Hello，大家好，我哋係由韓國人話你知每日最新韓國資訊嘅Creatrip。
＃韓國卡拉ok＃練歌房
＃2021＃노래방＃唱歌
成日睇韓劇就會發現，唔少韓國公司放咗工去聚餐之後就會去唱K、同客傾完生意又會去唱、失戀心情唔好又去唱，同朋友一齊唔知做咩好又去唱，終知係有事冇事都會去唱歌。
今日小編就介紹韓國K房文化，之後有機會嚟韓國的話，可以去體驗一下。
✨馬上Follow我哋IG
instagram.com/creatrip.hk
韓國卡拉ok種類
1. 投幣式卡拉ok（코인노래방）
喺韓國，呢類投幣式卡拉ok係最普遍，價錢相當平，通常₩1,000（港幣$7）可以唱到3至5首歌左右，但因為每個地方嘅價錢都唔一樣，大家只要記住：鬧市通常係3首₩1,000（2首₩1,000真係唔好去，太貴），如果係4首、5首₩1,000就算係好抵。
佢嘅優點係流動率高，一個人都可以唱，成日都會見到韓國人自己去唱（小編都會自己去），紓解一下壓力或者練新歌，都唔會覺得有負擔。
投幣式卡拉ok都係獨立式，大約可以容納到三個人嘅空間。不過通常都係禁煙禁食，而mic套要自己去櫃檯攞。
2. 一般卡拉ok練歌房（노래연습실/방）
弘大、新村等學生比較多嘅商區，除咗有投幣式卡拉ok之外，就係我哋平時喺香港會去嘅Neway嗰種一般卡拉ok。
呢種通常以時間為單位，或者人頭計錢（都係會限時），優點係空間比較大，係多人聚會嘅好選擇，不過可唔可以食煙飲就要睇每間店嘅規定。
喺《女神降臨》入面，卡拉ok嘅拍攝場地就係弘大嘅秀練歌房，如果想一大班人一齊玩嘅話，可以試下去呢種獨立大房嘅卡拉ok！
3. 練歌TOWN（노래타운）
簡單嚟講呢種係比較偏向似酒店卡拉OK，有獨立包廂或者開放式嘅卡拉ok，可以邊飲酒、食嘢、唱歌嘅地方，但整體嚟講呢度就唔係好平，甚至仲有最低消費（包廂費），建議大家如果真係如非必要，只係想唱歌嘅話就唔洗去練歌TOWN。
nrgdbsal
好多喺韓劇入面出現嘅獨立包廂，可以唱歌、食嘢嘅，都係練歌TOWN嘅一種，至於正唔正派就要睇店家嘅營業模式喇。
4. 遊興酒店（유흥주점）
뉴시스
淨係聽個名就覺得唔係好正派（哈哈），呢個都係練歌TOWN嘅一種，遊興酒店簡單嚟講就係似香港嘅夜總會，招牌會有女性圖案。
呢種店通常都會同黑社會有勾結，所以先前水原市嘅居民都曾經上街抗議過，要求政府管控呢類容易有刑事案件、色情交易嘅場所。
韓國K房要點樣點歌？
韓國卡拉ok入面，通常都係呢款點歌遙控器，唔會有英文或者中文，建議大家可以認住啲韓文單字會比較好。
主要嚟講，點歌方式都係同香港差唔多，分成搜尋歌曲標題、歌手，再按照語言種類點歌。
不過要注意下，韓國Kpop歌雖然有英文歌名，但韓國當地嘅歌名都係韓文為主，甚至就算係英文字都會用韓文拼音寫出嚟。
韓國卡拉ok嘅運作
因為新冠肺炎疫情影響，韓國k房嘅營業模式都有改變，喺社交距離第1階段嘅時候，需要定時消毒、換氣，不過流動率超高嘅投幣式卡拉ok因為出現過感染案例，有部分都要暫時停業。
亦都因為咁而引起店主不滿，其他一般KTV練歌房就唔洗停業，只有佢哋暫時停業係治標唔治本嘅方法。
不過隨住首都圈疫情持續，社交防疫距離提升到2.5階段，重點設施如練歌房、酒吧、夜店等等都要全面暫停營業。
以上係韓國卡拉OK嘅介紹，下次有機會嚟都可以試下呢幾種卡拉OK，體驗一下韓國人嘅年輕文化。
✨馬上Follow我哋IG
instagram.com/creatrip.hk
| 其他延伸閱讀 | |
 韓國YouTube排名 |  韓國吃播 |
