濟州「熟成到(涯月店)」介紹
韓國人心目中嘅濟州必食燒肉！到底有咩咁值得EXO同BTS排個半鐘去食？
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇聽過，原來有三間餐廳被稱為係全韓國三大燒肉店，分別係位於首爾嘅「金豬食堂（금돼지식당）」同「囕盈豚（남영돈）」，仲有今日小編將要介紹嘅濟州「熟成到（숙성도）」！好多韓國人每次去濟州旅行都一定會去排隊食，到底呢個令EXO、BTS Jimin同柾國都有讚冇彈嘅烤肉有幾好食，今日就跟住小編一齊去睇吓啦！
想去釜山同濟州最hit餐廳/Cafe但唔想排隊？
買一套即享人氣店鋪即時入場 + 獨家優惠！
濟州「熟成到（숙성도）」
濟州「熟成到（涯月店）」資訊
- 地址：제주 제주시 애월로1길 24-16
- 營業時間：12:00 - 21:30（Lunch Break 15:30 - 16:30、Last Order 20:45）
濟州「熟成到（涯月店）」推薦原因
- 嚟濟州玩必食黑豬肉！呢度嘅黑豬肉更加經過熟成，無論係口感定味道都與衆不同！
- EXO、BTS等人氣韓星同超多韓國美食YouTuber嚟濟州玩都一定會去食，連佢哋都食到超滋味！
- 「熟成到」喺濟州島就有5間分店，梗有一間喺你左近！
濟州「熟成到（涯月店）」價錢
招牌Menu | 價錢 |
960熟成帶骨豬里肌 960 숙성 뼈등심 | ₩38,000/350g |
960熟成帶骨豬梅花 960 숙성 뼈목살 | ₩37,000/360g |
720熟成五花肉 720 숙성 삼겹살 | ₩22,000/200g |
帶魚醬炒飯 갈치속젓볶음밥 | ₩8,000 |
濟州「熟成到（涯月店）」介紹
如果問小編嚟到濟州島有咩一定要食，小編建議大家一定唔可以錯過呢度嘅黑豬肉！不過成個濟州島咁大，到底要去邊間燒肉店？今日小編就帶大家嚟到連韓國人都會慕名而來、網上評價超好嘅「熟成到」！
濟州「熟成到」總共有5間分店，分別係老衡本店、咸德店、中文店、涯月店同F&B分店，大家可以依照行程揀去邊間！
小編有好多韓國朋友都話就算要排隊，都一定要食到「熟成到」先叫做嚟過濟州島，令小編真係超期待！去到之後第一件事，就當然係要輸入電話號碼攞籌啦~ 如果大家冇韓國電話號碼，可以撳我整返張有電話號碼嘅韓國Sim卡，或者叫職員幫手。
聽韓國朋友講，「熟成到」老衡總店最受歡迎，如果唔係喺開門前去到嘅話，基本上都要排成1個半鐘。其他分店雖然冇咁誇張，不過而家「熟成到」越嚟越出名，排隊時間都唔惹少㗎！
（不過而家有Creatrip特快通行證&優惠券，大家可以唔洗排隊快速入場，仲可以享有額外優惠添啊！）
一行到入鋪頭，就可以見到有一個勁大嘅透明雪櫃，入面擺滿熟成豬肉！所謂嘅「熟成」其實係指將食物保存喺冷藏同冷凍之間嘅溫度，咁做會令肉質更嫩滑、味道更甘甜！
「熟成到」涯月店環境夠開揚，而且枱同枱之間都有一段距離，完全唔會好似其他燒肉鋪咁會好逼狹，大家可以坐得舒服自在。
960熟成帶骨豬里肌（960 숙성 뼈등심）₩38,000/350g
960熟成帶骨豬梅花（960 숙성 뼈목살）₩37,000/360g
小編都係第一次嚟，唔知食邊款肉好，所以就叫咗職員推薦，最後叫咗每日限量80份嘅「960熟成帶骨豬里肌」同「960熟成帶骨豬梅花」。聽講呢兩款肉最受歡迎，所以建議大家要早啲嚟，如果唔係就食唔到㗎啦！大家都可能發現到前面有個數字，其實係代表熟成嘅時間，「960」係熟成咗大概40日，而仲有一款「720」就係熟成咗大概30日嘅意思，時間越耐肉質越嫩！
上齊小菜同肉之後，職員就會幫手燒！烤盤上面有5種唔同嘅醬、3種配菜，仲有雞脾菇同泡菜！
就咁睇價錢感覺好似有啲貴，不過原來份量都幾大吓。本身小編係一個唔係好食到肥膏嘅人，見到成嚿肉有一半都係肥膏都真係驚咗，點知食落完全唔漏，反而口感好正，而且夠曬Juicy同香口，唔怪得韓國人都會叫呢度做「人生燒肉」啦！
食燒肉當然唔少得要包生菜食！職員仲有教小編可以配辣醬、Wasabi、辣椒、泡菜等等一齊食，而且因為有好多款醬，所以大家可以不斷mix & match，搵出自己最鍾意嘅配搭！
呢度仲會送泡菜湯，酸酸辣辣，啱曬好似小編咁怕漏嘅朋友們！入面仲有好多豬肉、豆腐同泡菜，超足料！
帶魚醬炒飯（갈치속젓볶음밥）₩8,000
小編當日去有用到Creatrip特快通行證&優惠券，所以只要消費滿₩50,000就可以得到1款價值₩10,000以下嘅餐點，小編就揀咗呢款「帶魚醬炒飯」啦！將飯同上面嘅蟹籽、芝麻、紫菜同葱撈勻之後食真係一流！
如果最近plan緊去濟州玩，又想食到高質燒肉，極力推薦大家嚟「熟成到」！
「熟成到」特快通行證&優惠券其他適用分店位置
老衡總店（숙성도 노형본관）
- 地址：제주 제주시 원노형로 41
- 營業時間：11:30 - 21:30（Lunch Break 14:30 - 15:30、Last Order 21:00）
咸德店（숙성도 함덕점）
- 地址：제주 제주시 함덕로 40 2F
- 營業時間：12:00 - 21:30（Lunch Break 14:30 - 16:00、Last Order 20:45）
中文店（숙성도 중문점）
- 地址：제주 서귀포시 일주서로 966
- 營業時間：12:00 - 22:00（Lunch Break 14:30 - 16:00、Last Order 21:15）
以上係濟州「熟成到（涯月店）」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
