弘大必做特色活動總整理
嚟弘大除咗行街shopping仲有咩可以做？2023最新弘大必做活動攻略！
Hello，大家好，我哋係由韓國人每日提供最新韓國旅行資訊嘅Creatrip。
嚟韓國旅行大家都一定會將弘大放落行程入面，但係到底呢度除咗行街仲有咩好做？記住睇埋落去啦！
弘大必做特色活動 | 做美容療程/Gel甲
1. H/H Beauty（투에이치뷰티）
- 地址：서울 마포구 양화로23길 22-10 301호
- 營業時間：星期二至五 11:00 - 21:00、星期六 11:00 - 17:00 （逢星期一、日休息）
- 小Tips：弘大入口站（홍대입구역）3號出口行3分鐘
大家都知道韓妹日日都會化妝，但係夾眼睫毛搽Mascara有時候都真係幾曬時間，所以好多韓妹都會定期去電/植眼睫毛。而位於弘大嘅「H/H Beauty」就係專門做韓式美睫療程嘅鋪頭，包你可以整到想要嘅效果。
「H/H Beauty」位於3樓，雖然店鋪唔算好大，但全白嘅裝修俾人一種好乾淨開揚嘅感覺。呢度每張床都有特別準備毛毯俾客人，非常細心。
完成療程之後，療程師仲會送一個睫毛刷俾大家，每日朝早夜晚用呢支刷梳理睫毛，就可以令效果更加持久。
透過我哋Creatrip預約，可以得到₩5,000優惠，千祈唔好錯過啦！
2. 麗延長（리엔장）
- 地址：서울 마포구 양화로 18길 3
- 營業時間：平日 10:00 - 20:00、星期六 10:00 - 18:00
- 小Tips：弘大入口站（홍대입구역）8號出口行1分鐘
韓國喺美容方面一直都好出名，當中「麗延長」有一team專業醫療團隊，加上用嘅係100%正品玻尿酸，大家可以做到高水準嘅微整形療程。
幫小編做療程嘅係一位韓國人醫生，佢會再次確認客人而家狀態如何，亦都會再仔細解釋一次療程步驟，令小編非常放心。當然現場都會有中文/英文翻譯，唔洗怕聽唔明白。
肉眼都可以睇到條法令紋淺咗好多，目前為止效果仍然維持得好好！
3. Hey Objet（헤이오브제）
- 地址：서울 마포구 동교로41길 3 2F
- 營業時間：平日 12:00 - 21:00
- 可預約時間：12:00 - 20:00
- 小Tips：弘大入口站（홍대입구역）3號出口行7分鐘
Hey Objet位於弘大入口站附近，整完Gel甲可以直接去行街同玩！
鋪頭裝修以白色為主調，加上墨綠色嘅傢俬，同外面環境好夾之餘俾人一種乾淨企理嘅感覺。
每款Gel甲都分別有自己嘅名同背後嘅故事，超特別！可以按照個人喜好揀最符合自己個性嘅Gel甲！
弘大必做特色活動 | Personal Colour診斷
1. DAMPPEUM個人色彩診斷（담쁨퍼스널컬러）
- 地址：서울 성동구 아차산로 54 3F
- 營業時間：10:45 - 20:00
- 小Tips：弘大入口站（홍대입구역）7號出口行3分鐘
韓國最近超興做Personal Colour Test（個人色彩診斷），透過搵出同我哋膚色最夾嘅顏色，改變自己衣著、化妝品、髮色等等去令成個人睇落更加亮麗動人！專家會透過你填寫嘅問卷同各種測試幫你判斷你屬於邊種色系，更加會推薦適合你嘅化妝品俾你！
「DAMPPEUM」嘅高級個人色彩診斷最特別嘅係會有埋體型、造型分析等等，你嘅Personal Colour俾人咩印象、啱著咩style、要點襯衫等等一次過都會話你知！
2. zinib color 個人色彩診斷（지니비컬러）
- 地址：서울 마포구 동교로 212-9 4F
- 營業時間：10:00 - 20:00
- 小Tips：弘大入口站（홍대입구역）3號出口行3分鐘
小編最近有關注開嘅韓國美妝YouTuber「Zini B」喺弘大自己開咗間Personal Colour工作室，提供個人色彩診斷服務同化妝班，等小編今日帶大家去睇吓啦！
老師已經獲得韓國化妝師牌照同個人色彩診斷牌照，而且因為佢本身係美妝YouTuber，所以喺呢方面會有更深一層嘅見解！嚟到可以一次過做Personal Colour診斷同上化妝班，而且仲有埋中文、英文翻譯人員，所以唔洗擔心溝通唔到！
弘大必做特色活動 | 影證件相、個人照
1. Sihyunhada （시현하다）
- 地址：서울 마포구 신촌로6길 23
- 營業時間：星期一、四至日 10:15 - 18:30（Lunch Break 15:00 - 16:15）[逢星期二、三休息]
- 小Tips：弘大入口站（홍대입구역）6號出口行2分鐘
「Sihyunhada」呢間影相鋪近幾年超受韓國年輕人歡迎，睇IG成日都會見到啲人po相，有好多韓國政治人物同韓星都有去影過！當中包括有李泳知、Red Velvet Yeri、MAMAMOO華莎、ASTRO、MeloMance 金珉碩同一班韓國著名YouTuber！
拍攝前可以透過揀最鍾意/能夠表達你嘅“形容詞卡”，令攝影師可以快速掌握你想要嘅風格！再透過詳細諮詢，瞭解個人風格同特色，影出最能夠代表你嘅個人照同證件相！而家只要喺我哋網站填寫評論，仲可以得到一張「Sihyunhada」人生四格免費使用券！
2. Time On Me Studio（타임온미스튜디오）
- 地址：서울 마포구 동교로 156-13 B1
- 營業時間：平日 10:00 - 17:00、星期六 10:00 - 16:00（星期日休息）
- 小Tips：弘大入口站（홍대입구역）1號出口行4分鐘
去韓國好多人都會想去影證件相，但一直都搵唔啱心水？「Time On Me Studio」係一件位於弘大嘅專業照相館，老闆攝影同修圖技術一流，包保大家一定可以影到一張滿意嘅證件相！
無論係為咗求職定用嚟紀念，喺呢度都可以影到滿足大家需求嘅證件相同韓系寫真相，而且價錢唔貴，CP值高！
影完相之後，大家可以同攝影師進行一對一揀相、修圖，攝影師會即刻反映客人需求進行修改，務求令大家可以得到一張超滿意嘅成品。而家透過我哋預約仲可以享有獨家優惠！
3. 我們洞內照相館（우리동네사진관）
- 地址：서울 마포구 양화로18안길 10 3F
- 營業時間：星期一至六 10:00 - 19:30、星期日 13:00 - 19:30
- 小Tips：弘大入口站（홍대입구역）8號出口行2分鐘
相信講起韓國證件相，好多朋友都會即刻諗起「我們洞內照相館」，而弘大分店更加係好多遊客嚟韓國玩嘅時候會選擇嘅證件相鋪。
一般嘅影相鋪都唔會提供妝髮服務，但係「我們洞內照相館」係呢方面非常專業，有常駐嘅專業造型師，可以俾客人喺呢到化完妝，set完頭之後再影一輯證件相。呢到亦都有提供免費恤衫同西裝外套，方便需要影正式求職照嘅朋友們。
影完相之後，可以同攝影師進行1對1修圖，就算P圖都唔會話好誇張，非常自然。有興趣嘅朋友們可以透過我哋預約，方便快捷！
4. Recorded（레코디드）
- 地址：서울 마포구 동교로 212-28 B1F
- 營業時間：星期一至五 13:00 - 21:00、星期六及日 11:00 - 21:00
- 小Tips：弘大入口站（홍대입구역）3號出口行2分鐘
「Recorded」主打唔會有令人覺得唔自在嘅攝影師、冇特定pose，亦都認為每個人唔係淨係得一款Personal Colour，希望可以令客人自由發揮，影出最自然、最似自己嘅個人照，展示出最動人魅力！
大家有10分鐘可以自己撳掣影相，之後就會有專人幫你P圖，成個流程只需要1個鐘頭就搞掂~
5. odt.mode（오디티모드）
弘大1號店
- 地址：서울 마포구 동교로 212-28 2F
- 營業時間：星期一至五 13:00 - 21:00、星期六及日 10:00 - 21:00
- 小Tips：弘大入口站（홍대입구역）3號出口行2分鐘
弘大2號店
- 地址：서울 마포구 양화로19길 22-20 2F
- 營業時間：12:00 - 20:00
- 小Tips：弘大入口站（홍대입구역）3號出口行1分鐘
專業自助照相館「odt.mode」喺韓國總共有17間分店，喺弘大就有2間！大家有20分鐘可以自由影，因為可以自己控制影相時間，所以無論係表情定pose都會比較自然。如果怕太單調，鋪頭仲有準備一啲道具俾大家！
6. Because Friends（비코즈프렌즈）
- 地址：서울 마포구 동교로27길 25 2F
- 營業時間：星期一、三至日 11:00 - 20:00（逢星期二休息）
- 小Tips：弘大入口站（홍대입구역）2號出口行4分鐘
「Because Friends」每間分店分別都有兩款主題可以揀，當中最受歡迎嘅係佢哋嘅招牌懷舊閣樓攝影棚！
呢度有提供各種拍攝道具，而且仲係自助拍攝，無論係自己去定同朋友、另一半一齊去，都可以影出最似自己嘅相！加上呢度嘅獨有色調，影出嚟張張都好似雜誌相咁！
弘大必做特色活動 | DIY體驗
1. Fla.B（플라비）
- 地址：서울 마포구 와우산로27길23 B1F
- 營業時間：13:00 - 21:00（Break Time 18:00 - 19:00）
- 小Tips：弘大入口站（홍대입구역）7號出口行7分鐘
「Fla.B」提供多種DIY體驗，大家可以親手整屬於自己嘅手鍊、項鍊、香水、香薰等等，雖然過程簡單，但非常有紀念價值。
小編當時就揀咗整香水同手鏈，所有材料都擺放得一目瞭然，而且職員都非常親切，成個體驗令人非常滿意。
成品係唔係好靚呢！就算冇咩藝術天分嘅朋友們都一樣可以整到，完全唔需要擔心！親手整嘅飾物同香水既實用又有紀念價值，無論係自用定送禮都一流~
2. 戒指大學（반지대학）
- 地址：서울 마포구 잔다리로 7 4F
- 營業時間：10:30 - 21:00
- 小Tips：弘大入口站（홍대입구역）9號出口行12分鐘
想有一個難忘回憶，有冇諗過去DIY整戒指呢？「戒指大學」係一間出名整DIY戒指嘅工坊，而弘大呢間係總店。
佢哋用嘅戒指全部都係99.99%高純度銀製戒指，唔少嚟韓國旅行嘅情侶都會喺度整返隻。
除咗情侶，大家仲可以同朋友、家人整返對戒指，或者自己嚟整都得啊！而且呢度仲有中文說明書，大家唔需要太擔心。想整返一隻獨一無二嘅戒指就嚟「戒指大學」啦！
3. 弘大戒指Cafe（홍대 반지 카페）
- 地址：서울 마포구 잔다리로6길40-6 3F
- 營業時間：11:00 - 21:00
- 小Tips：弘大入口站（홍대입구역）9號出口行8分鐘
「弘大戒指Cafe」係另一間喺弘大非常出名DIY整戒指嘅鋪頭，小編去嗰陣已經避開高峰時段，但都要等一陣先有位。雖然佢位置比較入，不過鋪頭入面都非常光猛，唔會覺得好翳焗。
比較危險嘅工序會由職員幫手，其他比較簡單嘅步驟就會由大家一手一腳完成。
呢度有超多種戒指款式可以揀，大家一定可以整到一款自己鍾意嘅戒指！透過我哋預約仲會有優惠，記住mark低啦！
4. Wetwood Studio（웯우드스튜디오）
- 地址：서울 서대문구 연희로5길 58 B1F
- 營業時間：11:00 - 23:00
- 小Tips：弘大入口站（홍대입구역）3號出口行16分鐘
位於弘大入口站附近，交通方便，體驗完之後仲可以喺附近行街同玩！製作材料來自廢棄傢俬同滑板等，夠曬環保！製作過程簡單，就算係第一次接觸木工都唔需要擔心。
嚟到韓國親手整戒指，超有紀念價值！整完之後仲可以喺Photo Zone影相，同摯愛一齊留低一個美好回憶！
5. VIC'S LAB KOREA（빅스랩코리아）
- 地址：서울 마포구 동교로 248-2 4F
- 營業時間：13:00 - 17:00
- 小Tips：弘大入口站（홍대입구역）3號出口行6分鐘
每個人皮膚狀況唔同，啱用嘅護膚品都唔一樣。「VIC'S LAB KOREA」就針對呢一點，等大家可以依照自己嘅需求，製作最啱自己嘅護膚品同化妝品。
而且佢哋用嘅係美國化妝品成分評分團體EWG評價中最高級嘅原料，大家都可以用得放心。
除咗爽膚水、精華等等嘅護膚品之外，仲可以整埋唇膏，可以自己溝出最鍾意嘅顏色，仲有得揀用邊款case，真係好好玩！
6. Rami Seoul皮革工藝工房（라미서울）
- 地址：서울 마포구 양화로8길 25-4
- 營業時間：14:00 - 22:00（Break Time 17:00 - 19:00）
- 小Tips：合井站（합정역）3號出口行2分鐘
講起DIY製作，點可以少得整皮革工藝啊！喺「Rami Seoul」，大家可以整返件皮製配飾，例如卡片套、Passport Case、AirPods殼、眼鏡盒等等，實用得嚟又時尚。
老師會詳細講解同協助大家，所以唔需要太擔心。
你仲可以係最終成品上面刻字，有幾款字體可以揀，製作出真正獨一無二嘅作品。有興趣就快啲預約啦！
7. PARFUM 9香水工房（파펌나인）
- 地址：서울 마포구 홍익로5길 25 2F
- 營業時間：12:00 - 21:00
- 小Tips：弘大入口站（홍대입구역）9號出口行5分鐘
「PARFUM 9」所有香味都係由高質歐洲進口香料調配而成，品質有保證！而且每款香調都有超多款香味選擇，大家可以根據自己個人喜好揀。
呢度嘅調香師經驗豐富，可以根據你想要嘅效果，幫你整出最滿意嘅香水！
整完之後會用禮物盒幫你包裝好，仲有Photo Zone可以影相留念！
弘大必做特色活動 | 開Party
1. Party Room Charlotte（파티룸샬롯）
- 地址：서울 마포구 동교로38길 42-5 3F
- 營業時間：24小時
- 小Tips：弘大入口站（홍대입구역）3號出口行5分鐘
好多韓國人都會喺生日、紀念日嚟「Party Room Charlotte」慶祝，更加有唔少人會租嚟搞Bridal Shower（新娘婚前派對），因為呢度嘅最大優點之一係會提供由高級婚紗鋪製作嘅裙俾大家影相嘅時候著！
除此之外，呢度仲另外會提供聖誕用品、公主道具、生日Party用品、燈飾、頭箍等等，更加有各種拍攝用品、妝髮用品、同餐具等，大家全部都可以自由使用！
弘大必做特色活動 | 睇展覽
1. T Factory（T 팩터리）
- 地址：서울 마포구 양화로144 1F
- 營業時間：星期一至四及週末 10:30 - 21:00、星期五 11:00 - 21:00
- 小Tips：弘大入口站（홍대입구역）9號出口行1分鐘
「T Factory」位於弘大入口站附近，係一個會定時舉辦展覽同活動嘅文化空間。
小編上次去嘅時候，咁啱睇到一個同宇宙有關嘅展覽，參觀人士就會好似去咗外太空咁，參觀外星人嘅居住空間。
而且仲有好多同宇宙有關嘅小測試同遊戲，互動性高，非常好玩。
不過呢度嘅展覽都只會喺限定時間舉辦，大家可以撳我瞭解最新展覽資訊！
2. KB青春庭院（KB청춘마루）
- 地址：서울 마포구 홍익로 18
- 營業時間：星期一至六 12:00 - 21:00、星期日 12:00 - 18:00
- 小Tips：弘大入口站（홍대입구역）9號出口行4分鐘
「KB青春庭院」亦都係一個舉辦各種展覽同表演嘅文化空間，而大部分嘅展覽同活動都係圍繞住「青春」呢個主題。
小編當時就睇咗一個叫「STAR:青春之光」嘅展覽，入面嘅燈光效果好靚，呈現出雖然呢個時期嘅人大部分都未真正尋找到目標，處於黑暗之中，但青春仍然係所有人展示最耀眼光芒嘅時候。
除此之外，仲有好多抽象嘅作品，令參觀人士可以發揮想像力，估吓每件作品嘅寓意。
不過同「T Factory」一樣，呢度嘅展覽都只會喺限定時間舉辦，大家可以撳我瞭解最新展覽資訊！
3. Coconut Box（코코넛박스）
- 地址：서울 마포구 홍익로3길 20
- 營業時間：11:00 - 22:00
弘大「Coconut Box」係一個以峇厘島做概念嘅體驗館，喺韓國超受歡迎。
入面有32間房同7個體驗館，嚟到可以放鬆身心，同時體驗各種展覽同活動，只要透過我哋預約，就可以盡情入去打卡！
鍾意影相嘅朋友們絕對唔可以錯過！
弘大必做特色活動 | 去動物Cafe
1. Table A（테이블에이）
- 地址：서울 마포구 와우산로 146 B1~ 3F, 5F
- 營業時間： 平日 13:50 - 19:30、週末 13:20 - 20:00 （最後入場時間為閂門前1小時）
- 小Tips：弘大入口站（홍대입구역）9號出口行10分鐘
「Table A 」係一間大型動物Cafe，總共有5層，每一層樓都可以見到唔同嘅小動物，鍾意動物嘅朋友們一定會玩得好開心。
除咗喺普通動物Cafe都可以見到嘅貓同狗，仲可以見到浣熊，同可愛嘅貓鼬！入到去就好似去咗一個小森林咁，好多綠色植物，各種小動物都喺度周圍走，甚至仲會聽到水嘅聲音同雀仔聲。
比起一間Cafe，呢度更加似一個可以同唔同小動物互動嘅動物園，透過我哋預約，仲可以平￦3,000，唔好錯過呢次機會啦！
2. Eden Meerkat Friends（에덴 미어캣 프렌즈 홍대점）
- 地址：서울 마포구 와우산로 21길 19-12 3F
- 營業時間：13:30 - 19:30（最後入場時間為18:30）
- 小Tips：弘大入口站（홍대입구역）9號出口行10分鐘
「Eden Meerkat Friends」係一間可以同可愛小動物互動嘅Cafe，同弘大校園好近，大家可以參觀完弘大過嚟玩。
喺呢度大家可以見到貓鼬、小袋鼠、狐狸、浣熊等等嘅小動物，全部都勁cute啊！
職員會細心同大家講解身上有咩物品一定要放低，亦都會話俾大家聽有咩要注意，記住要跟住職員指示行動，先可以盡情享受同小動物互動嘅時間！
Eden Meerkat Friends（弘大店）| 撳我預約
3. Thanks Nature Cafe（땡스네이쳐카페）
- 地址：서울 마포구 홍익로 10
- 營業時間：12:00 - 21:00
- 小Tips：弘大入口站（홍대입구역）9號出口行4分鐘
韓國有好多動物Cafe，而其中一間最出名嘅就係「Thanks Nature Cafe」呢間綿羊Cafe！老闆以前喺參觀江原道大關嶺牧羊場嘅時候萌生咗開綿羊Cafe嘅念頭，等客人可以係熱鬧嘅市中心享受好似去咗農場咁嘅寧靜悠閒感覺。
呢度嘅綿羊全部都好溫馴，大家可以餵佢哋之餘，仲可以摸佢哋同合照！而且Cafe非常闊落，裝修都好可愛，非常舒服。
話明係Cafe，就當然會有各種甜品同飲品，而且味道都好唔錯！鍾意綿羊嘅朋友們記住要mark實呢度，有機會一定要去吓！
弘大必做特色活動 | 落Club
1. Club nb2 Hongdae（클럽nb2 홍대）
- 地址：서울 마포구 와우산로 76-1
- 營業時間：21:00 - 6:00
- 小Tips：弘大入口站（홍대입구역）9號出口行11分鐘
Instagram: @nb2_club
「Club nb2」由1999年開始就非常受到韓國人歡迎，可以話係弘大最出名嘅Club之一！
Instagram: @nb2_club
大家都知道弘大係最多韓國年輕人聚集嘅地方，而呢間Club正正就位於弘大夜店街，嚟到韓國當然要感受吓呢度嘅夜生活啦！
Instagram: @nb2_club
而且「Club nb2」係YG Entertainment旗下嘅Club，裏面播嘅音樂都非常trendy，一開張就超多人幫襯，直至而家都超爆滿！
2. Club Dokkebi（클럽 도깨비）
- 地址：서울 마포구 와우산로71 B1F
- 營業時間：星期二至日 22:30 - 6:00
- 小Tips：弘大入口站（홍대입구역）9號出口行11分鐘
Instagram: @club_dokkebi
「Club Dokkebi」亦都係韓國年輕人去弘大嘅時候經常會去嘅Club，地理位置都非常方便。
Instagram: @club_dokkebi
入面設備齊全，仲有大屏幕同高級音響設備，包你玩得開心！
以上就係小編為大家整理嘅弘大必做特色活動，下次嚟弘大就唔洗淨係行街shopping啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk