韓國人MBTI睇性格

Hello，大家好，我哋係由韓國人每日每日提供最新韓國旅行資訊嘅Creatrip。

以前韓國人想知一個人性格都會問血型，但而家幾乎每次見親面都會問人係咩MBTI，今日小編整理好16型人格（男/女）性格表，唔知大家睇完又覺得準唔準呢？

1. ESFP

男	女
識好多人 認為好就係好 唔鍾意無聊嘅嘢 係做學生會嘅人才 玻璃心 第一次見面就可以勁多TMI 會突然自己唱歌 可愛俏皮 遇到問題通常都會迴避 食得好瞓得好 講嘢好直 唔鍾意講太正經嘅嘢 同好多人都好夾	一定要預埋佢玩 會俾勁多反應 會鍾意同朋友一齊玩 外貌主義者 容易墜入愛河，亦都好快會死心 鍾意人送啲可愛嘅嘢俾佢 需要不斷被人關心 唔想知啲複雜嘅嘢 平易近人 每次見面都要玩好耐先滿足 相處時希望對方配合佢 唔想表現出鍾意對方，但係其實好明顯 唔見人唔得 成日會邊行邊唱歌

2. ESTJ

男	女
幾浪漫 有少少大男人主義 有禮貌 佔有慾好強 有啲多事 一成不變 努力型戀愛高手 有時講嘢會傷到其他人 通常係俾人飛嗰個 唔識欲擒故縱 愛恨分明 太冷靜理性，容易hurt到對方 通常都會同細過自己嘅人拍拖	唔識欲擒故縱 努力向上 鍾意做Leader 有金錢觀念 當對方要做決定嘅時候，會希望人哋問自己意見 發生爭執嘅時候唔鍾意逃避，需要即刻解決 有咩不滿都會講哂出嚟 好難同人有同感 好囉嗦 冇咩耐性 比較木訥 努力做好一切 講嘢唔鍾意兜圈 鍾意聰明嘅人

3. ENTP

男	女
每件事都要追究到底 有時候會睇落好乞人憎 會諗點解啲人唔鍾意自己 做咩都會好主動同直接 會對好多嘢都有關心 份人有少少敏感 整蠱對方代表對佢有好感 識好多冷知識 太多嘢講 過份自信 有時候會心懷不軌，突然變壞 愛恨分明 好nice，但係始終好似唔可以太close	超唔鍾意郁悶嘅事 有啲自戀 超多嘢講 成日好多問題 對會感情用事嘅男仔冇咩興趣 明明冇飲酒，但成日睇落都好似醉咗咁 好容易俾有遠見嘅人吸引 Girl Crush 好識Flirting 唔鍾意咩都要講原則 拍拖咩都要話哂事 比起對方鍾意自己，寧願揀自己鍾意嘅人 喺一啲奇怪嘅位突然感性起嚟

4. ESFJ

男	女
想同所有人都打好關係 耳仔軟 好叻團體生活 好在意周圍人點諗 同另一半好似fd咁 所以有時候會覺得唔似愛情 鍾意留喺屋企 優點係體貼 但缺點係太體貼 幾難溝 活力充沛 超受歡迎 鍾意兩對情侶出嚟玩 好容易受傷，然後灰心喪氣	好有責任感 有等過男朋友一段長時間 睇落唔似，但有少少計較 會喺照顧人嘅時候得到滿足感 超有佔有慾 可能會因氣氛影響而開始拍拖 拍拖時比較被動 思想好傳統 好八卦 唔會點發脾氣，但希望對方明白自己 會以犧牲自我去表達自己對對方嘅愛 為對方犧牲太多，成日都覺得心好攰 希望另一半覺得辛苦嘅時候話俾自己知

5. ENFP

男	女
樣貌無論係點都會好吸引異性 細心得嚟又好敏感 唔可以忍受到dead air 愛情高手 好聽女朋友話 有好多諗法但冇plan 活潑可愛得嚟又有安全感 揀禮物俾人好有sense 識著衫 好識搞氣氛 冇心諗住收兵但啲人會咁諗 做乜都好有熱情 懶得嚟都算勤力 超多朋友，成日都有約（但唔係個個都會見） 一直要向佢表達	知道自己好可愛 4次元 心情起伏好大 成日都突然會買嘢 鍾意小說 好多興趣 心情=態度 太直接會令佢受傷 情緒好high 乜嘢都靠住個feel嚟行 好有童心 成日都好多嘢講 容易愛上一個人 要成日都稱讚同支持佢 只要喺多人地方太耐就會覺得好攰

6. ENTJ

男	女
所有嘢都希望得到明白 會努力令自己更有幽默感 對住女朋友會更加有共感能力 雖然好人但有時候睇落好乞人憎 好主動同直接 好難100%同人有同感 同佢結婚一世唔使憂 成日都好似好忙咁 好識顧自己形象 經常會俾人利用/蝦 一係就好好一係就好差 好有自信 比起靚女會鍾意識管理自己嘅女仔	睇落有啲死板但其實好純情 成日都會俾最close嘅朋友玩 蠢蠢地，但唔想俾人知 因為唔太識表達，所以成日都會令人受傷 對其他人一啲關心都冇 做任何事都唔鍾意隨隨便便 成日都會搵嘢嚟搞，所以搞到自己好辛苦 好重感情 就算攰都唔會表現出嚟 自己做就得，人哋做就唔得 唔鍾意ENTJ嘅男仔 出乎意料地有耐性同寬容

7. ESTP

男	女
睇落有少少吊兒郎當 外貌主義者 唔使睇說明書都知要點做 理性得嚟又有熱情 有啲狡猾 有時講笑都會過咗界 用嘢好粗 鍾意同人賭 好受大過佢嘅人愛錫 過份自戀 唔鍾意人講嘢兜圈 睇落有啲似大叔 只要女朋友喊就會唔知點做	只要一唔開心唔會想同人講太多 好易呃所以好可愛 唔鍾意感情用事嘅男人 約會鍾意多變化 睇落好有人氣但其實冇咩朋友 鍾意純情嘅乖仔 愛情方面識得耍手段 鍾意做Leader 鍾意積極嘅人 外貌主義者 對爛gag冇咩興趣 唔鍾意收到長message 鍾意留喺屋企 覺得自己最好，唔會俾人改變到自己 唔鍾意人哋懷疑同對佢太執著

8. ENFJ

男	女
好容易被感動 睇落平平無奇但好有實力 幾有霸氣 鍾意整齊/乾淨 比起外表更重視溝通 所有事都要提前做好 好識就對方 成日都會猶豫不決 唔鍾意有衝突 因為識睇人眉頭眼額，所以好容易就會受傷 好體貼 為咗照顧身邊嘅人，會唔記得照顧自己 好識顧自己形象	好鍾意小動物 一向人打開心扉就好難收返 唔可以見到手機冇電 有禮貌 好容易鍾意一個人 好容易奮哂身去愛一個人，所以成日受傷 太過有熱情 份人有啲敏感 成日都好有疑心 會成日自責 唔太識拒絕人 好鍾意打掃同清潔 成日都好多人約 鍾意識lead住自己嘅男仔

9. INTP

男	女
冇惡意地成日講啲真相出嚟 有少少奸 幾聰明 突然之間會講好多嘢 鍾意同人賭 好識控制情緒 成日都只會focus喺一樣嘢身上 自發性邊緣人 古靈精怪 好鍾意講爛gag 愛恨分明 有時候會心懷不軌，突然變壞 完美主義者 成日覺得有啲尷尬 冇咩朋友 成日睇落好呆	單身主義者 一啲都唔迷信 討厭情緒化，或者過於感情用事嘅人 好多男性朋友 同人冇咩同感，但好識扮有 睇落好天真，但其實有啲奸 唔太識表達情感 4次元 意外地有啲感性 癲癲得得女強人 有氣勢，亦都唔容易因為少少嘢而受傷 眼神睇落有啲呆滯 唔會記仇

10. INFP

男	女
有啲執著 講嘢好溫柔 會記得所有紀念日，而且有儀式感 好識俾反應 有啲記仇 好浪漫 對其他人有啲怕生，但對女朋友就好多嘢講 似詩人 會認哂錯 比起外觀更重視性格 比其他人想像中直接 會俾無限愛對方 雖然係邊緣人，但好多人鍾意 唔鍾意同人鬧交	有啲旁人未必理解嘅固執 成日都會撐男友 比起解決問題，希望對方會同自己有同感（調返轉都係） 睇落慢條斯理 鍾意睇小說 只要一有壓力 就會冇哂金錢觀念 有咩事都會忍 有時候幾細心 好容易墮入愛河 內心好想人關心，但唔會show出嚟 好識寫情書 對錢冇咩慾望 唔會覺得郁悶，會一直等

11. INTJ

男	女
生活上蠢蠢地 拍拖都要講效率 靜得嚟多嘢講 唔會唔守承諾 精英代表 自我保護意識強 比較木訥 孤獨嘅聰明人 好腌尖同固執 講嘢冇惡意地好毒 我行我素 唔太鍾意拍拖，但一拍拖就對女朋友好忠誠 唔可以要求佢一直聯絡自己	越問得你多問題，代表越愛你 比起愛情更重視工作 同男仔性格好夾，但冇咩男性朋友 熟咗之後就會變到好gag 成日會突然之間覺得好攰 明明覺得寂寞，但又扮冇嘢 鍾意向有學識嘅人學習 好容易攰，成日都要休息 鍾意貓 去親嘅餐廳都唔會差 對藝人冇咩興趣 比想像中感性 成日都會亂諗嘢

12. ISFJ

男	女
係一位好好嘅聆聽者 好似唔太識睇人眉頭眼額 好識照顧人 有時講嘢會太直接 唔太風趣 家庭主義重 鍾意穩定 好溫柔體貼 E嘅女仔會被佢吸引 有啲記仇 份人有啲計較 睇落好似會成日俾人蝦 就算唔鍾意都唔會表現出嚟 希望對方知佢諗緊咩	就算有事都會扮冇事 以分鐘去計劃做事 生活來來去去都係咁 人哋會覺得有少少郁悶 唔鍾意鬧交 睇落好nice 唔鍾意人哋逼得太緊 非常適合遠距離戀愛 賢妻良母 E嘅男仔會被佢吸引 好識俾反應 成日好睇人眉頭眼額，非常在意人哋嘅諗法 有時候會突然變到好high 鍾意收到實用嘅禮物

13. INFJ

男	女
唔太識欲擒故縱 同年紀相比更成熟 會睇得出對方係唔係講緊大話 成日好需要Me Time 好識講嘢 冇咩女性朋友 浪漫 大部份時間都會覺得單身比較好 好nice 份人好sweet，但有時候又會覺得佢好冷淡同敏感 界線畫得勁清楚 一係就好好，一係就好差 去相睇通常成功率偏低 好固執 好識阿諛奉承	唔係太講自己心底話 過於被動 對潮流冇咩關心 有啲老套 好nice但係始終好似唔太close 鍾意依賴對方 有好高嘅期望 只要一難過就會好大件事 會照顧埋男朋友身邊嘅人 鍾意收長信 怕羞得嚟又多朋友 道德觀念高 好難追到 幾固執 愛一個人就會咩都唔計較

14. ISFP

男	女
對所有嘢都帶有批判嘅態度 睇落冇嘢但其實嬲緊 情緒起伏比想像中大好多 可能會突然消失咁分手 唔太識拒絕 唔太鍾意溝通 深情得嚟又夠sweet 尊重私隱 好識撒嬌 鍾意睇風景 唔敢主動表白 明明好計較但唔會表達出嚟 發生衝突會避而不談	少少嘢都會好幸福 約會鍾意去睇展覽 因為冇咩自信，所以需要成日稱讚佢 好似好為人諗，但其實有啲自私 怕羞嘅時候想有人lead住 怕拒絕人 靜得嚟有啲嘈 嘈得嚟有啲靜 只要一friend就會好多TMI 鍾意間唔中Shopping 非常懶，乜都唔想搞 鍾意順其自然

15. ISTJ

男	女
如果好鍾意一個人，會接受即興出去見面 唔鍾意人哋成日呻同放負 唔太講自己心底話 冇惡意地成日指責其他人 喺街會好怕羞，但兩個單獨一齊嘅時候就好識表達+撒嬌 只鍾意收到實用嘅禮物 守時 需要安全感 鍾意留喺屋企 好鍾意問問題 就算係情侶關係都非常公私分明	成日都好長氣 超準時 雖然對其他人冇咩同感，但會希望人哋明佢 只要聽到有人話佢做嘢唔叻就會瞓唔著 鍾意收到實用禮物 好多方面都好保守 要開始一段戀情，需要對方積極啲去push佢 一係冇拍過拖，一係就拍過好耐拖 成日都會為啲小事而擔心 唔會唔守承諾 唔太浪漫 唔鍾意對方依賴自己 會因為對方詳細計劃約會行程而覺得感動

16. ISTP

男	女
少少癲癲地 去相睇成功率偏低 唔太容易發脾氣 覺得所有事都可能會發生 欲擒故縱對佢嚟講冇用 唔會為拍拖而拍拖 唔會專登劃清界線，但人哋會覺得好難接近 成日無意識地令女朋友唔開心 馬後炮好勁 睇落唔真心，但其實好真心 曖昧嗰陣時經常唔聯絡對方，令人會誤會 鍾意CP值高嘅嘢	一係就好痴男友，一係就係俾男友飛 唔太過紀念日 成日無意識地令男朋友唔開心 有時覺得拍拖太煩，單身仲好 唔鍾意太感情用事嘅男仔 唔鍾意成日見面 鍾意得到好多人關心 比想像中識撒嬌 成日都好懶 用金錢表達愛意 識睇人眼色，但因為覺得煩就唔想理 感情鍾意隨緣 覆message好少會覆3句以上

韓國人血型睇性格

唔知大家睇完又覺得準唔準呢？定都係覺得星座更加準？歡迎留言話俾小編聽！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！