AHC必買推薦

哈囉，大家好，尼到係由韓國人每日提供最新韓國旅行資訊既Creatrip。

＃AHC＃韓國美妝＃神仙水
＃韓國保養品＃韓國AHC

AHC係一間韓國出名既化妝品品牌

除左神仙水好出名之外，大家又知唔知AHC仲有咩化妝品係值得買呢？

今日就要為大家介紹韓國人經常買既AHC商品同推薦啦

✨點我追蹤我地IG啦

instagram.com/creatrip.hk

韓國AHC化妝品：1. AHC神仙水 (히아루로닉 토너)

建議售價：₩32,000

@ 韓國AHC官網

韓國AHC神仙水係一款能夠令皮膚補充水分既高保濕爽膚水

唔單止可以令皮膚變得水潤光滑，仲可以改善皮膚既角質問題添架！

另外，AHC神仙水中含有5種新鮮薄荷成分，可以令肌膚再有生氣同光澤

韓國同香港既冬天都好乾燥

皮膚係乾燥既天氣底下都會逐漸流失水分

係尼個時候就可以用韓國AHC神仙水補水啦！

@ 韓國AHC官網

大家可以將AHC神仙水沾濕化妝棉再擦上臉

或者倒係手上後再輕輕拍打上肌膚幫助吸收

小編每到冬天既時候臉都會變得好乾

去美容院既時候，美容院小姐都會幫小編擦上AHC神仙水

擦上之後會發現皮膚變得好水潤，而且一D黏膩或者緊既感覺都無

所以小編都忍唔住要買支返屋企守門口

韓國AHC化妝品：2. AHC高濃度安瓶精華有機純棉面膜-保濕補水 (순면마스크 트리플 히아루로닉)

建議售價：₩9,000

@ 韓國AHC官網

韓國AHC高濃度安瓶精華有機純棉面膜(保濕補水款)

呢款面膜韓妹都讚不絕口！

小編試用過一次，發現呢款面膜非常適合係皮膚出現暗倉既時候用，有舒緩同補充作用

敷既時候妹似整塊臉都塗滿蘆薈同面霜一樣咁水潤

有時要捱夜唔夠訓就會生暗倉：（

但只要訓之前敷AHC高濃度安瓶精華有機純棉面膜之後，隔幾日暗倉就會消失架啦

雖然好用，但價格可能會令人覺得有D負擔..

@ 韓國AHC官網

除左高濃度安瓶精華面膜之外，亦有提亮膚色款、緊緻去皺款等等都好出名架

聽講緊緻去皺款對於皮膚恢復彈力好有效添！

AHC咁多面膜中，純棉面膜既貼服性真係好勁

加上純棉材質，所以更加可以幫助肌膚吸收安瓶精華

韓國AHC化妝品：3. AHC全效全臉修復眼霜 (더 리얼 아이 크림 포 페이스)

建議售價：₩55,000

@ 韓國AHC官網

韓國AHC全效全臉修復眼霜可以話係國民眼霜

而且佢雖然係眼霜，但其實佢都可以擦全臉架！

韓國有名美妝節目《Get it beauty》曾經對各品牌眼霜產品進行測試

拎第一名既就係呢款韓國AHC全效全臉修復眼霜！

因為節目關係，佢瞬間變成韓國超有人氣既護膚品

節目播出之後，因為小編既好奇心忍唔住都買左支

點知...一用就愛上！到依家已經唔知用緊第幾支啦XD

小編屬於混合性肌膚，擦完之後覺得黑眼圈細左同埋真係有保濕效果

因為AHC全效全臉修復眼霜係一款營養成分非常高既產品

所以乾性肌膚既朋友可以擦全臉都可以

而油性肌膚既朋友就建議只擦有皺紋既部位有可以啦

韓國AHC化妝品：4. AHC 第五代全效眼霜 (더 퓨어 리얼 아이크림 포 페이스)

建議售價：₩58,000

@ 韓國韓國AHC官網

另外一個同全效全臉修護眼霜一樣有名既產品

就係韓國AHC第五代全效眼霜啦

如果覺得AHC全效全臉修護眼霜太滋潤既話

咁可以使下第五代全效眼霜

呢一款會比較偏清爽型眼霜

@ 韓國AHC官網

另外，聽講為左比敏感性肌膚既朋友都可以一齊使用

韓國AHC第五代全效修護眼霜裡面完全不含有害、刺激成分

所有用料都都對皮膚健康有幫助既營養成分

如果想要鎮定肌膚、維持肌膚良好狀況

可以試下韓國AHC第五代全效修護眼霜

呢款有D介於保濕面霜同眼霜中間既感覺，夠保濕同有鎖水作用

韓國AHC化妝品：5. AHC消炎鎮靜高保濕面霜 (인텐스 수딩밤)

建議售價：₩30,000

@ 韓國AHC官網

AHC消炎鎮靜高保濕面霜係一款非常適合係炎夏同寒冬使用既護膚品

佢係凝膠狀既保濕面膜，完全唔會有黏膩既感覺

亦唔會令肌膚覺得太有負擔而難以吸收，擦起黎會覺得清爽

消炎鎮靜高保濕面霜好適合係夏天用黎擦被曬傷既皮膚，令曬傷既皮膚鎮定落來黎

亦好適合係冬天乾燥既辦公室入面拎黎輕拍肌膚，等肌膚保持水分

@ 韓國AHC官網

小編既朋友用緊呢款保濕面霜，一般既保濕面膜擦無幾耐就會又變乾

但係佢話AHC既面霜保水感維持好耐

最重要既係呢個價錢，可以配上咁樣既效果！

所以真係一D都唔貴，而且十分推薦比大家

韓國AHC化妝品：6. AHC完美雙效遮瑕補色粉餅 (퍼펙트 듀얼 커버쿠션 글램 핑크)

建議售價：₩34,000

@ 韓國AHC官網

韓國AHC完美雙效遮瑕補色粉餅係一款可以令肌膚瞬間增加氣色既水潤氣墊粉餅

呢個粉餅係同遮瑕膏混合一齊，可以話買左佢，就唔洗再另買遮瑕膏啦

一打開粉餅盒就會先見到遮瑕膏，質地係膏狀輕輕一擦就好容易散開

遮瑕效果好到只擦薄薄一層就會令皮膚膚色瞬間亮左一度

雖然係膏狀，但擦完既感覺係好乾爽

而且遮瑕效果睇落去非常自然，如果擦係T字部位、下巴、臉頰既話，皮膚整體望落去會更明亮

下一層係以星星形狀既氣墊粉餅

氣墊粉餅可以令整個肌膚睇落去非常完美無瑕

而且仲會令皮膚散發出淡淡光澤感，而且好貼服！

@ 韓國AHC官網

呢款粉餅會偏白小小，如果希望膚色睇落去會自然小小既話，小編會推薦23號比大家

韓國AHC完美雙效遮瑕補色粉餅好適合皮膚偏暗、需要打亮皮膚既朋友

@ 韓國AHC官網

如果想搵高遮瑕力既化妝品，可以買韓國AHC完美雙效粉餅試下

體驗呢款具有高遮瑕力同水亮光澤而聞名既產品

韓國AHC化妝品：7. AHC膠原蛋白緊緻面膜 (프리미엄 피토 컴플렉스 마스크)

建議售價：₩45,000 (5入)

@ 韓國AHC官網

AHC膠原蛋白緊緻面膜係一款裡面含有大量膠原蛋白

敷完會感覺到肌膚變得非常水潤有彈性既面膜

而且面膜包裝既後面畫有一個溫度計

將面膜放入冰箱，等到溫度計變成綠色既時候

呢個時候用係最好架！（好神奇！）

@ 韓國AHC官網

呢款面膜質地係用天然棉花所做成

無論咩肌膚既朋友都可以安心使用

而且仲可以提升肌膚對於精華既吸收力

小編試用過後，發現敷完AHC膠原蛋白緊緻面膜既第二日

依然保持水潤感～ 非常推薦乾性肌膚既朋友使用

韓國AHC化妝品：8. AHC天然完美防曬棒(내추럴 퍼펙션 프레쉬 선스틱)

建議售價：₩30,000

@ 韓國AHC官網

防曬乳雖然唔係每日要擦，但相信一定有好多朋友都會覺得擦防曬乳係一件好麻煩既事

所以小編就要推薦呢款AHC天然完美防曬棒，比覺得擦防曬乳好麻煩既朋友

天然完美防曬棒既優點係擦起黎唔會黏膩，反而非常清爽

而且面積好寬，所以可以好輕鬆咁均勻擦上全臉

@ 韓國AHC官網

AHC天然完美防曬棒能夠係短時間內就發揮隔絕紫外線既效果

好適合係夏天隨身攜帶，亦好適合係玩水既時候隨時隨地補擦

這款仲有一個優點係，即使擦在已經化妝既臉上

妝容都唔會花亦唔會被推開

係唔係覺得好好同方便呢！

@ 韓國AHC官網

今日推薦左八款AHC必買化妝品比大家

其實除左今日推薦既產品以外，AHC仲有好多有名產品

例如AHC天然完美保濕精華防曬乳、AHC365紅色精華等

不過呢八款係韓國真係超有人氣產品

大家不妨相信韓國人既眼光，可以去AHC買呢D產品返去試下

如果對於韓國化妝品有任何問題既話，歡迎留言比我們

✨點我追蹤我地IG啦的

instagram.com/creatrip.hk

其他延伸閱讀
梨大購物懶人包	南大門市場探訪
弘大早餐推薦	行李託運半價中
首爾主義咖啡廳	首爾夜貓子夜市

1. AHC明洞店：서울 중구 충무로2가 명동8가길 20

3. AHC梨大店：서울 서대문구 대현동 56-51