韓國必食五大炸雞連鎖店
韓國超人氣五大炸雞連鎖店，人氣Menu大合集!
Hello！大家好～我哋係由韓國人每日提供最新韓國旅遊資訊嘅Creatrip！
大家應該都鍾意食炸雞啦?
如果嚟韓國玩嘅話，就更加唔可以錯過韓國炸雞店～～
尤其係韓國橋村炸雞!! 呢間鋪嘅人氣一直都係No.1！
每個嚟到韓國的朋友都說消夜一定要點橋村炸雞來吃～
不過除咗橋村呢間人氣王之外，
其實仲有好多其他必食嘅韓國炸雞店～
而家就帶大家探索韓國人一定會食嘅韓國炸雞連鎖店嘅人氣炸雞!
並且向大家介紹呢五間韓國炸雞連鎖店嘅人氣Menu～
等大家食炸雞個陣知道食咩味最好啦!
GOGOGO!!
＜在閱讀呢篇之前，都可以先睇睇呢啲關於韓國美食嘅文章＞
【韓國美食】韓國首爾旅遊必吃！首爾美食TOP10！2018年最新攻略～
【首爾新村美食】 ！！新村隱藏版美食特輯來啦！！就讓梨大生小編來告訴大家 ♥（內含價格、後記、地點）
【首爾明洞美食】 在明洞逛街並享用美食吧！小肥牛肉片與小章魚的相遇，肥牛辣章魚明洞店食記！
【江南美食餐廳】 !2018年最新! 位於首爾熱門地區江南的美食餐廳！！（江南站美食餐廳TOP5）
【首爾美食推薦】 挑戰!! 韓國旅遊達人才會去的，傳說中的首爾隱藏美食餐廳總整理 (2017年)
【韓國明洞】2018年最新明洞街頭小吃！明洞一定要吃的街頭小吃總整理！
【韓國飯卷】最近韓國的紫菜飯卷變得不一樣了! 來到韓國一定要吃的紫菜飯卷四大天王(內有菜單!)
【韓國首爾:景福宮】來去景福宮附近的西村旅遊吧！西村景點、美食、購物~2018年必去！
韓國美食/韓國炸雞1. 橋村炸雞（교촌치킨）
首先要介紹嘅梗係我哋嘅韓國炸雞人氣王！橋村炸雞啦～～～
點降呢間橋村炸雞會咁出名呢？
其實佢係一間打破咗韓國人對韓國炸雞固有認識嘅炸雞店
你以為韓國炸雞嘅話，只有原味炸雞加埋醬料?當然唔係啦!
韓國炸雞嘅革命——豉油炸雞嘅代表連鎖店，就係起源於橋村炸雞！
▲ 橋村炸雞 元祖豉油炸雞 (15,000韓幣)
將豉油完美又豐富嘅味道呈現到極致嘅元祖豉油炸雞，
係橋村炸雞嘅代表之一!
唔單止係將豉油淋喺原味炸雞上面，
而係用豉油將成隻炸雞整得好入味，完全將豉油嘅香甜鎖喺成隻炸雞入面。
如果要食橋村炸雞嘅話，點可以唔叫呢個元祖口味呢!!
▲ 橋村炸雞 辣味雞翼+雞脾組合(18,000韓幣)
另外，食橋村炸雞嘅時候想試下辣味嘅話，
就可以揀食辣味嘅元祖全雞合辣味雞翼+雞脾。
▲ 橋村炸雞 香脆無骨雞 (18,000韓幣)
除此之外，甜嘅蜜糖全雞同灑上米嘅香脆無骨雞，都係橋村炸雞嘅人氣餐點！
事實上橋村炸雞提供好多款唔同口味嘅炸雞，
想試下新口味嘅話，去食下橋村炸雞都係個唔錯嘅選擇！
上面介紹嘅三個口味，其實係喺橋村炸雞非常有人氣嘅口味
不過當然，鍾意試唔同味嘅朋友，可以叫下其他特別口味食下㗎!
▶韓國美食/韓國炸雞1. 橋村炸雞（교촌치킨） 菜單
！以下列出幾個觀光景點嘅橋村炸雞分店畀大家參考！
韓國美食/韓國炸雞1. 橋村炸雞（교촌치킨） 弘大店: 서울 마포구 양화로16길 6
韓國美食/韓國炸雞1. 橋村炸雞（교촌치킨） 新村店:서울 서대문구 명물길 21
韓國美食/韓國炸雞2. NeNe炸雞 （네네치킨）
酥脆嘅韓國炸雞配埋香甜嘅起司，有冇食過呢種味道呢？
炸雞本身嘅酥脆口感上，
加埋甜蜜又濃厚嘅芝士味係韓國炸雞連鎖店NeNe炸雞嘅代表作~
▲ nene snow炸雞 (17,000韓幣)
呢一款炸雞上面，灑滿咗好似雪花咁又香又濃嘅芝士粉，
呢個就係NeNe炸雞嘅代表Menu~
濃厚嘅芝士香味，絕對會令鍾意芝士嘅朋友「失去理智」，
食完仲會想再食！
▲ NeNe 黃辣醬炸雞 (17,000韓幣)
另外，唔會油膩嘅洋蔥加埋芝士混埋一齊嘅黃辣醬炸雞係NeNe炸雞特有嘅口味~
奶味同辣味結合一齊嘅味道非常有趣又好食
▲ NeNe hot bling炸雞 (17,000韓幣)
仲有啊，如果想食好幾種口味嘅話，呢度有一次過食到三種口味嘅組合Menu可以揀。
想食到炸雞酥脆嘅口感，一定要嚟NeNe炸雞感受一下啦~
▶韓國美食/韓國炸雞2. NeNe炸雞 （네네치킨） 菜單
！以下列出幾個觀光景點NeNe炸雞分店畀大家參考！
韓國美食/韓國炸雞2. NeNe炸雞 （네네치킨） 梨大店: 서울특별시 서대문구 대현동 104-55
韓國美食/韓國炸雞2. NeNe炸雞 （네네치킨）弘大站店 地址：서울 마포구 동교로 192
韓國美食/韓國炸雞3. goobne炸雞 （굽네치킨）
呢度嘅炸雞，唔經過油炸，而係用焗嘅，係與眾不同嘅炸雞。
顛覆咗一般炸雞一定要用油炸嘅觀感，
拋開油膩嘅感覺，食落更健康嘅goobne炸雞~
▲ goobne 原味系列(15,000韓幣）
goobne原味炸雞唔係用油炸，而係用焗爐焗出嚟，
味道清淡爽口，成功留住好多人嘅胃，一叫再叫，係goobne炸雞嘅代表Menu。
▲ goobne 排骨天王系列(17,000韓幣)
除此之外，goobne炸雞嘅呢一款排骨天王，
有韓國傳統排骨嘅味道！
香濃又好食嘅醬汁，加埋焗到啱啱好嘅雞肉，
真係好好食!!
▲ goobne 超辣BBQ系列 (19,000韓幣)
想挑戰無敵辣味嘅話，呢度都有個超辣系列畀你揀㗎 !
想要試下健康又好味嘅炸雞的話，就嚟goobne炸雞啦~
▶韓國美食/韓國炸雞3. goobne炸雞 （굽네치킨） 菜單
！以下列出幾個觀光景點goodbne炸雞分店畀大家參考！
韓國美食/韓國炸雞3. goobne炸雞 （굽네치킨） 忠武路店: 서울특별시 중구 충무로4가 120-3
韓國美食/韓國炸雞3. goobne炸雞 （굽네치킨）新村店 地址：서울특별시 서대문구 연세로 42-32
韓國美食/韓國炸雞 4. BBQ炸雞 (BBQ 치킨)
bbq炸雞喺韓國都算係相當有知名度嘅連鎖炸雞店，
小編住嘅地方附近就有兩間，所以有時都會叫呢間嘅外賣。
@BBQ_INS
BBQ除了招牌嘅炸雞之外，都有烤雞，
而BBQ炸雞嘅雞肉食落真係唔錯～
唔會乾同柴，雞皮又炸得好酥脆。
就算係外賣都唔會變得難食，
小編諗: 如果係堂食，即炸即食一家更加好食~!
▶韓國美食/韓國炸雞 4. BBQ炸雞 (BBQ 치킨) 菜單
＜以下列出幾個觀光景點附近嘅BBQ炸雞分店資訊＞
韓國美食/韓國炸雞 4. BBQ炸雞 (BBQ 치킨)鐘路本店 (BBQ치킨 종로본점) <韓劇 - 鬼怪 拍攝場景> 地址：서울 종로구 청계천로 81
韓國美食/韓國炸雞 4. BBQ炸雞 (BBQ 치킨) 弘大站店 (BBQ치킨 홍대역점) 地址：서울 마포구 연희로 3
韓國美食/韓國炸雞 4. BBQ炸雞 (BBQ 치킨) 汝矣島站店 (BBQ치킨 여의도역점) 地址：서울특별시 영등포구 국제금융로6길 30 백상빌딩
韓國美食/韓國炸雞 5. TwoTwo炸雞 （둘둘치킨)
@https://blog.naver.com/loverwo/10042919809
最後一間要介紹嘅係twotwo(22)炸雞。
印象中twotwo炸雞嘅分店都好近觀光區，
淨係明洞就有兩間。
所以嚟韓國旅行想食炸雞，又唔方便叫外賣嘅話，
可以搵下酒店或者民宿附近有冇twotwo或者其他炸雞嘅分店㗎!
@https://blog.naver.com/munee821/221262795899
TwoTwo已經有30年以上嘅歷史，
比起華麗又多元化嘅口味，TwoTwo嘅料理方式比較傳統，
口味上冇咩大變化，
不過好適合鍾意食原味炸雞嘅人！
▶韓國美食/韓國炸雞 5. TwoTwo炸雞 （둘둘치킨) 菜單
韓國美食/韓國炸雞 5. TwoTwo炸雞 （둘둘치킨) 明洞本店 (명동본점) 地址 : 서울 중구 남산동2가 10-1 대동빌딩 지하
韓國美食/韓國炸雞 5. TwoTwo炸雞 （둘둘치킨) 明洞2號店 (명동2호점) 地址 : 서울 중구 명동1가 41-2
韓國美食/韓國炸雞 5. TwoTwo炸雞 （둘둘치킨) 合井站店 (합정역점) 地址 : 서울 마포구 양화로7길 6-4
今日介紹咗人氣最旺嘅五大韓國炸雞連鎖店
尤其第一名嘅橋村炸雞相信大家都有聽過！
但係可能大家去食呢啲人氣韓國炸雞店個陣，
可能都會唔知要叫邊一款先只食到最受歡迎最好食個款。
大家其實只要記住今日整理咗嘅各大人氣款式，
嚟韓國玩就可以好似韓國人一樣食到好食嘅韓國炸雞啦~~
喺咁多款炸雞入面揀自己想食嘅口味，一齊嚟征服韓國炸雞啦！！！！
