Hello，大家好，我哋係由韓國人每日提供最新韓國旅行資訊嘅Creatrip。
講起韓國當然唔少得K-POP，好多人都會專程嚟韓國睇演唱會！今日要介紹嘅呢個兩日一夜行程除咗會帶大家玩轉釜山、慶州同浦項，仲會去埋睇釜山One Asia Festival演唱會，唔好錯過呢個可以近距離見到偶像嘅機會啦！
「BOF 2日1夜之旅」資訊
- 舉辦日期：2023年10月21日（星期六） - 2023年10月22日（星期日）
- 行程時間：07:00 - 翌日 17:00
「BOF 2日1夜之旅」推薦原因
- 2日1夜之內可以去釜山、慶州、浦項3個城市旅行，仲可以睇埋K-POP演唱會！
- 可以近距離睇到人氣偶像表演！
- 帶你參觀海雲台，東宮與月池、Space Walk等韓國著名景點！
- 表演嘉賓：ZEROBASEONE、NCT 127、OH MY GIRL、LEE CHAE YEON、THE WIND、BAE173、XODIAC、CLASS:y、TREASURE、HIGHLIGHT
「BOF 2日1夜之旅」價錢
1人 | ₩100,000 |
「BOF 2日1夜之旅」行程表
第一日
07:00 | 弘大入口站8號出口集合 |
07:30 | 東大門歷史文化公園站4號出口對面馬路集合 |
08:10 | 綜合運動場站1號出口集合 |
13:30 ~ 14:30 | 海雲台海理團路 |
14:30 ~ 15:30 | 海雲台Blueline Park（青沙浦徒步之旅） |
16:00 ~ 17:00 | BIFF廣場 |
17:30 ~ 21:00 | BOF演唱會 |
21:30 | 前往慶州 |
22:00 | 酒店Check-in & 休息（慶州思潮度假村） |
第二日
08:00 | 韓式自助早餐（價值₩30,000） |
09:00 | 酒店Check-out |
09:30 ~ 10:30 | 東宮與月池（雁鴨池） |
10:30 ~ 11:30 | 瞻星臺&大陵苑（自由參觀） |
11:30 ~ 12:30 | 午餐 |
12:30 ~ 13:30 | 皇理團路（自由時間） |
14:30 ~ 15:30 | Space Walk |
16:00 ~ 17:00 | 《海岸村恰恰恰》拍攝場地 |
17:00 | 返回首爾 |
「BOF 2日1夜之旅」注意事項
- 請最少喺2日前完成預約。
- 每人只限預約1人。
- 門票售出後唔可以轉讓或退款，絕對唔可以買完再轉賣俾其他人。
- 本商品只限年滿19歲或以上人士使用（i.e. 2004年10月21日前出生人士）。
- 價錢包括來回交通、住宿費、韓文/中文/英文導遊服務、景點入場費、釜山BOF演唱會門票、第二日早餐及午餐。
- 價錢唔包括除第二日早餐及午餐外其他餐飲費用、旅遊保險及所有個人開支。
- 你需要參與所有行程，唔可以淨係攞演唱會門票。
- 巴士只會喺指定位置等候，唔可以另外指定其他上車位置。
- 主辦單位可能會更改座位或者表演順序等安排，除非主辦單位主動提出可以取消/退款，否則恕不受理因上述安排有改動而申請嘅退款。
- 頒獎典禮開始後唔可以再次入場。
- 本商品為外國人專用入場券，需要出示護照或外國人登錄證方可領取。
- 如攜帶三腳架、大型相機，你有可能會被禁止入場。
- 行程可能會根據當地狀況而有所變動。
- 住宿房型為4人房（如果1個人參加，需要同其他人士共用房間），房間會根據性別隨機分配，男同女唔可以住同一間房。
- 如果想同朋友住同一間房，請send email去help@creatrip.com通知我哋，我哋會盡量幫你安排。
- 如果你決定唔跟團住酒店，我哋亦唔會退還住宿費用。
- 如果因為指定酒店出現突發狀況，住宿將會換成另一間同等級酒店。
- 如有任何疑問，請send email到help@creatrip.com查詢。
「BOF 2日1夜之旅」預約流程
STEP 1. | |
STEP 2. | 請詳細輸入所有相關資訊及支付所有費用。 （售出後唔可以取消及退款） |
STEP 3. | 請提前10分鐘到達出發地點。 07:00 弘大入口站8號出口
07:30 東大門歷史文化公園站4號出口對面馬路
08:10 綜合運動場站1號出口  |
STEP 4. | 出發 |
「BOF 2日1夜之旅」介紹
海雲台海理團路
位於海雲台嘅「海理團路」係釜山最近新興嘅旅遊景點，大家可以喺度搵到好多文青小店，仲有各種靚靚Cafe，啱曬去厭沙灘玩嘅你！
海雲台Blueline Park（青沙浦徒步之旅）
「海雲台Blueline Park」由舊時火車鐵軌改建而成，全長4.8公里，平時大家去釜山都會搭嘅膠囊列車就係喺呢度出發㗎啦！大家可以沿住海邊散步，呼吸新鮮空氣，享受悠閒時光。
BIFF廣場
「BIFF廣場」係釜山國際電影節發源地，係其中一個釜山必去景點之一。大家喺度可以一次過去埋富平罐頭市場同國際市場，試盡韓國街頭小食，仲可以用超平價錢買返啲釜山特產返屋企！
BOF演唱會
「釜山 BOF（One Asia Festival）」係每年都受到萬眾矚目嘅K-POP盛事之一，今年將會喺可以容納60,000位觀眾嘅釜山亞運會主體育場舉辦，相信一定會好熱鬧！
呢個係今年演唱會嘅座位表，透過我哋預約嘅話可以坐到A3-6,7 / B3-5,6（上圖紅框位置、座位將隨機安排），近距離睇到偶像表演！
暫時已經確定會出席嘅歌手有NCT 127、ZEROBASEONE、OH MY GIRL、LEE CHAE YEON、THE WIND、BAE 173、 XODIAC、CLASS:y、TREASURE同HIGHLIGHT，真係好令人期待啊！
東宮與月池（雁鴨池）
「東宮與月池」係新羅太子曾經居住嘅宮殿遺蹟，係韓國最有代表性嘅古代建築物之一，呢度夜晚嘅景色特別壯觀，超有氣氛！
瞻星臺、大陵苑
1973年被發掘嘅「大陵苑」係新羅時代嘅皇帝、皇妃同貴族嘅古墳群，亦係慶州最有代表性嘅文化遺蹟之一。另外「瞻星臺」係全亞洲、乃至係全世界最古老嘅天文觀測台，喺韓國歷史同科技發展方面意義重大。
皇理團路
「皇理團路」可以話係慶州最旺嘅地方，呢度嘅建築物全部都比較古典，亦都有好多改良式韓屋。大家可以喺呢個充滿韓國傳統氣氛嘅地方食到慶州傳統美食之餘，仲可以去勁多靚靚Cafe同紀念品鋪頭買手信！
Space Walk
講起浦項必去景點，一定唔少得「Space Walk」！位於環湖公園嘅「Space Walk」高25m，可以一邊行超刺激天空步道，一邊欣賞海景。而且呢度安全設備齊全，所以就算有海風吹緊，大家都可以放心行。
《海岸村恰恰恰》拍攝場地
相信有唔少朋友都有睇過《海岸村恰恰恰》，呢套愛情喜劇就係喺浦項拍㗎啦！行程將會帶大家去《海岸村恰恰恰》拍攝場地，呢度有山有海，環境安靜，俾人一種日本小村嘅感覺！
以上係「BOF 2日1夜之旅」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
