釜山白淺灘文化村Cafe | Yeoulmarq
白淺灘文化村超靚海景Cafe！招牌Menu每日限量30杯？
Hello，大家好，我哋係由韓國人每日提供最新韓國旅行資訊嘅Creatrip。
去釜山除咗甘村洞文化村，好多朋友都會去埋白淺灘文化村。呢度有好多Cafe同鋪頭都可以望到海，真係超寫意！今日要介紹嘅「Yeoulmarq」就係其中一間好受歡迎嘅海景Cafe，而家只要喺呢度消費仲可以免費去埋隔離嘅書店「See Sea with BOOK」添啊！
釜山白淺灘文化村「Yeoulmarq」資訊
- 地址：부산 영도구 흰여울길97
- 營業時間：星期一至五 11:00 - 19:00、星期六 11:00 - 20:00（逢星期日休息）
釜山白淺灘文化村「Yeoulmarq」推薦原因
- 位於環境超靚嘅白淺灘文化村，而且室內室外都有位坐，想睇靚景冇難度！
- 可以一邊欣賞無敵海景，一邊享受呢度嘅高質甜品同咖啡！
- 只要download我哋嘅coupon，就可以免費入場「See Sea with BOOK」2個鐘！
釜山白淺灘文化村「Yeoulmarq」價錢
| Menu | 價錢 | 簡介 |
Yeoulmarq招牌咖啡 | ₩7,000 | 每日限定30杯嘅「Yeoulmarq」招牌咖啡 |
土耳其Kaymak | ₩9,000 | 100%土耳其天然蜂蜜同自家製Kaymak（配法包） |
Valrhona熱朱古力 | ₩5,500 | 用「Yeoulmarq」獨家配方冲製而成嘅Valrhona熱朱古力 |
蜂蜜西柚紅茶（凍/熱） | ₩7,000 | 西柚汁、蜂蜜加上香濃紅茶 |
藍莓Bagel | ₩4,500 | 藍莓Bagel + 牛油 OR 忌廉芝士 |
※請按人頭數叫嘢飲。
※詳細Menu請參考下面嘅介紹。
※上述為2023年7月價錢。
※Last Order：星期一至五 18:45、星期六 19:45
釜山白淺灘文化村「Yeoulmarq」優惠及注意事項
- 只要喺「Yeoulmarq」Cafe每人買一杯飲品，就可以免費入場「See Sea with BOOK」2個鐘（入場券價值₩8,000）。
- 如希望享有上述優惠，請喺準備離開「Yeoulmarq」前向職員出示優惠券。
- 本優惠券只限於「Yeoulmarq」及「See Sea with BOOK」使用。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
釜山白淺灘文化村「Yeoulmarq」介紹
今日要為大家介紹嘅海景Cafe係位於釜山白淺灘文化村嘅「Yeoulmarq」！老闆話希望每位客人嚟到都可以透過咖啡香味去記住當下呢個瞬間，真係好浪漫~
Menu有埋英文，大家唔需要擔心睇唔明！
「Yeoulmarq」室內同室外都有位可以坐，室內裝修以白色為主調，再加上各種擺設同植物，令人覺得心曠神怡。
而室外位就位於天台，日頭去可以望到藍天白雲，黃昏去又可以見到日落，夜晚去更加可以睇到無敵夜景+海景，每個時段都各有各特色！
呢杯係「Yeoulmarq」嘅招牌咖啡，就好似將釜山嘅形象融入咗落去咁，顔色配搭好靚！呢款咖啡每日限量賣30杯，上面層cream可以揀要粉紅鹽焦糖味或者Valrhona可可粉味，小編就揀咗前者，鹹鹹甜甜超得意！
小編朋友叫嘅蜂蜜西柚紅茶味道都唔錯，香甜蜂蜜中和咗西柚同紅茶嘅苦澀味，但又唔會太甜！另外呢度另一個最出名嘅Menu係「土耳其Kaymak」，100%土耳其出產蜂蜜加上自家製Kaymak Cream，搽喺脆卜卜嘅法包上面食，真係好夾！
好消息！而家只要download我哋嘅coupon，喺「Yeoulmarq」消費之後就可以免費去隔離嘅書店「See Sea with BOOK」玩2個鐘~（平時兩個鐘要俾₩8,000㗎！）想知道呢間書店點解咁受歡迎，可以撳下面條link瞭解更多資訊！
釜山白淺灘文化村「Yeoulmarq」前往方法
跟住上面呢個圖，搭車去到白淺灘文化村巴士站。
向車頭方向直行，鋪頭前面會見到有「Yeoulmarq」同「See Sea with BOOK」嘅廣告牌，向右邊行入去。
呢塊心心牆隔離有條罅，行入去。
見到白色牆之後轉入去。
咁就去到「Yeoulmarq」啦！
點先可以享有白淺灘文化村「Yeoulmarq」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係釜山白淺灘文化村「Yeoulmarq」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com