Hello，大家好，我哋係由韓國人每日提供最新韓國旅行資訊嘅Creatrip。
著住韓服去韓國傳統宮殿影相打卡，應該係好多朋友嚟韓國玩嘅必做行程之一。今日小編嚟到為著名韓國電視劇提供韓服嘅韓服專門店「藝仁房」，呢度有超多傳統同高級韓服，連大長今韓服都有！如果你都想化身成為韓劇主角，真係非常推薦大家嚟「藝仁房」！
撳我睇價錢&預約資訊👇🏻
昌德宮韓服「藝仁房」資訊
- 地址：서울 종로구 삼일대로32길 55-3
- 營業時間：09:00 - 21:00
昌德宮韓服「藝仁房」參考圖片
高級韓服（女）
傳統韓服
古裝劇韓服（女）
宮女
步步公主
於乙宇同
美人圖
大長今
高級王妃
古裝劇韓服（男）
武士
高級龍袍
王后傘下
貴族韓服（女）
貴族韓服（男）
女士圓衫
女士圓衫專用髮型(需於現場付款)
左邊髮型 - ₩30,000
右邊髮型 - ₩50,000
撳我預約👇🏻
昌德宮韓服「藝仁房」介紹
今日小編去咗昌德宮附近嘅「藝仁房」，呢度嘅韓服全部都係由專業韓服師傅手工製作，夠曬高質！
鋪頭入面貼滿「藝仁房」有參與過嘅韓國古裝劇海報，老闆更加參加過法國巴黎韓服Fashion Show！
入到鋪頭之後會見到超多韓服，無論係男士、女士定小朋友韓服都有！因爲係由專業設計師製作嘅韓服，所以剪裁夠靚，而且設計都好detail！
通常男士們韓服選擇都唔多，不過「藝仁房」比起其他韓服鋪頭有提供更加多嘅款式，韓國古裝劇成日都會見到嘅武士韓服，甚至係龍袍都有！
如果係一家大細嚟旅行，仲可以幫埋小朋友租返套韓服，一齊影返輯韓服相留念！
呢度仲有各種手袋同韓國傳統吊飾，色彩繽紛之餘同韓服夠襯，而且仲有好多款可以揀！
出示預約記錄之後，老闆就會同大家一齊揀衫！今日小編總共會著3套漢服，包括步步公主韓服、大長今韓服同高級韓服，另外小編朋友仲會著埋高級王妃漢服。小編同老闆講話想著天藍色嘅韓服，老闆就即刻幫小編搵到一套超啱薪水嘅步步公主韓服！
換衫嘅時候老闆會幫大家，「藝仁房」提供嘅內襯裙唔係鋼圈襯裙，而係蓬蓬裙，所以蓬鬆得嚟唔會太誇張或者太假，而且因為布料夠靚，所以著上身唔會覺得刮！
大家記住貴重物品同鞋等等嘅個人物品要放落儲物櫃，冇擺落去嘅話整唔見咗鋪頭唔會負任何責任！
步步公主韓服本身包髮飾，set頭之前小編朋友show咗幾張韓劇女主角參考圖俾老闆睇，之後老闆就用花同蕾絲髮飾幫小編朋友set咗個頭，同套衫好襯！
「藝仁房」位於昌慶宮附近，推薦大家租完韓服之後行去昌慶宮參觀同影相打卡！小編同朋友去嘅時候天氣好好，而且四周圍都開滿花，加上韓服本身色調夠靚夠sharp，就算齋用手機鏡頭影都好上鏡！
平時大家都會去景福宮影韓服相，雖然靚係靚，但係唯一缺點係人太多... 不過昌慶宮相對嚟講人比較少，大家可以慢慢影，留低美好回憶！
'步步公主'韓服係高麗時代嘅韓服設計，其他韓服鋪好少見，非常推薦大家租呢款！
小編第二套著嘅係大名鼎鼎嘅大長今韓服！大長今韓服包盤髮假髮、帽同藥筒，齋睇上半身都已經覺得還原度十足！
小編睇返啲相都嚇親，因為「藝仁房」幫唔少韓劇製作過韓服，所以款式真係同韓劇入面嘅一模一樣！
同樣係大長今韓服，不過根據職位款式會唔同，真係好似行咗入《大長今》入面咁！如果大家都想著到好似韓國古裝劇主角咁影返輯相，推薦大家租古裝劇韓服（男裝女裝都有）！
小編最後著嘅係'高級韓服'，而小編朋友就揀咗'高級王妃'韓服。小編最滿意嘅地方係老闆會根據你著邊款韓服幫你設計髮型，如果一次過租幾套韓服仲會幫你轉髮型，相當貼心！
換好衫之後小編同朋友就轉移陣地去昌德宮影相，小編朋友身上呢套'高級王妃'韓服同韓劇《王后傘下》女主角套韓服一模一樣，大家可以學女主角擔住把遮影相！
而'高級韓服'就係傳統韓服嘅進階版，更加華麗同高級。因為韓服本身顏色好鮮艷，所以點影都夠靚！
喺昌德宮影相嘅時候有好多遊客都讚小編同朋友套韓服靚，仲問小編喺邊度租XD 如果大家都想租返套高質韓服，或者想模仿韓劇主角，推薦大家去「藝仁房」！
昌德宮韓服「藝仁房」前往方法
鐘路3街站（종로3가역）6號出口出。
向出口反方向行。
轉入第一個轉角位。
直行。
繼續直行。
轉左。
上圖呢棟建築物就係「藝仁房」啦！
撳我預約👇🏻
以上係昌德宮韓服「藝仁房」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
