Hello，大家好，我哋係由韓國人每日提供最新韓國旅行資訊嘅Creatrip。
最近熱播韓劇莫過於ENA出品嘅《非常律師禹英禑》，主要講述自閉症天才律師，透過獨特思考角度，一次又一次喺開庭中突破盲點，令人忍唔住沉迷去追，今日小編就整理好劇中嘅拍攝場景，之後想去打卡嘅朋友都可以參考一吓！
備註：畫面截圖來源為ENA
《非常律師禹英禑》拍攝地
1. 禹英禑飯捲店（카자구루마）
- 地址：경기 수원시 팔달구 신풍로23번길 61
劇中最令人印象深刻嘅場景，就係禹英禑爸爸開嘅「禹英禑飯捲」，實際上係位於水原市，係一間日式料理店「kajaguruma」，自從播出之後近期成為最熱門打卡點，鋪頭至今仲未拆「禹英禑飯捲」招牌，相當可愛。
順帶一提，禹英禑飯捲所在嘅水原行宮一帶，之前《那年，我們的夏天》、《二十五，二十一》以及《語意錯誤》等都有去取景，推薦大家可以順便去埋！
2. 汪洋律師事務所（센터필드）
- 地址：서울 강남구 테헤란로 231
《非常律師禹英禑》中，同樣佔超多戲份嘅「汪洋律師事務所」，實際上位於驛三站前面，係一間複合商辦大樓。
3. 小少酒店（소소주점）
- 地址：경기 고양시 일산서구 강성로232번길 8-10
禹英禑好朋友董格拉米返工嘅居酒屋，實際上位於高陽市「小少酒店」，呢度氣氛好感性，叫主菜加返支紅酒飲，超浪漫。
4. 五福超市（오복수퍼）
- 地址：서울 마포구 환일1길 16
《非常律師禹英禑》開頭講述禹英禑童年喺鄰居超市大喊，爸爸去到以法律告誡佢場景，實際係喺阿峴洞「五福超市」拍，而家仲有開緊，但因為附近係住宅區，大家去嘅時候要細聲啲，唔好打擾到當地居民。
5. 蔚山地方法院（울산지방법원）
- 地址：울산 남구 법대로 55
《非常律師禹英禑》主要開庭場景係喺蔚山地方法院拍，不過如果大家要入去就可能難啲。
6. 英禑與濬浩看海（장화리 일몰 조망지）
- 地址：인천 강화군 화도면 장화리 1408
解決完三兄弟官司之後，董格拉米叫濬浩帶英禑去私藏日落景點，實際位於仁川「長花里」，推薦大家之後去仁川一帶可以去埋！
7. Parc. 1（파크원）
- 地址：서울 영등포구 여의도동 22
英禑同秀妍一齊去百貨公司Shopping，當時同太守美擦身而過，呢個場景位於汝矣島「Parc. 1」，建築後面係近期最熱門「The Hyundai Seoul」。
8. 昭德洞朴樹
- 地址：경남 창원시 의창구 대산면 북부리 102-1
呢棵樹至今約有500幾年樹齡，被指定為昌原市保護樹之一，不過仲未通過天然記念物申請。
9. Cafe Under The Desk（카페 온더데스크）
- 地址：경기 성남시 분당구 서현로237번길 3
《非常律師禹英禑》第9集，方屁噗為求得家長原諒，甚至不惜喺Cafe下跪，當時佢哋係喺盆唐區Cafe Under The Desk，呢度出名採光好、好似去咗一個花園咁，一直以嚟吸引唔少人嚟打卡。
10. 德壽宮石牆路（덕수궁돌담길）
- 地址：서울 중구 세종대로19길 24
第10集英禑同濬浩去約會，佢哋行嘅係韓國情侶避之不得嘅德壽宮石牆路，因為聽講只要有情侶行過，就會傳分手，但禹英禑分析因為嗰度係家事法院（處理離婚）所在地，所以先會令人有分開嘅感覺。
以上係小編整理好《非常律師禹英禑》必去拍攝場景，唔知大家有冇追呢套，之後都會想去跟住打卡呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
