉祥物，呢度仲有好多可愛嘅文具小物，而且仲有個特點，就係ARTBOX嘅商品售價都超平！
卡片、紙膠帶、筆記簿，甚至係其他生活用品喺ARTBOX都可以搵到，
而且ARTBOX每個月都會推出新產品，每次去都有新發現。
對於想洗少少錢，買到好多紀念品嘅朋友，小編推薦你嚟弘大嘅時候可以去行ARTBOX，
好行好買係ARTBOX最大嘅優點，重點係！荷包唔會大失血。
弘大文具店：4. 1300K
- 地址：서울 마포구 잔다리로2길 11
- 時間：12:00至21:00；星期二休息
弘大1300K係個出乎意料好行嘅文具店，淨係呢度嘅療癒程度，就令小編覺得值回「票價」，一定可以買到得意小物！
睇下呢一個櫃位，都係好多文具店睇唔到嘅設計風格，弘大1300K當然唔止呢啲，成間鋪一共有三層樓，淨係行完一層就要用唔少時間。
各種風格都有，甚至連呢種知名嘅卡通品牌周邊都有，可以一次行到多種風格嘅文具，大家係咪都想將1300K排入弘大行程呢？
同其他文具店一樣，弘大1300K當然都有呢類實用嘅生活家居品啦～
雖然小編睇咗1300K賣嘅袋款，價錢唔太平（…），但質感比出面一般見到嘅商品好。
1300K畀小編嘅感覺唔淨係似文具店，而係可以滿足各種可愛小物需求嘅天堂。
行完一圈之後，大家大概就可以明白點解當時小編係空手入去，最後買咗好幾樣無咩用但好療癒嘅小物出嚟～
度嘅商品比其他店特別，可愛嘅程度超乎想像呢。
弘大1300K藏身喺商圈嘅盡頭，對於旅客嚟講仲有種探險嘅感覺，一齊嚟1300K尋寶啦！
弘大文具店：5. ÅLAND
- 地址：서울 마포구 양화로16길 29
- 時間：11:00至22:30
相信大家應該對ÅLAND呢個品牌品陌生，唔止弘大有，附近嘅新村U-PLEX樓下都有大型ÅLAND，但小編更推薦大家嚟弘大嘅ÅLAND行。
ÅLAND其實主要係賣服飾，但喺弘大ÅLAND，仲有賣好多可愛嘅飾品貼家居美妝品，適合買衫嘅時候，順便買入呢啲商品。
琳瑯滿目嘅美妝品，係咪齋睇外包裝就好吸引呢？
琳瑯滿目嘅手機殼、布袋同襪，都係喺其他文具店搵唔到嘅可愛設計，ÅLAND嘅價格雖然高咗少少，但設計同質感真係好好。
想買韓妹必備嘅馬卡龍色飾品？
喺弘大ÅLAND就可以搵到，而且除咗銀包之外，仲有手機殼，係咪好方便呢～
其他配件都係應有盡有，完全可以滿足購物狂嘅所有購物慾。大家一定要嚟弘大ÅLAND！
以上係小編整理出嚟，喺弘大商圈一帶深受韓妹喜愛嘅5間文具、療癒小物商店，係咪好吸引呢？快啲安排入你嘅弘大行程啦。
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 弘大手機殼攻略 |  韓國情侶鞋推薦 |