建國大學咖啡廳｜CATCHBALL CLUB
而家喺韓國冬甩係大勢！建國大學附近「CATCHBALL CLUB」，每日新鮮製造，每星期都有唔同新口味！
Hello，大家好，我哋係由韓國人每日提供最新韓國旅行資訊嘅Creatrip。
冬甩呢一個甜品相信冇一個人唔鍾意，甜甜地而且夠軟熟，今日想同大家介紹一間最近喺建國大學超hit嘅Cafe「CATCHBALL CLUB」，佢喺上年12月1號先開幕，不過唔使好耐，已經超多人去打卡！佢哋冬甩多款揀之外，內部裝修亦都好配合最近MD時代風格，自認鍾意去打卡同食甜品，咁你就一定唔可以錯過啦！
建國大學咖啡廳「CATCHBALL CLUB」資訊
- 地址：서울특별시 광진구 동일로30길 51 B1
- 營業時間：11:00 - 22:00
- 小Tips：由兒童大公園4號出口行5分鐘
建國大學咖啡廳「CATCHBALL CLUB」推薦理由
- 由有10年以上經驗嘅糕點師傅製作，每日凌晨五點開始整，保證大家食到嘅都係最新鮮。
- 裝修夠華麗，係配合MZ時代，夠潮之外，餐廳內部仲有好多打卡位。
- 因為喺建大、世宗大、上水站附近，要去嘅話都好方便。
- 最近韓國，冬甩相當流行，唔單止韓國人鍾意，好多在韓留學生都會去買。
- 每日有20多款冬甩，而且每星期都會有新口味，所以次次去都有驚喜，新口味可以參考佢哋IG。
- 所有冬甩都係即日即整，賣哂就會冇，所以想食哂所有口味，一定要提早去。
建國大學咖啡廳「CATCHBALL CLUB」優惠
- 埋單嘅時候向職員出示優惠券，即可享九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
建國大學咖啡廳「CATCHBALL CLUB」注意事項
- 唔可以同其他優惠一齊用（例如：Random Box）。
- Cafe內部係NO KIDS ZONE，如果只係外賣就冇問題。
- 冬甩當日食係最好味，如果食唔到，最好避開陽光，喺常溫低下保管。
- 夏天嘅時候如果唔可以即時食，請放入雪櫃保管。
建國大學咖啡廳「CATCHBALL CLUB」菜單
飲品 | 價格 |
綠茶鮮奶咖啡（녹차시그니처라떼） | ₩5,800 |
士多啤梨梳打（딸기에이드） | ₩4,500 |
甜品 | 價格 |
Corn Frost Donut（콘 프러스트） | ₩4,200 |
Milk Cream Donut（우유크림） | ₩4,000 |
Fruity Donut（프루티） | ₩4,000 |
建國大學咖啡廳「CATCHBALL CLUB」介紹
只係睇外部，有冇俾佢吸引到呢？CATCHBALL CLUB唔好睇佢細細間，已經有分咗三個區域，最左邊係俾人打卡，中間落地下可以堂食，右手邊係俾人外賣。
首先想同大家介紹最右邊嘅外賣區，大家只要拎住個盤同個夾，就可以拎自己最鍾意食嘅口味。
呢度嘅冬甩每日由凌晨五點開始製作，保證大家食到嘅都係最新鮮，而且大大個，價錢一啲都唔貴。
如果大家十五十六唔知揀邊一個冬甩好，可以試吓自己運氣，買佢哋嘅Random Box，一個只係₩3,000，抵過平時嘅價格。
之後想帶大家落去地下一樓堂食區。
雖然內部唔算話好多位，不過裝修就好潮，完全就係符合MZ時代年青人風格，好In！
另外地下一樓有啲款係外賣區冇，所以唔想錯過最好落埋地下一樓睇。
最後小編總共叫咗七款冬甩同兩杯飲品，而家就逐一為大家介紹。
Fruity Donut ₩4,200
只係睇佢外觀好難唔俾佢色彩繽紛吸引，佢入面係有士多啤梨cream，唔會太甜，令人好滿足！
Vanilla Glazed Donut ₩3,500
雲呢拿味相信冇人會唔鍾意，上面加多咗層糖霜，超甜，食落口好幸福！
之後想同大家介紹兩款朱古力味嘅冬甩。
Chocolate Hazelnut Glazed Donut ₩4,000
朱古力加咗榛子碎喺上面，一啲都唔單調，而且好濃朱古力味，係朱古力控一定會鍾意！
Piggy Bar Donut ₩4,200
唔知大家喺韓國有冇食過一支叫做「돼지바」嘅雪條呢？呢個冬甩同名同味，中間除咗有cream之外，仲有啲士多啤梨醬，酸酸甜甜好開胃。
如果你係鍾意食冬甩而且加好多cream嘅朋友，呢兩款超推薦！
Strawberry Cream Donut ₩4,200
Strawberry Cream Donut 係限定，今次小編好好彩去食到，佢嘅士多啤梨好甜，而且cream好滑，入口即溶感覺超正！
Milk Cream Donut ₩4,000
Milk Cream Donut 都係超多人買，去其他地方好少見到會放咗厚嘅Cream！嚟到呢度超推大家一定要食！
綠茶鮮奶咖啡 ₩5,800
佢哋嘅代表鮮奶咖啡有四款口味，包括朱古力、伯爵茶、綠茶同榛子。小編試咗佢哋嘅綠茶，好濃咖啡香，不過有啲可惜係飲唔到綠茶味。
士多啤梨梳打 ₩4,500
平時喺其他Cafe，好少見到有士多啤梨梳打，小編飲完之後一試愛上！佢好清爽，配冬甩一齊食一流！
食飽之後，小編想同大家介紹最後一個區域，就係去打卡啦！
細細嘅空間已經有唔少創意嘅打卡位，食飽之後不妨就嚟呢度影相啦！可以食到好味嘅冬甩，同時又可以打卡，只要係我哋會員仲有9折優惠，咁抵你又點可以錯過？
建國大學咖啡廳「CATCHBALL CLUB」前往方法
兒童大公園4號出口出嚟。
出嚟見到Paris Baguette轉右直行。
一直直行。
之後行到十字路口會見到eggcellent，隔離就係CATCHBALL CLUB啦！
點先可以享有建國大學咖啡廳：CATCHBALL CLUB 9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係建國大學咖啡廳：CATCHBALL CLUB 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com