韓國人生四格攻略
韓國周街都係人生四格鋪頭！唔同分店各有特色，想同偶像影合照一定要去呢度！
Hello，大家好，呢度係由韓國人每日提供最新韓國旅行資訊嘅Creatrip。
而家韓國周圍都有人生四格嘅鋪頭，不過如果認真啲睇會發現佢每間各有特色！而家就等小編逐一為大家推薦啦！
韓國人生四格攻略
1. Life Four Cuts（인생네컷）
要講到韓國人生四格嘅始祖一定係「인생네컷」呢間鋪頭，影四格相嘅熱潮就係由佢帶起㗎啦！
韓文「인생네컷」嘅意思係人生中最靚嘅4格，當下影出最真實嘅樣貌，令人可以紀錄當下嗰一刻。
唔少人影完會掛喺牆上，甚至會買本相簿去Keep起哂所有相。
以前最流行係長條型4張相咁，但而家已經轉變到會影6格，或者係大張啲配卡通人物。
間唔中佢哋仲會同K-Pop偶像做Crossover，好似之前有aespa同SEVENTEEN，等fans好似可以同偶像一齊影相咁，超有意義！
2. Photoism Box（포토이즘 박스）
另外一個出名同K-POP偶像影人生四格合照嘅鋪頭仲有「Photoism Box」！
最近佢哋先出咗2023年BTS系列（有啲鋪頭會搵到其他年份），身為A.R.M.Y嘅你又會唔會想儲齊所有年份呢？
另外佢哋仲有好多特色主題相框可以揀，好似而家流行嘅Y2K風，或者可愛夏日野餐系列等！
揀好想影嘅主題之後，大家可以搵返適合嘅頭飾去帶襯返一套！
韓國好多地方都會搵到「Photoism」嘅蹤影，特別係BTS fans更加一定要去影返輯！
3. Haru Film（하루필름）
講到早排最受韓國人歡迎嘅人生四格舖頭，一定唔少得「Haru Flim」！因為佢哋嘅濾鏡偏白，令每個人睇落皮膚都變得超好！
「Haru Film」特徵係影相個框會特別大格，想影到半身嘅朋友可以去試吓！之前佢哋仲同韓國出名咖啡品牌Barista Rules聯名過添啊~
4. DON'T LXXK UP（돈룩업）
呢間人生四格鋪頭叫做「DON'T LXXK UP」，只睇個名係唔係已經覺得好潮呢？只係新開冇耐就已經吸引到唔少人去打卡！
佢喺延南洞、弘大、誠信女大同首爾大附近都有分店，小編每次想影嘅時候都會見到大排長龍！
為咗可以俾人影到個swag嘅感覺，佢哋仲會準備一啲貼紙同太陽眼鏡。
佢比其他鋪頭更特別係鏡頭以高炒方式去影，睇落型啲之外，同時仲可以顯瘦！佢有紅色同藍色牆紙可以揀，小編個人會推薦影紅色，睇落會顯白啲！
5. Movement（무브먼트）
如果覺得「DON'T LXXK UP」太多人要等，或者背景色唔啱，小編推薦大家可以去「Movement」，呢兩間個風格都好似。
呢度除咗有高炒角度之外，仲有低炒可以影！
小編之前有去試過影低炒，房入面地下係透明玻璃，之後有個鏡頭喺地板下面。不過因為影相時要望住鏡頭，有啲可惜係好難望到個mon影出嚟嘅效果係點。
不過影完之後小編都覺得幾滿意，不過建議如果係1至2個人影低炒會比較好，如果多人就影高炒，出嚟個效果會靚好多！
6. Sihyunhada Frame（시현하다 프레임）
「Sihyunhada」喺韓國係一間好出名嘅照相館，佢哋影嘅證件相或寫真從來唔會令人失望！
最近佢哋仲勁到開埋人生四格嘅鋪頭，只要見到門口係橄欖色入去就冇錯！
入到去會見到有好多相框可以揀，每款價錢都唔貴。
Original / Close Up
「Sihyunhada」影出嚟嘅相效果好自然，幾乎冇任何濾鏡，如果鍾意自然啲嘅朋友可以考慮呢間！
7. Old Moon Self Studio（그믐달셀프스튜디오）
最後想同大家介紹嘅一間係「Old Moon Self Studio」，佢同「Haru Film」個feel有啲似。
不過佢哋個filter會自然啲，整體嚟講都令人好滿意！
以上7間都係近期韓國人最鍾意去嘅人生四格鋪頭，嚟韓國想留低一個難忘回憶，不如就同朋友去影返幾張啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk