Hello，大家好，我哋係由韓國人每日提供最新韓國旅行資訊嘅Creatrip。
延南洞位於大家經常會去嘅弘大隔離，呢度有好多好有特色嘅餐廳同Cafe，而小編今日想介紹嘅呢間「貓頭鷹山莊」就係一間提供韓國菜+韓國傳統酒嘅新興聚餐場地，而家透過Creatrip仲可以預約到獨家套餐，仲會送一支酒，大家記住唔好錯過啦！
撳我睇Menu&預約詳情👇🏻
- 地址：서울 마포구 연희로1길 30-4
- 營業時間：
- 星期一至五 15:30-24:30
- 星期六及日 11:30-24:30
位於弘大入口站步行5分鐘距離嘅「貓頭鷹山莊（延南店）」係一間韓式Casual Dining餐廳，因為餐點夠高質而且氣氛好，唔少韓國年輕人都會同朋友嚟度聚會！
而家透過Creatrip可以預約到獨家午市同晚市套餐，每樣韓式料理都會配一款酒，鍾意一邊食飯一邊小酌一杯嘅朋友們記住唔好錯過啦！
首先午市套餐有4款菜式，分別係辣椒肉醬脆片拼盤、什錦煎餅、泡菜豆腐白切肉、同蘇子油蕎麥麵配燒排骨。
貓頭鷹雞尾酒 & 辣椒肉醬脆片拼盤
韓式脆片係喺各種食材上面搽上糯米粉漿然後炸成嘅小食，非常香口，配上特製辣椒肉醬更加惹味！而貓頭鷹雞尾酒味道酸酸地夠清新，做開胃菜一流！
貓頭鷹米酒 & 什錦煎餅
下一款菜式係什錦煎餅，入面包括有煎肉餅、紫蘇葉煎餅、煎豆腐同翠玉瓜，煎餅外層煎到金黃色，可以食到各種食材嘅原汁原味。通常韓國人時煎餅都會配韓國傳統米酒，而「貓頭鷹山莊」嘅米酒入口順滑，味道甜甜地仲有少少氣泡感，相當解膩！
安東燒酒21 & 泡菜豆腐白切肉
下一款菜式係由清淡豆腐加上油脂豐富嘅五花肉，再配埋酸辣泡菜，推薦大家一定要三樣食材一齊食，味道同口感都會更上一層樓！而配嘅安東燒酒21采用百分百韓國大米同地下岩盤礦泉水製成嘅蒸餾酒，同一般燒酒相比更加容易入口同冇咁刺激。
白蓮清酒 & 蘇子油蕎麥麵配燒排骨
最後主食係蘇子油蕎麥麵配燒排骨，蕎麥麵係用蘇子油調味，味道非常香，加埋甜甜鹹鹹嘅豬排骨肉，係韓國人最愛嘅配搭！而白蓮清酒就係用白蓮花葉同白米釀造而成，帶少少酸味，非常清新，可以為一餐畫上完美句號~
而晚市套餐有5款菜式，分別係午市套餐都有嘅辣椒肉醬脆片拼盤、什錦煎餅同泡菜豆腐白切肉，仲有炙燒雞脾肉、同花蟹辣燉雞湯配紫菜包飯煎餅。
貓頭鷹雞尾酒 & 辣椒肉醬脆片拼盤
貓頭鷹米酒 & 什錦煎餅
同午市唔同嘅係什錦煎餅入面多咗鮮蝦煎餅，蝦肉夠新鮮彈牙，配埋外層香口蛋漿味道一流。
福順都家米酒 & 炙燒雞脾肉
呢款炙燒雞脾肉調味比較辣，如果唔食得辣嘅話可以點醬同檸檬汁中和返。而福順都家米酒係韓國其中一個一直都好受歡迎嘅傳統米酒品牌，比起普通米酒更加清新同甜，仲可以飲到穀物同微微嘅果實香，非常有魅力。
安東燒酒40 & 泡菜豆腐白切肉
泡菜豆腐白切肉午市套餐都有，不過晚市套餐配嘅安東燒酒度數更加高！小編一開始都擔心度數太高會唔會好難入口或者太苦，不過飲落唔似酒精有成40度咁高嘅酒，而且反而仲更加甜！
秫清酒 & 花蟹辣燉雞湯配紫菜包飯煎餅
最後主食係有花蟹辣燉雞湯同紫菜包飯煎餅，花蟹辣燉雞湯調味香辣，而且無論係蟹定雞都啖啖肉；紫菜包飯煎餅就係一味好少外國人會食過嘅韓國料理，其實就係紫菜包飯點蛋漿煎，雖然好簡單不過夠warm夠滿足！而配嘅秫清酒完全無人工調味料同添加劑，酸酸甜甜帶有果實香，同菜式好夾。
豬腸辣燉雞湯
「貓頭鷹山莊」延南店另外都仲有可以單叫嘅韓式料理，例如呢款豬腸辣燉雞湯就係用呢度嘅秘製調味炮製而成，分量夠多之餘味道香辣惹味，做下酒菜或者正餐都一流！
炙燒香辣魷魚
呢款魷魚同樣非常惹味，推薦大家用紫蘇葉包住食，加少少沙律醬仲可以中和返辣味。
芝士薯仔絲煎餅
芝士薯仔絲煎餅係「貓頭鷹山莊」嘅招牌菜，睇落好似一大塊薯餅咁，一剪開就有勁多芝士流出嚟，超邪惡XD
懷舊多士
最後一定唔少得要叫埋呢款多士做甜品，雖然做法同食材非常簡單，不過的確係以前食過嘅味道，男女老少都會鍾意！
如果大家平時都鍾意飲返兩杯，又想食高質韓國菜，非常推薦大家嚟「貓頭鷹山莊」延南店！
弘大入口站（홍대입구역）3號出口出。
直行。
向右邊行。
去到上圖轉右行入巷仔。
直行。
行到盡頭之後轉左。
直行。
轉入右邊小路。
直行。
「貓頭鷹山莊（延南店）」會喺你嘅右邊！
撳我預約👇🏻
以上係弘大美食「貓頭鷹山莊（延南店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
