Hello，大家好，我哋係由韓國人話你知每日最新韓國資訊嘅Creatrip。
＃韓國文化＃韓國人談戀愛
＃韓國男＃韓國女＃曖昧
＃聯誼＃打獵(HUNTING)
識新朋友係咪總會令人覺得好緊張又興奮呢？
成日睇韓劇有啲咁浪漫嘅劇情，到底韓國男女會透過咩方式認異性㗎呢？
除咗日常生活中自然而然咁識之外，有時候都會透過朋友介紹或者Hunting嘅方式去搵新姻緣。
今日小編要為大家仔細說明韓國男女交友、聯誼同打獵文化！
✨馬上Follow我哋IG
instagram.com/creatrip.hk
韓國男女點識？
1. 交友APP
20至30歲嘅韓國人，通常都係透過身邊朋友認識異性，會用到「소개팅」呢個字。
不過30到40歲之後，通常都係透過屋企人或者親戚介紹認識異性，會用「선」呢個字。
不過，隨住最近出現越嚟越多嘅交友APP，即使唔洗人介紹，都可以喺APP上識新朋友。
通常喺APP，大家一般都會先互相交換相，之後先會有下一步。
如果有人問「一唔一齊飲杯咖啡？」嘅話，十個有九個人都會覆「畀我睇下其他相先。」
如果覺得張相滿意，就會交換聯絡方式，約出嚟見面。
通常都會約食晏或者晚餐，食完再去Cafe，係韓國男女認識嘅基本流程。
不過，最近都有人會揀喺下晝見面，先飲杯咖啡，唔滿意嘅話就直接散band，滿意嘅話就一齊食晚餐，唔會曬大家時間。
如果兩個人都對對方有好感，就會約下次見面。
韓國有個不成文嘅規定，通常約三到四次之後，就要決定係咪表白，或者係咪繼續發展。
喺韓國，如果同身邊朋友講「第一次見面後又見咗五次」，身邊大部分嘅人都一定會話「到依家都未表白？未決定一齊？對方係咪冇意思？」之類嘅話。
韓國男女點識？
2. 聯誼
幾個人一齊去聯誼，比起單獨見面更令人放鬆。
好多韓國人都認為聯誼係為咗拓展人脈，識下朋友。
聯誼之前通常會睇相先，如果係多人聯誼，就只會睇搞手嘅相。
如果搞手嘅相睇落唔錯嘅話，通常就唔會再去睇其他人嘅相。
只要地點同相男女雙方都滿意，就會正式聯誼。
聯誼場所大部分都係由男仔決定，通常都會喺夜晚8、9點左右搞，跳過晚餐，直接飲酒。
聯誼開始就要互相睇面色：邊個對邊個有興趣、我鍾意嗰個係咪鍾意我朋友等等。
由於聯誼人數多，可能性都好多，要同自己有興趣嘅異性不停傾計都唔容易，如同「勇士先能獲得美人歸」呢句說話。
聯誼個陣唔積極啲，最後散場可能得自己孤苦伶仃。
韓國男女點識？
3. 搭訕
街上、Cafe、酒吧等任何地方，韓國人見到心儀異性就會直接去傾計。
通常都係男仔主動，但會對呢個遊戲游刃有餘嘅男仔⋯⋯小編提醒大家要小心啲，對方極可能係高手。
彼此都唔認識嘅情況下，突然接近異性通常都會被拒絕，想搭訕成功，就要自然啲，因為唔係一件咁容易嘅事。
韓國男女點識？
4. Hunting Bar
Hunting Bar喺韓國非常盛行，江南、弘大、梨泰院等地方都有，係一個獵艷嘅地方。
通常都係兩個同性朋友一齊嚟，坐一枱，然後隨機搭訕異性，或者被別人搭訕，兩枱都心意嘅話，就會直接坐埋一齊。
大家可能會覺得好新潮，但其實喺韓國嚟得呢度嘅人都心照不宣，全部都係想識異性，所以出擊更快手。
來源：매일경제
喺Hunting Bar識嘅人，通常都唔會繼續聯絡或者見面，畢竟「打獵」都係滿足當下為主。
外貌符合喜好就算，實際上呢個人嘅性格極有可能同自己唔夾，所以通常見幾次面之後，繼續聯絡嘅機率好低。
即使知道，喺呢個場合識嘅人都諗緊咩，或者都係玩下，但仲有好有韓國人抱住「話唔定會遇到Mr. Right」「想玩得開心啲」嘅想法，撫慰自己嘅孤單感，去Hunting Bar打獵。
韓國男女點識？
5. 教會
同其他方式比，教會認識嘅異性唔止可以發展成戀人關係，都好有可能變成好親嘅朋友。
絕大多數韓國人都信奉基督教，會同屋企附近嘅教會保持密切關係。
大個之後離開屋企，仲想繼續每個星期返教會，好多人都會去朋友介紹嘅教會，一方面維持信仰，另一方面可以認識新朋友。
來源：가스펠투데이
不過比起信仰，小編都識一啲人都係以識其他女仔為目的而返教會。
以上係韓國男女認識嘅方法，大家如果有任何問題，歡迎喺下面留言畀我哋！
不過小編覺得似乎喺Hunting Bar同交友APP識異性嘅人入面，最多想曳曳嘅人……
✨馬上Follow我哋IG
instagram.com/creatrip.hk
| 其他延伸閱讀 | |
 韓國四大公共財 |  韓國情人節整理 |
