釜山白淺灘文化村書店 | See Sea with BOOK
白淺灘文化村最靚海景書店！仲唔快啲嚟影返幾輯相？
Hello，大家好，我哋係由韓國人每日提供最新韓國旅行資訊嘅Creatrip。
白淺灘文化村係一條位於海邊嘅小村，所以有好多Cafe同鋪頭都可以望到海，真係超寫意！不過呢度有個缺點，就係價錢都幾貴吓:( 今次要介紹嘅「See Sea with BOOK」係一間書店，隔離有一間Cafe，而今次我哋成功爭取到獨家優惠，只要喺Cafe消費就可以免費入書店，可以慳返入場費之餘仲可以同時去曬兩間靚靚鋪頭！
釜山白淺灘文化村「See Sea with BOOK」資訊
- 地址：부산 영도구 흰여울길 99
- 營業時間：星期一至五 11:00 - 19:00、星期六 11:00 - 20:00（逢星期日休息）
- 語言：中文、英文、日文
釜山白淺灘文化村「See Sea with BOOK」推薦原因
- 位於環境超靚嘅白淺灘文化村，而且室內室外都有位坐，想睇靚景冇難度！
- 可以睇書之餘，仲可以坐喺窗邊影相打卡，一石二鳥！
- 嚟到就好似時間暫時停止咗咁，望住一望無際嘅海景真係勁療癒！
- Download我哋coupon之後，只要喺隔離「Yeoulmarq」Cafe消費，就可以免費入場「See Sea with BOOK」2個鐘！
釜山白淺灘文化村「See Sea with BOOK」優惠及注意事項
- 喺「Yeoulmarq」Cafe每人買一杯飲品（撳我睇Menu）就可以免費入場「See Sea with BOOK」2個鐘（入場券價值₩8,000）。
- 如希望享有上述優惠，請喺準備離開「Yeoulmarq」前向職員出示優惠券。
- 本優惠券只限於「Yeoulmarq」及「See Sea with BOOK」使用。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
釜山白淺灘文化村「See Sea with BOOK」優惠券使用方法
| STEP 1. | 喺「Yeoulmarq」買一杯飲品，然後盡情喺度休息，享受悠閒時光。 |
| STEP 2. | 離開前向職員出示優惠券。 |
| STEP 3. | 職員會同你一齊去「See Sea with BOOK」，幫你整入場QR Code。 |
| STEP 4. | Scan QR Code入場！ |
釜山白淺灘文化村「See Sea with BOOK」介紹
今日小編想推薦俾大家嘅地方係位於釜山白淺灘文化村嘅書店「See Sea with BOOK」！顧名思義，呢度係一間可以同時睇到海景同書嘅鋪頭，隔離仲有一間叫「Yeoulmarq」嘅Cafe，建議大家可以一次過去曬呢兩個地方！
喺「Yeoulmarq」休息完之後，大家只要向職員出示我哋嘅coupon，就可以免費得到一個可以出入「See Sea with BOOK」嘅QR Code！「See Sea with BOOK」總共有4層，每層都要scan QR Code先可以入場，所以大家記住要隨身帶住呢張紙啦！
「See Sea with BOOK」1樓除咗有書，鋪頭仲為客人準備咗一個裝滿樽裝水嘅雪櫃，等大家口渴嘅時候可以攞嚟飲，超sweet！
上去嘅時候需要行出面嘅樓梯，不過每一級都幾高幾斜吓，大家記住要小心啲！每一層入去之前都會有度門，對住右邊部機scan你嘅QR Code就可以開到門㗎啦！
2樓有人文、詩、散文等等嘅書可以睇，不過小編就俾呢度嘅裝修同擺設吸引到，影咗唔少相XD 唯一美中不足嘅係呢層窗外面仍然都有建築物遮住，唔係好睇到海，所以小編就即刻上咗3樓！
呢層可以話係大家嚟「See Sea with BOOK」嘅目的！除咗可以睇到無敵海景之外，呢度仲有幾塊寫滿句子嘅玻璃窗，好多人都會喺度打卡！
大家可以好似小編咁喺唔同角度影相，不過有少少可惜嘅係日頭去影嘅話會背光，所以比起正面，小編建議大家影背面會更加好睇~
最後4樓係天台！咁啱當日天氣夠好，小編一上到去見到一片藍天白雲同超靚海景，真係忍唔住哇咗出聲（仲影咗好多相添XD）！大家如果都想嚟，就唔好錯過我哋提供嘅免費入場券啦！
釜山白淺灘文化村「See Sea with BOOK」前往方法
跟住上面呢個圖，搭車去到白淺灘文化村巴士站。
向車頭方向直行，鋪頭前面會見到有「Yeoulmarq」同「See Sea with BOOK」嘅廣告牌，向右邊行入去。
圈住嘅呢度門就係「See Sea with BOOK」入口啦！
點先可以享有白淺灘文化村「See Sea with BOOK」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係釜山白淺灘文化村「See Sea with BOOK」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
