Hello，大家好，我哋係由韓國人每日提供最新韓國旅行資訊嘅Creatrip。
想百分百體驗韓國傳統飲食文化，小編推薦大家一定要試一次韓定食！韓定食就好似一個Set Menu咁，包括前菜、主菜、小菜同甜品，全部都係傳統韓國料理~ 不過平時嚟旅行都好少會專登去食韓定食，一嚟唔多人介紹，二嚟韓定食都有返咁上下價錢... 今日小編就搵到一間連韓國人都超推薦嘅韓定食餐廳 ——「明洞亭」，一齊睇吓有咩食啦！
撳我睇價錢&預約詳情👇🏻
明洞「明洞亭」基本資訊
- 地址：서울 중구 삼일대로299
- 營業時間：11:30 - 21:30（Break Time 15:00 - 17:00）
明洞「明洞亭」實地探訪
小編最近搵到一間叫「明洞亭」嘅韓定食餐廳想介紹俾大家！有好多人韓國人喺重要日子，例如BB百日宴、男女雙方見家長、或者需要接待貴賓嘅時候都會嚟呢度。
入到去之後可以見到左邊掛滿韓服，等客人可以著住韓服，喺呢個充滿傳統韓式氣氛嘅地方影相，留低一個美好回憶！
大家可以食飯前/後喺走廊同房入面影相，無任何時間限制，而且仲可以自己襯衫~ 不過要注意唔可以著住韓服食飯啊！
行入去之後就會見到有條長走廊，走廊兩邊全部都係獨立房間，唔洗同陌生人搭枱或者用同一個空間，私隱度超高！「明洞亭」由2人房到32人房都有，仲有傳統韓式地暖房、榻榻米房、餐枱房同宴會廳4款房型。而且每間房都有好多充滿韓國文化元素嘅裝飾品，超有氣氛！
海神餐
小編同朋友去嘅時候叫咗4人份嘅海神餐，超多菜式，擺到張枱滿曬都未上曬菜！
蒸花蟹
五色蒸大蝦
熟章魚刺身
涼拌海蜇
韓式宮廷炒粉絲
季節沙律
九節坂
三色煎餅
生牛肉
三文魚扒
韓式烤肉
炸蝦
五色薯仔丸子
大醬湯
年糕（甜品）
青梅茶（甜品）
除咗上面嘅餐點，仲有南瓜粥，各種小菜同白飯！小編為咗可以試曬咁多款嘢食，專登冇食到白飯，建議比較細食嘅朋友們都可以咁做，如果唔係就會飽到試唔曬！
清甜脆口嘅梨同生牛肉真係好夾，大家食生牛肉嘅時候記住要兩樣一齊食！
蒸花蟹同樣都係咁高質，超多肉同膏，而且完全唔會嚡！
另外熟章魚刺身就可以點側邊嘅醋辣醬食！呢度嘅熟章魚刺身完全唔會韌，口感相當好。
五色蒸大蝦嘅“五色”其實係蔬菜同魚子，顔色夠靚之餘更加可以解膩。
其中一樣甜品係年糕，甜甜地又夠煙韌！雖然已經食到好飽，但小編都忍唔住食曬XD
最後飲埋杯酸酸甜甜嘅青梅茶，為呢餐豐盛嘅韓定食畫上一個完美句號！
想充分體驗韓國傳統飲食文化，或者需要一個比較正式嘅聚會地方，大家不妨都可以嚟位於明洞嘅「明洞亭」，食返餐高質韓定食！
明洞「明洞亭」前往方法
喺明洞站（명동역）10號出口出。
直行。
第一個路口轉左，行入停車場，離遠會見到「明洞亭」嘅招牌。
再行前少少就到啦！
撳我預約👇🏻
以上係明洞「明洞亭」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
