明洞「首爾皇家酒店」介紹
明洞4星級首爾皇家酒店介紹！離明洞站只係6分鐘！要去超方便！
Hello，大家好，我哋係由韓國人每日提供最新韓國旅行資訊嘅Creatrip。
大家都知明洞有好多間酒店，今日小編就想同大家介紹今日明洞嘅首爾皇家酒店！如果有興趣就要繼續睇落去啦！
明洞「首爾皇家酒店」介紹
- 地址：서울 중구 명동길 61
- 小Tips：乙支路入口站5號出口行大約6分鐘
唔知大家有冇見過明洞大聖堂前面呢間首爾皇家酒店呢？當太陽落山，佢就會閃閃發光，只要經過都令人忍唔住望幾眼。
首爾皇家酒店係一間4星級酒店，位於明洞站和乙支路入口之間，由每個站行過去大約6分鐘。
一入到去，大家就會發現一個冇盡頭嘅超闊大堂，呢度好有時尚感，每一個佈置都睇得出花咗唔少心機去裝修。
入口右邊就有梳化同長檯，大家可以坐喺度休息，或者plan定下一個要去嘅行程。
房型/價格
首爾皇家酒店有分三種類型客房：標準、豪華同套房，其中仲可以揀雙人床、兩人床、三人床等。
| 房型 | 1晚價格 |
| 標準房 | ₩75,000~ |
| 豪華房 | ₩85,000~ |
| 套房 | ₩175,000~ |
呢次小編揀咗住豪華2人床房，同大堂一樣，房型超闊落，行李大開哂都可以好舒服咁行，難怪咁多外國人嚟到都會揀住呢度。
床對面有電視、一張檯同櫈。
電視隔離仲有一張工作檯，如果有帶電腦，可以坐喺呢度慢慢做嘢。
窗好大，陽光射入嚟超舒服。
首爾皇家酒店最大特點係所有客房都有浴缸，出去行完成日，返到嚟浸個浴就最爽啦！
打開衣檯就會著燈，入面有長袍、拖鞋同一個保險箱。
木盒裡面有咖啡同茶包，兩支水大家可以飲。
浴室有牙刷、牙膏、番梘、洗頭水、護髮素、沐浴露同Body Lotion，一應俱全，就算冇帶去都唔使怕。
參觀完房，小編去咗21樓頂樓，有米芝蓮精選嘅餐廳。
大家可以喺度一邊欣賞首爾夜景，一邊享用皇家廚師自家製有機美食。
1樓大堂有優雅花園Cafe，喺度可以飲杯咖啡放鬆吓。
除咗咖啡，仲有自製蛋糕、啤酒、紅酒等酒精飲品，咖啡同茶可以外賣，但要留意價錢會唔一樣。
地下1樓有Gym Room同做Spa嘅地方，Gym Room所有客人都可以用，但Spa係需要預約，有需要嘅朋友可以參考官網。
如果大家都搵緊一間CP值高嘅酒店，不妨可以考慮吓呢間。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
