明洞住宿總整理
韓國必去明洞，附近有咩酒店好住？小編整理好話你知！
Hello，大家好，我哋係由韓國人每日提供最新韓國旅行資訊嘅Creatrip。
明洞係唔少遊客嚟到韓國都會去嘅景點之一，因為呢度咩都有，酒店職員又識講多種語言，所以揀呢度住會方便唔少，今日就等小編同大家介紹幾間唔錯嘅酒店啦！
1. 首爾皇家酒店（로얄호텔서울）
首爾皇家酒店就係喺明洞大聖堂斜對面，大家可能至少都會經過過一次。
豪華大堂設有婚宴廳，頂樓有大廚房，入選米芝蓮，大堂後面仲有優雅花園Cafe！
客房好闊落，全部都有浴缸，Shopping完一日，之後喺度浸浴放鬆身心就最好啦！
首爾皇家酒店（로얄호텔서울）
- 地址：서울 중구 명동길 61
- 小Tips：乙支路入口站5號出口行大約6分鐘
- 價格：₩75,000～
2. StayB Hotel（스테이비 호텔 명동）
STAY B酒店以5種韓國傳統色彩裝修，好有現代感，俾人一種好舒服嘅感覺。
內部好整齊同乾淨。
屋頂只有客人可以用，買杯飲品上去休息吓，超舒服。
StayB Hotel（스테이비 호텔 명동）
- 地址：서울 중구 충무로 23-1
- 小Tips：忠武路站6號出口行大約3分鐘
- 價格：₩280,000～
3. 明洞樂天L7酒店（L7 명동 바이 롯데）
L7係一間4星級酒店，CP值高，一直以嚟都好受歡迎，除咗明洞，弘大、江南等都有分店，佢最大賣點係所有酒店都好近地鐵站。
L7明洞酒店有啲房仲可以望到N首爾塔。
當然上天台一定可以睇到N首爾塔，夜晚景色超迷人。
明洞樂天L7酒店（L7 명동 바이 롯데）
- 地址：서울 중구 퇴계로 137
- 小Tips：明洞站9號出口行大約1分鐘
- 價格：₩68,000～
4. 世宗酒店（세종 호텔 서울 명동）
呢間酒店就係喺明洞站10號出口隔離，搭地鐵去超方便，酒店仲有直接去仁川機場同金浦機場嘅穿梭巴士（需額外收費），所以就算買太多都唔使怕！
酒店仲設有畫廊，酒店大堂同餐廳會有唔少繪畫同雕塑等藝術作品。
酒店因為用咗朝鮮第四代國王世宗大王嘅名，就連客房都可以感受到韓國傳統氣氛。
世宗酒店（세종 호텔 서울 명동）
- 地址：서울 중구 퇴계로 145
- 小Tips：明洞站10號出口行大約1分鐘
- 價格：₩242,000～
5. 首爾雅樂軒酒店（알 로프트 서울 명동）
首爾雅樂軒酒店喺明洞同首爾站中間，兩個地方行過去都好近。
好多人去過住都留唔少好評，保證大家入去住唔會失望。
有10種房型可以揀，其中最大嘅房可以容納8個人，小團體去Book呢度就啱哂啦！
首爾雅樂軒酒店（알 로프트 서울 명동）
- 地址：서울 중구 남대문로 56
- 小Tips：明洞站5號出口行大約6分鐘
- 價格：₩65,000～
所有酒店都有唔同嘅魅力，唔知有冇邊間大家覺得都唔錯，下次會想入住呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
