logo

韓國任食炒年糕餐廳「兩餐」介紹

MBTI進化到出埋年糕?韓國人點解咁有Gimmick諗到?你會唔會想去試?

황요산
a year ago

Hello,大家好,我哋係由韓國人每日提供最新韓國旅行資訊嘅Creatrip。  


唔知講到韓國炒年糕,大家係唔係都只會諗到紅卜卜嘅湯底呢?今日小編就想同大家介紹韓國一間專食炒年糕嘅專門店,佢最大賣點係呢度嘅年糕係可以自己去DIY調汁同拎材料煮,如果你自認係一位「食糕獸」,咁就要繼續睇落去啦!



韓國任食炒年糕餐廳「兩餐」

  • 韓文名:두끼
  • 地址:서울 중구 장충단로13길 20 9F [*東大門City Outlet分店]
  • 營業時間:11:00 - 22:00( Last Order 20:30、自助吧21:00)[*東大門City Outlet分店]

韓國任食炒年糕餐廳 兩餐


嚟韓國食炒年糕,大家係唔係都會只諗到街邊檔或者三清洞摩西呢?今次小編想推薦大家搞搞新意,去一間韓國人超鍾意去嘅連鎖店食,佢最大賣點係超多款年糕,同時可以自己DIY醬汁!


韓國炒年糕餐廳 兩餐

韓國炒年糕 兩餐


「兩餐(두끼)」喺韓國超多分店,全國大約有200幾間。今次小編去嘅係東大門City Outlet分店,地理位置方便,好啱大家Shopping完之後去食返餐!

呢度價錢超平!大人任食 ₩‎9,900、小學/中學生 ₩‎8,900、小童(7歲以下)₩‎5,900, 而36個月或以下幼童更加係免費,聽完個價錢係唔係覺得超佛心呢?  重點係限時都有1小時30分鐘,大家完全可以食到超飽出返嚟!


任食炒年糕兩餐

炒年糕 兩餐

任食炒年糕兩餐 韓國美食


全部食材都係任拎(建議大家食到幾多拎幾多,千祈唔好眼闊肚窄啊!)。呢度有提供非常多種食材,淨係年糕本身都已經有成8款咁多啊!不過今次小編之所以會想推薦大家去,係因為佢哋最近非常緊貼潮流,新出咗一款MBTI年糕!

提提大家:MBTI年糕係期間限定,12/6  - 1/20先會有,之後會唔會繼續出,小編會再留意同大家Update返!


MBTI年糕 兩餐


以前韓國人可能會比較相信血型,連識人嘅時候都會問對方血型係咩。但自從突然有好多人開始討論MBTI之後,見親新朋友比起問血型,大家都會問返句:「你MBTI係咩啊~?」。

 韓國人MBTI睇性格

任食炒年糕兩餐


而家就跟住小編一齊睇吓「兩餐」入面有咩食啦!一去到個位,會見到有個煲同一個不鏽鋼碗,大家要攞住呢個碗去夾食材。


MBTI 炒年糕

 韓國 兩餐 年糕


因為真係超多款食材,令小編都忍唔住一夾夾咗超多!


 韓國 兩餐 年糕 醬汁

 韓國 兩餐 年糕 東大門醬汁


而頭先都有提到,呢度最特別就係可以自己整湯底,呢度有8款醬汁,每一款都係超人氣!


 韓國 兩餐 年糕 TMI醬汁


而最近仲新出咗一款「TMI醬汁」,以雞湯做基底,亦都有種好似加咗胡椒粉咁嘅辣味,不過就算唔食辣都可以接受到!如果想試新嘢,或者覺得一般炒年糕太辣太重口味,小編推薦大家可以試吓呢款!

提提大家:TMI醬汁同MBTI年糕一樣都係期間限定,12/6  - 1/20先會有,之後會唔會繼續出,小編會再留意同大家Update返!


 韓國 兩餐 年糕 黃金Recipe


調醬嘅位會有一個牌寫住黃金Recipe(황금레시피),係教大家點去調醬,大家去嘅時候可以參考下面嘅中文翻譯同對照住韓文,mix出最啱自己口味嘅黃金比例湯底。

小Tips:就算唔跟呢幾個Recipe,大家自行調較醬料嘅時候記住𢳂3羹嘅量就夠,如果唔係就會太淡或者太鹹㗎啦!


湯底口味
辣度
醬汁比例
(1 = 1大羹)
兩餐ORIGINAL
★★★
두끼x1 + 떡모 OR 즉떡x2
兩餐醬x1 + 萬能年糕醬 OR 辣炒年糕醬x2
兩餐BEST
★★★★
두끼x1 + 떡모 OR 즉떡x1.5 + 동대문x0.5
兩餐醬x1 + 萬能年糕醬 OR 辣炒年糕醬x1.5 + 東大門x0.5
兩餐炸醬風味
★★
두끼x1 + 짜장x2
兩餐醬x1 + 炸醬x2
兩餐釜山風味
★★★
두끼x1 + 부산x2
兩餐醬x1 + 釜山醬x2
兩餐東大門風味
★★★★★
두끼x2 + 동대문x1
兩餐醬x2 + 東大門醬x1
兩餐粉紅醬 [微辣版]
크림x2 + 두끼x1
忌廉醬x2 + 兩餐醬x1
兩餐粉紅醬 [較辣版]
★★★
크림x2 + 동대문x1
忌廉醬x2 + 東大門醬x1
兩餐麻辣燙
★★★
마라탕소스x2.5 + 마유소스x0.5숟갈
麻辣燙醬x2.5 + 花椒油x0.5小匙
韓式麻辣燙
★★★★
마라탕소스x2.5 + 동대문x0.5 + 마유소스x0.5숟갈
麻辣燙醬x2 + 東大門x0.5 + 花椒油x0.5小匙
麻辣忌廉醬
★★
마라탕소스x0.5 + 두끼x0.5 + 크림x2 + 마유소스x0.5숟갈
麻辣燙醬x0.5 + 兩餐醬x0.5 + 忌廉醬x2 + 花椒油x0.5小匙
宮廷炒年糕
完全唔辣
小朋友都食得!
궁중x3
宮廷醬x3
忌廉炒年糕
完全唔辣
小朋友都食得!
크림x3
忌廉醬x3


兩餐 放題

兩餐 放題 炸物

兩餐 放題 魚糕串


加上呢度嘅飲品、炸物同魚糕串都係任拎,完全就係CP值超高!


兩餐 放題 湯汁

兩餐 放題


拎好哂材料同飲品,小編就開始煮湯底,一開始小編就試咗佢哋新出嘅TMI醬汁,水滾之後就可以放個汁落去。


兩餐 放題 年糕

兩餐 放題


滾好之後就可以放食材,小編因為3個人去,真係拎咗勁多!

小Tips:放食材順序係 年糕 [米製(白色)]→ 魚糕 → 蔬菜 → 麵類 → 年糕[麵粉製(啡黃色)]。


兩餐年糕 放題


呢條超長嘅年糕係用麵粉做,超煙韌,小編個人最鍾意食呢款!



食完第一鍋如果覺得唔夠喉,可以再去調其他醬。今次小編就試咗佢哋最出名嘅東大門口味(兩大羹兩餐醬+一大羹東大門醬),佢係咁多款之中最辣,如果鍾意食辣嘅朋友絕對唔可以錯過!


兩餐年糕 放題 東大門醬


小Tips:如果想換其他醬汁去煮,呢度會免費幫大家換一次煲。

不過因為小編食完TMI醬都算乾淨就冇去換到,同樣一開始先煲水,等滾好之後再落醬汁。


韓國兩餐 年糕

兩餐 任食

MBTI年糕


MBTI年糕係用米做,比起加落TMI醬汁,小編個人覺得加落辣辣地嘅東大門湯底更加惹味!


兩餐 蓋飯

兩餐 蓋飯 DIY


食完年糕都係覺得唔夠飽?仲可以整蓋飯食!大家可以自己DIY加炸物、泡菜(辛奇)、紫菜碎等食材,如果想再濃味啲,可以加埋照燒醬、沙律醬同麻油。


「兩餐(두끼)」注意事項:

  • 限時1小時30分鐘。
  • 可以免費換一次煲。
  • 如果浪費食材,或者淨低超過一碗份量嘅嘢食,就會罰款₩‎2,000。
  • 醬汁冇限可以換幾多款,只要喺限時內食完就可以。
  • TMI醬汁同MBTI年糕係期間限定(12/6 - 1/20),想去試吓嘅朋友就要爭取時間啦!
  • 某幾款炸物都係期間限定(12/6 - 1/20),錯過咗就會冇。
  • 如果材料提早賣哂,活動就會提早結束。
  • 韓國各區都有分店,大家平時嚟旅行嘅景點多數都會有,例如:東大門、明洞、梨大、弘大等,總有一間喺你附近。
  • 如果唔想堂食,可以外賣返去自己煮,外賣盒有分中同大,價錢唔一樣,大家可以夾自己想要嘅材料,只要裝得哂落個盒同衾得實個蓋就可以。


整體嚟講,小編覺得價錢相當合理,就算係學生都負擔得起,超推薦大家之後嚟韓國都去試吓!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面 

 韓國代購

熱門文章

熱門文章