弘大上水美食推薦
帶你體驗唔一樣嘅弘大！弘大附近嘅「上水(상수)」必食好西合集
哈囉，大家好，我哋喺由韓國人話你知每日最新韓國資訊嘅Creatrip。
＃弘大美食＃上水
＃상수＃上水美食
今日要介紹，喺韓國人之間相當有人氣嘅上水站美食畀大家。
遠離吵鬧嘅弘大商圈，行去盡頭嘅上水站，會發現一啲特別嘅巷仔。
上水洞喺比較遲開發嘅地區，所以呢度充滿咗復古風，好似行過條馬路，就嚟到另一個世界嘅感覺。
✨點我追蹤我哋IG啦
instagram.com/creatrip.hk
弘大上水美食：1. KIMSATTO（김사또）
- 地址：서울 마포구 와우산로 39
- 時間：11:30至22:30；星期二休息
喺上水站1號出口嘅「KIMSATTO」，可以食到韓國靈魂飲食：炒年糕
呢度更加係炒年糕界出晒名嘅「KIMSATTO」總店，所以已經可以想像到會有幾咁好味。
上水美食「KIMSATTO」主打牛五花炒年糕，呢個部位喺牛腹肉，肌肉同脂肪夠均勻，所以食落唔肥又唔老。
食完炒年糕，記得留番啲quota食最後上嘅炒飯，將芝士灑喺飯上面，烤到金黃色後就食得㗎啦。
呢種味道會令你一試難忘，食到停唔到！
弘大上水美食：2. 熬夜烤肉（밤새우리）
- 地址：서울 마포구 독막로5길 28
- 時間：平日18:00至00:00；星期六17:00至00:00；星期日17:00至22:00
橫城嘅韓牛喺以好食又健康而聞名，而上水美食「熬夜烤肉」，就標榜咗會用橫城韓牛。
呢間餐廳唔單止上過好多電視節目，店入面仲貼滿咗藝人簽名照，可見人氣有幾勁啦。
一碟韓牛排好咗咁上枱，入面有韓牛唔同嘅部位，等大家可以每個部位都試到。
另外，仲有個好處喺一人一個火爐，可以一邊燒，一邊歎住食。
「熬夜烤肉」嘅韓牛燒起嚟有種與眾不同嘅風味。
除咗韓牛，仲有其他串燒，例如蔬菜、海鮮，同一般嘅肉串都有。
喺個可以食到唔同款美食，又有氣氛嘅餐廳。
弘大上水美食：3. 烤肉山（산더미 불고기）
- 地址：서울 마포구 어울마당로 47
- 時間：24小時全年無休
弘大上水美食「烤肉山」喺間上過各大節目、有好多分店嘅名店。
呢度開24小時，所以想幾時都去得。
間鋪好闊落，周不時都會見到韓國人喺度聚餐。
顧名思義，呢度鋪嘅主打餐點正喺同店名一樣嘅「烤肉山」。
烤牛肉堆到好似山咁高，睇到都流晒口水。
為咗可以保留肉汁，呢間鋪用咗個特製嘅韓式銅鍋。
鍋入面會放蔥絲、冬粉、牛肉同各種蔬菜一齊煮，夠晒鮮味。
烤肉山嘅小菜都好好食，配埋烤牛肉一齊食既話簡直係錦上添花！
想食到好似山一樣咁大碟嘅韓國代表飲食「烤牛肉」嘅話，就一定要嚟呢間位於上水嘅「烤肉山」啦～
弘大上水美食：4. 一點張（잇텐바리）
- 地址：서울 마포구 독막로7길 51 2F
- 時間：12:00至23:00
上水美食「一點張」喺一間日本拉麵專賣店，二樓嘅店面外觀，一根根細長嘅竹非常引人注目。
入到鋪頭，都可以見到各個角落都有竹做裝飾，喺一間非常獨特嘅餐廳。
餐具同醬料桶等用具都非常精緻，擺盤亦都好靚，畀人一種喺日本食拉麵嘅感覺，亦非常適合打卡。
日本拉麵大致分為醬油、鹽、味噌同辣醬油四種口味，而醬油同鹽拉麵，對韓國人嚟講喺最常見嘅。
店家主打餐點「一點張拉麵」就喺醬油豬肉豚骨拉麵，湯頭十分香鹹濃郁。
「一點張」最出名就係湯頭，夠晒濃郁，其次就一定要食佢嘅肉，夠厚又好食。
另外，明太子拌飯都相當有人氣，飯上面灑滿咗明太子，食每一啖都感受到明太子嘅口感，再配上拉麵湯頭嘅話簡直一流！
弘大上水美食：5. 吃壽司（스시가마시）
- 地址：서울 마포구 독막로 96
- 時間：11:30至22:00；星期日休息
呢間喺位於上水嘅美食店「吃壽司」，外觀精緻漂亮，白色嘅裝修襯上原木，仲有個畀人「偷睇」餐廳內部嘅窗XD
店入面放咗啲得意嘅擺設，同設計精美嘅menu。
所有食物更加喺由老闆親自製作，喺唔喺好值得期待呢？
如同店名「吃壽司」一樣，呢度可以食到日式壽司。
見到充滿光澤嘅海鮮，就可以知道呢度用啲材料夠晒新鮮。
份量啱啱好，可以用平實嘅價錢就食到飽一飽。
每份餐點都會附上一碗烏冬，烏冬入面還放左香噴噴嘅飯焦。
加埋美味嘅湯頭，喺個令人一試難忘嘅好滋味。
弘大上水美食：6. Hineko（히네꼬）
- 地址：서울 마포구 독막로15길 3-14
- 時間：11:30至22:00
大部分人對於日式餐廳，都有種又貴又唔可以成日去嘅想法。
但上水美食「Hineko」，喺平價又可以食到美味鐵板牛排嘅餐廳。
鋪頭整體以原木裝修，氣氛相當唔錯，店內空間亦都好闊。
Hineko嘅neko，喺日文入面喺貓嘅意思。
所以店入面充滿各種貓咪飾品，裝醬汁嘅碗都喺貓造型嘅，可以睇到老闆嘅用心。
個人推薦芝士炸彈漢堡肉，顧名思義就喺入面有好多「極邪惡」嘅芝士，用刀將漢堡肉切開，芝士就會喺肉到流晒出嚟！
隨餐仲會附上三角飯糰同放喺匙羹上嘅溫泉蛋添～
Hineko特別餐點之一嘅燒肉牛排，喺一款配上義粉食嘅牛排，非常特別。牛排更喺入口即溶，一啲都唔會輸畀啲高級餐廳。
弘大上水美食：7. Dafhe Restaurant（다페레스토랑）
- 地址：서울 마포구 독막로15길 3-12 2F
- 時間：11:00至22:30；第二同第四個星期一休息
「Dafhe Restaurant」喺一間好似搭飛機去咗印度、有獨特氛圍嘅上水美食。
店入面周圍都喺繽紛色彩同華麗圖案，令人一入嚟就會不自覺「哇」一聲。
呢度嘅咖哩喺由韓文講得非常好嘅印度及尼泊爾人煮嘅，所以可以食到當地嘅傳統味道。
套餐由濃湯到沙律、咖哩、印度烤雞、飯、印度薄餅，同最後嘅甜品，所有印度傳統食物都可以喺度食到。
大家對於印度烤雞可能比較陌生，印度烤雞喺將雞放喺加有香辛料嘅乳酪入面醃製，再送入火爐入面碳烤。
拉西就是印度常見嘅飲品，帶有乳酪味，酸酸甜甜。
咖哩有很多種，可以跟自己嘅喜好叫，亦有提供素食咖哩。
而且擺滿成張枱，唔單止賣相好睇，味道都好好食，推薦大家嚟上水一定要過嚟食下。
弘大上水美食：8. Urban Plant（어반플랜트）
- 地址：서울 마포구 독막로4길 3
- 時間：10:00至23:00
- 優惠：Creatrip會員享有消費九折優惠
位於合井、上水中間嘅餐廳「Urban Plant」，可以喺充滿綠色植物嘅環境中，品嘗好味嘅奄列同三文治。
呢度種植咗好多植物，好似個花園一樣，喺個非常適合relax下嘅地方。
Urban Plant用香氣迷人嘅植物做背景，不但好睇，心情都會因為呢啲綠色植物而輕鬆。
店入面用咗原木家俬，畀人喺每個角落，都可以好似屋企一樣咁舒服。
Urban Plant嘅brunch好出名！波菜奄列、Urban奄列同三文治係Urban Plant嘅經典菜式。
喺Urban Plant一邊欣賞充滿香氣嘅綠色植物，一邊品嘗奄列同三文治啦～
充滿各種氣氛、飲食同外國餐廳嘅上水站，希望帶畀大家一個唔同嘅弘大。
唔知大家鍾唔鍾意今次嘅分享呢？之後我哋都會繼續努力挖掘熱門區域附近嘅美食㗎！
✨點我追蹤我哋IG啦
instagram.com/creatrip.hk
| 其他延伸閱讀 | |
 合井咖啡廳推薦 |  Juno Hair預約 |
 東大門ddp夜市 |  弘大行程總整理 |
 合井美食總整理 |  梨泰院美食整理 |