Hello，大家好，我哋係由韓國人每日提供最新韓國旅行資訊嘅Creatrip。
相信有好多人都係透過韓劇接觸韓國文化，今次我哋就為咁多位韓劇fans準備咗一個參觀韓劇拍攝地點嘅一日遊，除咗會去好多古裝劇都有去過取景嘅「大長今主題樂園」之外，仲會去埋今年爆紅韓劇嘅拍攝場地，等大家可以好似成為男女主角咁，置身於韓劇入面。
「龍仁大長今主題樂園+水原必去景點一日遊」資訊
- 開團日子：每日（1月1號、農曆新年、中秋節除外）
- 導賞語言：英文、日文
「龍仁大長今主題樂園+水原必去景點一日遊」推薦理由
- 行程將會到訪「MBC大長今主題樂園」，好多韓國古裝劇，例如《朱蒙》、《擁抱太陽的月亮》、《奇皇后》都曾經喺呢度進行過拍攝。
- 行程仲包括埋到訪《那年，我們的夏天》、《非常律師禹英禑》同《二十五，二十一》嘅實際拍攝場地，鍾意睇韓劇嘅朋友們一定唔可以錯過！
「龍仁大長今主題樂園+水原必去景點一日遊」價錢
1人 | ₩150,000 |
「龍仁大長今主題樂園+水原必去景點一日遊」行程表
09:00 - 18:00 | 酒店接送 |
MBC大長今主題樂園 | |
午餐（韓國菜） | |
水原華城 （會以遊車河形式進行觀光） | |
水原行理團路 （《那年，我們的夏天》、《非常律師禹英禑》拍攝地點） | |
到達酒店 |
「龍仁大長今主題樂園+水原必去景點一日遊」注意事項
- 請最少喺2日前完成預約。
- 預約後至出發3日前可以進行取消及全額退款；出發2日前取消會退50%；出發1日前或當日取消不設退款。
- 費用包括交通費、英文/日文導遊服務、入場費及餐飲費用。
- 費用唔包括旅遊保險及個人開支。
- 本行程最少參與人數為2名。
- 主題樂園非常大，需要行比較耐，建議大家著比較舒服嘅鞋參加。
- 拍攝場地可能會喺無預警情況下被拆卸或重建。
- 根據大長今主題樂園嘅情況，可能會需要取消行程或改期，屆時將會send email通知參加人士，請定期check email。
- 水原華城行程會喺車上以遊車河形式進行，亦都可以中途停車影相。
- 行程有可能會因交通情況而有所變動。
- 如果有任何疑問或者想變更預約，請send email到help@creatrip.com。
「龍仁大長今主題樂園+水原必去景點一日遊」預約流程
STEP 1. | |
STEP 2. | 請詳細輸入所有相關資訊。 |
STEP 3. | 請全額付款。 |
STEP 4. | 我哋會喺1-2個工作天確認訂單， 確認完之後會send email通知你。 |
STEP 5. | 預約後至出發3日前可以取消預約及進行退款。 |
STEP 6. | 請最少提前10分鐘到達集合地點。 |
STEP 7. | 向導遊出示預約記錄之後就可以上車出發！ |
「龍仁大長今主題樂園+水原必去景點一日遊」介紹
MBC大長今主題樂園
「MBC大長今主題樂園」係好多韓國古裝劇都有嚟取過景嘅地方，大家覺唔覺得呢個場景好似好熟口面咁呢？呢個佔地接近300萬平方米嘅《大長今》紀念主題樂園將京畿道楊洲文化公園部分嘅拍攝場地搬咗過嚟重建，有好多古裝劇、現代劇、電影同廣告，例如韓劇《朱蒙》、《擁抱太陽的月亮》、《奇皇后》，甚至係BTS Suga嘅《大吹打（대취타）》都有曾經喺度取景，成為粉絲朝聖景點！
主題樂園都幾大吓，都需要行一段時間先會行完，大家就當一邊做運動，一邊參觀吓平時拍韓劇嘅場地，可能仲會俾你搵到你鍾意嘅古裝劇取景地！
而午餐就會帶大家去到附近嘅一間韓式餐廳，經常都會有好多演員拍戲途中嚟呢度食飯！而且呢度嘅泡菜湯同辣炒豬肉都好好食，大家可以大飽口福。
水原華城&水原行理團路
今年有好多爆紅嘅韓劇，而《那年，我們的夏天》、《非常律師禹英禑》同《二十五，二十一》呢3套電視劇嘅共同之處就係，佢哋全部都係喺「水原」進行拍攝嘅！大家會見到好多似曾相識嘅場地，小編就唔多講啦，等大家慢慢發掘！
以上嘅景點其實搭公共交通工具會比較難去到，所以如果你係韓劇忠實fans嘅話，就千祈唔好錯過呢個一日遊，輕鬆方便地去玩返轉啦！
以上係「龍仁大長今主題樂園+水原必去景點一日遊」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
