Hello，大家好，我哋係由韓國人每日提供最新韓國旅行資訊嘅Creatrip。
講起韓國旅行必做嘅事，其中一樣一定係著韓服。大家唔好以為得外國人會咁做，其實有好多韓國人都會專登去租韓服影相㗎！而相信首爾最多人著韓服嘅地方就係景福宮，所以呢度真係有超多韓服租借店。今日小編要介紹嘅就係呢間「大韓韓服」！
撳我睇價錢&預約詳情👇🏻
景福宮「大韓韓服」資訊
- 地址：서울 종로구 사직로 133-2 2F
- 營業時間：09:00 - 19:00
景福宮「大韓韓服」參考圖片
傳統韓服 |
 |
高級韓服 |
 |
景福宮「大韓韓服」介紹
今日小編帶大家嚟到位於景福宮4號出口附近嘅「大韓韓服」租韓服！
一入到去就見到有超多韓服！
如果大家手上拎住飲品，揀韓服之前記住要將飲品放喺門口右邊嘅架上面！可以避免整污糟啲韓服之餘，大家都可以唔洗攞住咁多嘢，揀得舒服啲~
飲品架附近貼有中文、英文同日文版本嘅使用注意事項，建議大家正式租韓服之前望一望！
而喺注意事項左邊就有超多款紀念品賣，全部都同韓國傳統文化有關，最特別一定要數到呢把劍啦！
鋪頭入面有好多model，大家可以參考佢哋嘅配搭。
一開頭老闆話全場有超過800套韓服，小編都唔係好信。但係真係睇極都仲有，由傳統韓服到高級韓服都有超多選擇！
除咗韓服，呢度仲有鞋、袋、帽等等嘅飾物。
化妝台上面貼有各種髮型嘅參考圖，大家可以睇完之後同職員講想整變款。
呢度嘅頭飾全部都同韓服好襯，戴返個去影相，相信一定會錦上添花！
平時真係好少機會會去韓服鋪頭參觀，所以今次小編淨係喺鋪頭行咗個圈都用咗唔少時間，亦都睇+揀得好開心！
另外如果對私人拍攝服務有興趣，可以參考下面嘅相~
景福宮「大韓韓服」前往方法
喺景福宮站（경복궁역）4號出口行出嚟，一向後望就會見到「大韓韓服」嘅招牌。
向出口反方向直行。
喺第一個路口轉左。
行入第一棟大廈，上2樓就到「大韓韓服」啦！
撳我預約👇🏻
以上係景福宮「大韓韓服」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
